¹ Ha chikuma chino yami , Paulu , funge ya Kilishitu Yesu mumu hali yenu akwa mavungu . ² Kachi nwevwile hausolo wa vumbi lya Zambi uze hanangwehe hali yenu. ³ Nguna soneka usolwelo angunyingikishine , chijimbikilo nikulita ngwe ha sonekene kulu nyi maliji akehe . ⁴ Hanga muze mumutanga , malinjekela jami mu chijimbikilo cha Kilishtu akanulumbunuke . ⁵ Chize ha yisemuko yikwo kachisolwele kuli ana ja atu . Alyoze halyapwila hana chisolola kuli Apositolo jenyi asandu nyi apositolo jenyi muli Shipilitu . ⁶ Ngwo umwenemwene akwa mavungu kwa mavungu kanapu maswana , nyi akwo nyi yihanda nyi yikwo ya mujimba , umuwika nyi akwa kuhangana - akwo cha chilakenyo muli Kilishitu Yesu kusango lipema . ⁷ Ha uene lyo angupwishile kavumbi nyikulita nyi chawana cha vumbi lya Zambi lize anguhele nyi kulita nyi kulinga chatachi jenyi . ⁸ Kuli yami - nguli mukepekepe wahyana eswe a kuli asandu eswe - hanangwehe vumbi lino , - kwambujola hakachi ka akwa mavungu sango lipema lya upite wa Kilishitu uze nyiumwe mahasa kunyingika , ⁹ nguka lweze atu eswe uze wapwa uselo - wa chijimbikilo chahengamine chize ku myakulwila muli yoze watangile yuma yeswe muli Zambi . ¹⁰ Hanga halyapwila akanyingikise ma wanangana nyi yiyulo mumalilu kuchi kungulwila milali yeka nyiyeka yamana a Zambi . ¹¹ Nyikulita nyi kupala chize cha kumyaka yamutolo chize apalile ku kulinga muli Kilishitu Mwene wetu . ¹² Muli Kilishitu hamu tuli nalyo nyi unjililo muku jikiza ku ufulyelo kuli iye . ¹³ Keshika nguna nu shinjila ngwami kanda nulezumuka ha luyinda wami hali yenu , mwenawo wuhenya wenu . ¹⁴ Ha chikuma chino na ku umba makungunwa jami kuli Tata , ¹⁵ yose hali iye minyachi yeswe mwilu nyi hashi hana yiliuku majina . ¹⁶ Hanga enu akanwehe , nyi kulita nyi ku lumbama chauhenya wenyi , kunutakamisa nyi tachi kuli Shipilitu , yenyi muli , mutu wamu mbunge . ¹⁷ Nguna lembe ngwami Kilishitu atwame mumbunge jenu ku ufulyelo , hanga yenu nyi kutanda miji nukajikize mu zango . ¹⁸ Nuka hase kunyingika , hamwe nyi asandu eswe , uze wapwa utohe , nyi usuhwe , nyi usuku , kwilu nyi usuku kushi . ¹⁹ Nyi kunyingika zango lya Kilishitu , lize lya kuhyana yinyingi , hanga kuka zale to ndo kuku zala cheswe chazambi . ²⁰ Halyapwila kuli yoze wakuhasa kulinga kuhyana chikolo chize cheswe mutwita hanji mutu nyonga , nyikulita nyi tachi jenyi jakulinga muli yetu , ²¹ uhenya wapwe kuli iye mu chikungulwila nyi muli Kilishitu Yesu ndo kuyi semuka yeswe ku myaka yamutolo . Amene .