¹ Afaliseu nyi Asatuseu ejile nyi kumweseka amwichile kwa lweza chilayi chakufuma kwilu . ² Alyoze wakumbulwile kuli ayo ngwenyi, '' Muze mukupwa chingoloshi , munwamba ngwe nu , 'hamene tangwa lipema mumu tangwa , linachili nyi ku vunduka .' ³ Nyingwe kuli chimene , munwamba , 'musono kangonga mumu lilu lina chili nyi lina vunduka !'Nuna nyingika kusa chinyingi ku yuma yama lilu, alyoze kunwa nyingikine kusa chinyingi kuilayi yamyaka . ⁴ Chisemuko cha cha ungulungulu nyi utanji machifupa chilayi , chilayi kechi kahacho ndo chilayi cha Yona .'' Yesu wahichikile wayile. ⁵ Muze tumbaji ahetele musali , avulamine kumbata mbolo ⁶ .Yesu wambile kuli ayo , '' Talenu kamyamenu futumwiso ya Afaliseu nyi Asatuseu .'' ⁷ Tumbaji alyambile hakachiko ngwo, ''mumu kutwambachile mbolo.'' ⁸ Yesu wanyingikine chino yamba ngwenyi, '' yenu akwa ufulyelo ukehe, kuchi nuna lyambe yenwene mumu kunushi mbolo? ⁹ Kanda chinulumbunuka chipwe kwi uluka mbolo jitano hatu nunuatano , nyi ize ipakili nwanjile ? ¹⁰ Chipwe mbolo shimbyali yatununu awana , nawa yiseke yingahi nwanjile? ¹¹ Kuchite ku cha nulumbunukine cha ha njikile kuli yenu ha mbolo ? Talenu keyelenu futumwiso ya Afaliseu nyi Asatuseu .'' ¹² Nawa chalumbunuka kakapwile nyi kwalweza kukeyela futumwiso ya mbolo, alyoze kukeyela kuku longesa cha Faliseu nyi Satuseu. ¹³ Muze Yesu ahetele ku yihunda ya Sesatea Fwilipu , wahulile tumbaji jenyi . ngwenyi , '' kuchi atu akuvuluka mwe mwana mutu?'' ¹⁴ Ambile ngwo , '' Amwe ngwo Yowano kapapachisa ; akwo , Eliya : nyi akwo ; Yelemiya. chipwe umwe watu pulofeta.'' ¹⁵ Wambile kuli ayo , '' Alyoze enu kuchi nwa kunguvuluka ?'' ¹⁶ Kumbululo , Semone Petulu ngwenyi , '' Ena uli kilishitu, mwe mwana Zambi wa mwono.'' ¹⁷ Yesu wamukumbulwile ngwenyi , '' kuwawaha, Simone mwana Yona , musunya nyi manyinga kaisolwele kuli yena , alyoze tata ulimwilu . ¹⁸ Nyi yami nawa ngunambe kuli yena ngwami uli Petulu , nyi haliwe lino mungu katunga chikungulwila chami . Nyi yajilo ya iteteze kuyichi kakumbaho. ¹⁹ Kumunguka kwaha sapi ja mu malilu . Cheswacho mukakasa hashi muchikakashiwa mwilu , nyi cheswa cho mukaka sulula hashi maka chika sulula mwilu.'' ²⁰ Mba wakanjikijile tumbaji jenyi kanda amba nyi kuli umwe mutu , ngwe iye Kilishitu. ²¹ Kukatuka halize ola Yesu waputukile kulweza tumbaji jenyi ngwenyi watela ku ya ku Yelusaleme , kwivwa lamba linjiku moko ja makulwana nyi asasendote akwa lutwe nyi akwa kusonyeka , akamushihe , nawa aka muhindwise ku mwono hatangwa lya mu chitatu. ²² Hohene Petulu wamumbachile kutenga nyi kumwamba , ngwenyi , '' kanda chipwa chocho kuliyena, Mwene ; kanda chika soloka kuli yena.'' ²³ Alyoze Yesu wateukile nyi ku mwamba Petulu , '' sosoloka kunyima yami, satana! Yena uli chitalingiso kuliyami , mumu kuwa shinginyekene yuma ya Zambi , alyoze yuma yatu.'' ²⁴ Hohene Yesu wambile kuli tumbaji jenyi , '' Nyingwe umwe kanazange kungukaula , akalikale iye mwene , akazundule kulusu yenyi, nyikungu kaula . ²⁵ Mumu mweswawo mazanga kulamwina mwono wenyi makautokesa , nawa mweswawo makatokesa mwono wenyi mumu hali yami kumakauwana. ²⁶ Mba kuchi mutu ma fumbuka kachi malipichisa hashi heswe alyoze matokesa mwono wenyi ? chika mutu mahana muku sumbakenya mwono wenyi? ²⁷ Mumu mwe mwana mutu kuma keza mu uhenya watato hamwe nyi angelo jenyi. Hohene kumakahana kuli mweswe nyi kulita nyi itanga yenyi. ²⁸ Chamwene mwene ngunambe kuli yenu ngwami , kwali amwe amuli yenu ana mana hano kechi kamona kufwa nyi chimwe ndo mamona mwe mwana mutu kaneza mu wanangana wenyi.''