¹ Keshika pwenu akwa kulondeleza Zambi , ngwe aana waze hanazange chikolo. ² Endenu mu zango , ngwe chize Kilishitu watuzangile nyi kulihana mwene hali yetu , mulambu nyi chitapo cha vumbi lipema kuli Zambi . ³ Alyoze kanda kukapwa kwivika hakachi kenu utanji chipwe luchisa nyi kuzo, mumu ayi yatelele kuli asandu ja Zambi . ⁴ Kanda kupwa pande ja sonyi, chipwe kuhanjika cha uhepuke ayi lwelya wa uhepuke yize tatelele . Alyoze nupwe nyikusakwila. ⁵ Mumu chino nunachinyingika ngwo nyiumwe chitanji, chipwe mukwa luchisa nyi mukwa kuzo che ku kombelela mahamba keshi chinyingi mu wanangana wa Kilishitu nyi Zambi . ⁶ Kanda nyi umwe kanda anwonga nyi maliji amoko moko, mumu hayino yuma utenu wa zambi kumuwiza hali akwa uholya. ⁷ Keshika kanda mulikata no. ⁸ Mumu yen nwapwile mumilima , mba hinwapwa pangu muli Mwene . Endenu ngwe aana jamu pangu . ⁹ {mumu muhuko wa pangu unasoloka nyi upema weswe, ululi, nyi umwene mwene }, ¹⁰ nawa esekenu chize chakupemana Mwene. ¹¹ Kanda nulyendela nyi waze keshi kwima mihuko ayitanga ya milima, alyoze nwasolole. ¹² Mumu yikola sonyi yuma yize akulinga kutenga. ¹³ Mba muze mayiheha kupangu , muyisoloka. ¹⁴ Mumu chakusolola yuma yeswe pangu . Keshika kanambe ngwenyi , laula, yena mukwa tulo , zunduka hakachi ka afu , nyi Kilishitu makakutemukina. ¹⁵ Talenu kanawa chize nunende - hi keshi ngwe waze keshi maanako alyoze ngwe akwa maana. ¹⁶ Kulenu we mwaka mumu matangwa wano api. ¹⁷ Keshika , kanda nukazuzuka , alyoze nyingikenu chize upale wa Zambi uli. ¹⁸ Nawa kanda muzengewa nyi vinyu , mumu mwenamo muli chimbangwinya . Alyoze zalenu nyi Shipilitu Musandu , ¹⁹ kulihangikisa umwe nyi mukwo mu masamu nyi myaso nyi mimbo ya Shipilitu , nyi kwimba nyi kulyangula mumbunge jenu kuli Mwene. ²⁰ Shimbu jeswe kuhana kusakwila mu yuma yeswe, mu jina lya Mwene Yesu Kilishitu kuli Zambi tata , ²¹ lizeyelenu umwe nyi mukwo muli Kilishitu . ²² Mapwo , zeyelenu malunga jenu , ngwe chize kuli Mwene. ²³ Mumu lunga we mutwe wa mukwo pwo nge chize Kilishitu neye yiye mutwe wachikungulwila , yiye Mwene mwe chilamwina cha mijimba. ²⁴ Alyoze ngwe chizechene chikungulwila chakuzeyela Kilishitu, chocho nawa mapwo akazeyele akwo malunga mu yuma yeswe . ²⁵ Malunga , zangenu mapwo jenu, ngwe chize Kilishitu wazangile chikungulwila nyi kuli kunjika mwene ha chiyo. ²⁶ hanga akachilinge chisandu , muze hachipemesa nyi kusanyisa nyi meya a liji, ²⁷ hanga te kachi akachihane chikungulwila kuli yiye mwene cha uhenya , chakuhona chipeka hanji mukanya chipwe chuma chinapu ngwe chino , alyoze chisandu nyi chakuhona kupalya. ²⁸ Chocho nawa enu malunga chatamba kuzanga akwo mapwo ngwe chize mijimba yo. Yoze mazanga mukwo pwo malizanga mwene. ²⁹ Mumu nyiumwe mapwo nyi kole nyi mujimba wenyi , alyoze maulela nyi ku ufunga , chizechene ngwe Kilishitu kakulinga ku chikungulwila, ³⁰ mumu tuli yitanda ya mujimba wenyi. ³¹ " Hamulonga uno lunga makahichika tato nyi naye nyi kulinunga kuli mukwo pwo , nyi aali makapwa musunya umuwika.'' ³² Chijimbikilo chino chinene: alyoze nganahanjia hakutwala kuli Kilishitu nyi chikungulwila. ³³ Chipwe chocho , mutu nyi kanatela akazange mukwo pwo ngwe chize alizanga mwene, nyi kuli pwo akavwile woma mukwo lunga.