¹ Yami , keshika , funge muli mwene , ngunalyumbu kuli yenu nukende ngwe chinatela kutambika chize hananutambika nacho. ² Ngunalyumbu kuli yenu kupwa nyi uhomboloji nyi umbovu nyikulihumikiza, kusa umwe nyi mukwo mu zango. ³ Nulipupwise kufunga kununga cha Shipilitu nyi muya wa sambukila. ⁴ Kuuli mujimba umuwika nyi Shipilitu umuwika , ngwe chizechene ananutambika mukutalatala chimuwika cha kutambika chize anutambikile nacho. ⁵ Nawa kuuli Mwene umuwika , ufulyelo umuwika, upapachiso umuwika , ⁶ nawa Zambi umuwika nawa mwe Tato ya eswe, yoze uli helu lya eswe nyi kuli eswe nyi muli yeswe. ⁷ Kuli mweswe hakachi ketu hanatwehe vumbi nyi kulita nyi njongo chawana cha Kilishitu. ⁸ Hichinapu ngwe chize yisoneko yinambe: Muze azezukile kwilu , wafungile funge mu ufunge, nawa wahanyine yawana kuli atu.'' ⁹ Achi kuchichinalumbununa hakwamba ngwo ''azezukile ,'' shina hatangu wahulumukine nawa muyihanda ya hashi nyi hashi? ¹⁰ Yoze wahulumukine mwenawo nawa wazezukile helu lya malilu eswe, hanga akazalise yuma yeswe. ¹¹ Kilishitu iye hanahana amwe kupwa apositolo, nyi amwe apulofeta , nyi amwe akwambujola , nyi amwe tulayi nyi alongeshi . ¹² Wa hanyine yawana yino kululika asandu ha milimo ya uvumbiko , mukukolesa mujimba wa Kilishitu. ¹³ Ndo yetu eswe mutuheta ku kununga cha ufulyelo ni ku chinyingi cha mwe Mwana wa Zambi , kuli mutu mungunu nyi kucheseko cha chizundamo cha kuzala to cha Kilishitu. ¹⁴ Kilishitu ye wakututenga hanga kutuchi kapwa ana akemba waze akuhunguka nyi mikanya , kuhungumyoka nyi fuji yeswe ya longeso nawa ku kwonga kwa atu nyi unjiliji nyi kulita nyi maliji akuhengesa. ¹⁵ Alyoze, kuhanjika umwenemwene mu zango , kumutukatatuka mu jila yeswe muli iye mwe mutwe , mwe , Kilishitu. ¹⁶ Kilishitu iye wakutatwisa mujimba weswe, nawa wakusepekanya nyi kununga hamuwika nyi chize makonekeno esweakuhana , nawa muze chihanda cheswa muchizachila hamwe , chakuweza kutatwisa cha mujimba hanga chitatwise mujimba wene mu zango. ¹⁷ Keshika, chino ngunambe ngunashindakenya chino muli Mwene , kanda nukenda nawa ngwe mavungu akwenda mu kunyonga cho chamokomoko. ¹⁸ Nyi kula mu kunyonga cho, kahandunuka ku mwono wa Zambi mumu ha kwalajala chize chili muli ayo, mumu ha ukalu wa mbunge jo. ¹⁹ Keshi nyi sonyi nawa hanalitumbikila ku ujila , mukulinga luchisa mweswe . ²⁰ Alyoze yenu kunwalilongesele Kilishitu chocho. ²¹ Kachi chinapu chocho ngwe hinunamwivu, nawa hanufumba muli iye , ngwe umwenemwene uli muli Yesu. ²² Hananulongesa ku zula mutu mukulu wuze wapwile mu kwenda chenu chakunyima, mukuzula mutu mukulu . Hi mutu mukulu wuze wa kupihisa mumu wa usolo wa kwonga. ²³ Anulongesele kupwa aha mu Shipilitu wakunyonga chenu, ²⁴ nyi kuzala mutu waha yoze hanamutange mu ululi nyi usandu wa mwenenemwene nyi kulita nyi Zambi. ²⁵ Keshika ,echenu kuhanjika mahuza , echenu mweswe ahanjikenu umwenemwene nyi mwenyembo wenyi, mumu tuli yihanda yimwe ya mukwo. ²⁶ Tenukenu nawa kanda nuvulumuna . Tanga kanda likanjila ha utenu wenu. ²⁷ Mwe satana kanda numwaha unjililo. ²⁸ Yoze weyile kanda akeya . Akakilikite, akalinge yipema nyi moko jenyi, hanga akapwe nyi chize chakulyanyina nyi yoze mahona. ²⁹ Liji lya kupihisa nyi limwe kanda likatuka mukanwa jenu. Nukazachise maliji waze akukwasa mu kokolesa amwe, nyi kulita kuyilinga yo , hanga maliji jenu akapwe awukwaso kuli waze akukwivwa. ³⁰ Kanda nuvwisa chinyengo Shipilitu Musandu wa Zambi , mumu muli iye hananujiki nyi chijikilo ndo tangwa lya ukule . ³¹ Usasu weswe , nyi ufwatulo ,nyi utenu, nyi zungo, nyi kutukana , hamwe nyi yilinga yeswe yipi yimbilenu. ³² Pwenu nyi utu umwe kuli mukwo , akwa mbunge akwivwa keke , nyi kulikonekena umwe nyi mukwo , chizechene ngwe Zambi nawa hananukonekena muli Kilishitu.