¹ Ha wola tumbaji ejile kuli Yesu nyi kwamba ngwo, '' Yiya munene muwanangana wamalilu?'' ² Yesu wasanyikine kuli iye mwana mu kepe, yamusa hakachi ko, ³ nyi kwamba ngwenyi , '' chaumwenemwene ngunambe kuli yenu ngwami, ndo munwalumuka nyi kupwa ngwe mwana mukepe , chocho kunushi kanjilamo muwanangana wamalilu. ⁴ Chenacho , mweswawo malikehesa mwene ngwe yono mwana mukepe yiye munene muwanangana wa malilu . ⁵ Mweswawo matambula mwana mukepe mujina lyami katambula yami. ⁶ Alyoze mweswawo malingisa wano ana akepe afulyele kutalinga , kuchinapeme kachi hi kumu kashila liwe hakota , nyi kumutwala hanga akamumbile muka lunga lwiji haze hasuku. ⁷ ''Lamba kuchifuchi mumu wayitalingiso yamo! mumu chinapeme yino yitalingiso muyituhuka, mba lamba kuli yoze yino yitalingiso muyituhukila! ⁸ Kachi nyi kwoko hanji kulu mulikulingisa yena kutalinga , lipatuleko nyi kulimbila likatukeko kuli yena . Chinawaha yena kunjiila muwanangana wa malilu nyi utonji kuhyana kukumbila mukahya kamyaka yeswe nyi moko ali chipwe molu ali . ⁹ Nyingwe liso lye lya kukulingisa hanga utalinge , litombongonyemo hanga ulimbile . Kuchina peme yena kunjila muwanangana wamalilu nyi liso limuwika kuhyana kukumbila mu heteze nyi meso eswe ali. ¹⁰ Talenu ngwenu kunwalelesele wano Ana a kepe . Mba ngunambe kuli yenu ngwami mumalilu angelo jo kakutala hamahuma kuli Tato uli mumalilu. ¹¹ Mumikanda yipema yikulu ya Angelesha kuyishi nyi wano maliji chize ana lumbununa mba mwe Mwe mwana mutu kanakeza nyi kulamwina waze ha natoko. ¹² Kuchi unanyongo ? nyingwe kachi umwe kali nyimapanga jenyi kulakaji, nyi umuwika matoka , kuma kechi kuhichika waze akumi nake nyi nake kusesa mulundu nyi kuya hanga afupe yoze umuwika watoka ?. ¹³ Nyingwe mamuwana chamwenemwene ngunambe kuli yenu ngwami , mawahilila chikolo kuhyana waze akumi nake nyi nake. Ahonanga kutoka . ¹⁴ Chimuwika , hi chizangoko cha Tatenu wa mumalilu ngwenyi waze Ana akepe kanda akatoka. ¹⁵ '' Nyingwe ndumbwe makuvulumuna , yako hanga nuli konekene yena nyi yiye kwahwa. Nyingwe makuvwila , yena walinga kanawa nyi ndumbwe. ¹⁶ Mba nyingwe kakuvwilile yena , yakoko nyi atu ali chipwe atatu mumu muma kanwa ja wano yela eswe maliji mahasa kwa hetesa kanawa. ¹⁷ Mba nyingwe kechi kuta kwavwila , twalenu chino chihande kuchi kungulwila . Nyingwe nawa malituna , kuvwila akwachikungulwila echa apwe kuli yena ngwe mukwashili nyi mukwaku fwetesa lijimu. ¹⁸ Chamwenemwene ngunambe kuli yena ngwami , cheswe chize makasa hano hashi nyi mwilu makachikasa , nyi cheswe makasununa hano hashi nyi mwilu makachikasununa. ¹⁹ Nawa ngunambe kuli yena , nyingwe atu alihano hashi malitayiza ha chuma chimwe mafupa , kumuchi kalingiwa kuli ayo kuli Tata wa mumalilu. ²⁰ Mba kweswe kuze makunguluka ali chipwe atatu mujina lyami , nyi yami nguli mukachi ko.'' ²¹ Hohene Petulu yeza nyi kwamba ngwenyi kuli Yesu , '' Mwene mawola angahi ndumbwami manguvulumuna nyi yami mungumukonekena? Ndo hayisuho shimbyali?'' ²² Yesu yamba kuli yiye ngwenyi, '' Nwguna kulweze ngwami hiyisuwo shimbyali ko alyoze yisuho shimbyali yisuho shimbyali. ²³ Keshika wanangana wamalilu unalifu ngwe umwe Mwanangana wazangile kuhwisa mikuli ya ngamba jenyi . ²⁴ Muze aputukile kufweta mikuli ndungo umuwika wamunehenene mukuli wenyi tununu kumi lya yawana. ²⁵ Mba muze ahonene majila akufwetelamo mwata wenyi yamwamba hanga alanjise, yeswe yize alinayo pwo lyenyi nyi ana jenyi nyi yeswe yize alinayo , nyi kungufweta . ²⁶ Chocho ndungo waholokele hashi ; ya lyumba hashi kuli yiye , nyi kwamba ngwe nyi , ' Mwata , pwako kama nyi keke haliyami nyi kufweta mukafweta yeswe. ²⁷ Chocho Mwata wayoze ndungo , muze te hichamukwata chikolo kukuhaji chenyi , wamwechele kuya yamukonekena mukuli wenyi. ²⁸ Mba yoze ndungo wayile nyi kuwana umwe ndungo mukwo , yoze apwile nenyi nyi mukuli wakuheta ku kulakaji ya mbongo . Yamba kuli yiye , nyi kuputuka kumukala yoze mukwo , nyi kwamba ngwenyi ,' Ngufwete mukuli wami ,' ²⁹ ''Mba ndungo nyi mu kwo yalyumba hashi nyi kulemba kuli yiye ngwenyi , ngwami, ' pwako kama nyi keke hali yami , nyi yami mu kakufweta yena .' ³⁰ Mba ndungo mutangu kakatayijile . Alyoze yiye wamumbachile nyi kumutwala mu kamenga ndo nyi wola makamufweta mukuli wenyi . ³¹ Muze ndungo akwo achimwene chize hichasoloka , ayo kakachivwilekanawa.Nyi ayo ayile nyi kulweza mwata wo ha yeswe yize hiyasoloka nyi kulimgiwa. ³² ''Chocho mwata wayoze ndungo wamusanyikine nyi kwamba kuli yiye ngwenyi , Yena ndungo mupi , nakukonekenene mukuli weswe mwomwo mumu walyumbile kuli yami . ³³ Ku ushi nyi keke kuli mukwenu ndungo , ngwe chize nakuvwilile keke yena? ³⁴ Mwata wenyi wavwile chikolo wuli hali yiye wamumbachile ya mukunjika kuli akwakupinjisa ndo mafweta mukuli ali nawo . ³⁵ Chize chili kuli Tata wa mwilu malinga kuli yena nyingwe kuwa konekenene ndumbwe kukatuka kwishi ya mbunge.''