¹ Hakupalika matangwa atanu nyi limuwika Yesu yambata Petulu , Tiyangu nyi Yowano ndumwenyi , yakanduka kumulundu wukawo. ² Yiye walumukile kumeso jo kumeso jenyi mukupaliumuka ngwe tamgwa , nyi uzalo wenyi walumukine ngwe pangu. ³ Hohene , chasolokele kumeso jo Mose nyi Eliya kana hanjika nenyi . ⁴ Petulu yakumbulula nyi kwamba kuli Yesu ngwenyi , '' Mwene , chinatuwahila kupwa kuno nyi nunazange, mungutunga kuno yisaali yitatu chimuwika chayenu, nyi chiko cha Mose , nyi chiko cha Eliya.'' ⁵ Shimbu tekuhachihanjika , hohene lelwa muliwajulamina nyi chizulya hali ayo, nyi hohene , liji mutuhuka mu lelwa , ngwo , '' Awu ye mwanami nazanga , muli yiye ngunawahilila . Mwivwenu.'' ⁶ Ha kuchivwa , tumbaji , yafulamana hashi nyi woma . ⁷ Yesu yejile nyi kuwakwata nyi kwamba ngwo, '' kanda nwivwa woma .'' ⁸ hakuhetuka meso jo kakamwene nawa muko ndo lume Yesu. ⁹ Shimbu apalumukile ku mulundu , Yesu yawaha shimbi, ngwenyi , '' Kanda nulweka nyi umwe yize nwamona ndo mwana mutu hahinduka mukachi ka afu.'' ¹⁰ Tumbaji jenyi yamuhulisa , ngwo , '' Yika alongeshi ja shimbi kakwamba ngwo chitangu Eliya kulyanga kwia?'' ¹¹ Yesu yakumbulula nyi kwamba ngwo , ''Eliya malyanga kwiza nyi kululika yuma yeswe . ¹² Alyoze ngunanulweke , Eliya haneza kulu , alyoze kakamunyingikine . Chocho kalingile cheswacho azangile hali yiye . chimuwiuka , mwana mutu makamona lamba linji ku moko jo .'' ¹³ Mba tumbaji yanyingika muze ahanjikile hali Yowano chiopapachisa. ¹⁴ Hakuheta ku mbunga , umwe lunga kejile kuli yiye , nyi kwamba ngwo , '' ¹⁵ Mwene , mwivwilenu kama keke mwanami wa lunga , musongo wa ngulu ali nawo nyi lamba anamono . Mumu kanji kakuholokela mu kahya nyi mu meya . ¹⁶ Namunehanga kuli tumbaji twe , kahashile kumuwuka .'' ¹⁷ Yesu wakumbulwile nyi kwamba ngwo, '' Yenu chisemuko chakuhona kufilyela , matangwa angahi mungupwa nyi yenu? matangwa angahi mungu pwa nyi yenu munehenu akuno. ¹⁸ Yesu wamwambilile lihamba , nyi kutuhuka , nyi mwana walunga kamuwuka muli yize yene wola. ¹⁹ Hohene tumbaji kejile kuli Yesu wukawo nyi kwamba ngwo , '' Yika yetu kutwakahashile kumutuwisa?'' ²⁰ Yesu yamba kuli ayo ngwo , '' mumu wa ufulyelo wenu ukepe . Mumu pundu nginambe kuli yenu ngwami , nyingwe muli yenu ufulyelo ngwe lunowa wa mosetate , munwamba kumulundu ngwenu ,'tutuluka kuno uye kuze muwu katutuluka , chakwihi chize muchikapwa chikolo kuli yenu .'' ²¹ Alyoze wuno lihamba kushi kutuhuka ndo lume kupalikila mu kulemba nyi kulitwamina kulya. ²² Shimbu atwamine mu Ngalileya , Yesu yamba kuli tumbaji twenyi ngwo , '' Mwene mutu makamuhana ku moko ja watu , ²³ Nyi kumushaha , nyi ha tangwa lya muchitatu maka hinduka .'' Tumbaji yevwa chinyengo chikolo. ²⁴ Muze ahetele ku kafwanawume , malunga atambwilenga mbongo yeza kuli Petulu nyi kwamba ngwo , '' Longeshi yenu kakufweta mbongo ja Tembele nyi?'' ²⁵ Yamba nngwenyi , '' Ewa. '' Muze Petulu kanjila muzuwo , Yesu yahanjika tangwa ngwenyi, '' Yika wunashinganyeka , Simone ?kuli ayo amwangana ja hashi akutambula mbongo? kuli ana jo nyi kuli akwo?'' ²⁶ '' Kuli akwo Petulu yakumbulula , '' chocho ana kanakasunuka ,'' Yesu yamba ngwo . ²⁷ kuchina kutalyangisa waze akutambula mbongo , yako ha kalunga lwiji, mbilaho kazambu, nyi kwoza yishi yoze meza mutangu muze mwazulula kanwa , muwana lumbongo.wakambate nyi kufweta kuli ayo yayami nyi yena.