¹ Nawa nyi yenu , nwapwile afu mu utanguko wenu nyi mu shili yenu . ² Muyenayo myaka ya kunyima nwendele, nyi kulita nyi ndando ya hano hashi . Nyikulita nyi mwata wa chiyulo cha mu tetela, Shipilitu yoze unende nyi aana a uhulya . ³ Hakachi ko nyi yetu eswe , nawa ha myaka ya kunyima , twendele mu usolo wa musunya wetu , nyi kulinga upale wa musunya nyi yishinganyeka. Nyi ku chisemewa twapwile akwa ku utenu chizechene ngwe akwo. ⁴ Alyoze Zambi mukwa upite nyi keke mumu ha zango lyenyi linene lize watuzangile nalyo. ⁵ Chipwe muze twapwile afu mu milonga yetu , hanatupwisa nyi mwono hamwe nyi Kilishitu -ku vumbi hananulamwina. ⁶ Zambi hanatuhindwisa hamwe nyi Kilishitu , nyi Zambi hanatutwamisa hamwe nenyi mu malilu muli Kilishitu Yesu , ⁷ hanga akasolole kulumbama chahyana upite wa vumbi lyenyi nyi atu kuli yetu muli Kilishitu Yesu. ⁸ Mumu ku vumbi hana nulamwina ku ufulyelo . Nyi chino hi cha kuli yenwene ko, hi chawana cha Zambi , ⁹ hi cha ku yitanga ko, hanga nyiumwe kechi kalisamba. ¹⁰ Mumu yetu tuli chitanga chenyi, atutengele muli Kilishitu Yesu ha yilinga yipema yize Zambi walulikile kushi hanga tukendemo. ¹¹ Keshika yiwulukenu ngwe yenu ha myaka ya kunyima nwapwile mavungu mu musunya . Yenu akuvuluka ngwo, '' Ulima'' kuli waze akuvuluka ngwo , '' ungalami'' mumusunya wakulinga nyi moko. ¹² Mumu hali yize ola nwapwile kunushi nyi Kilishitu , tundaka ku vungu lya Izalele, nyi yilambalaku usendo wa chilakenyo, nyi kutalatala nyi chimwe nwapwile kunushinyi Zambi hano hashi. ¹³ Alyoze halyapwila muli Kilishitu Yesu yenu hamyaka ya kunyima nwapwile ku suku ,nyi Zambi hananukundamisa mukamwihi ha manyinga ja Kilishitu . ¹⁴ Mumu yiye sambmukila yetu. Yiye wapwishile eswe aal umuwika . Mu musunya yiye wapuzwile chikalakala cha kuhandununa . ¹⁵ Chenacho , yiye wahwishile mu mujimba wenyi ye kole e maliji a shimbi atwama mu ndongo hanga akatange muli yiye mwene wakuli aali mutu umuwika nawa, nyi kuneha sambukila . ¹⁶ Kilishitu hanga akawanyise eswe aali kuli Zambi mu mujimba umuwika ku kulusu, kusa kufwa cha kole. ¹⁷ Yesu wejile kwambujola sango lipema lya sambukila kuli yena nwapwile kusuku nyi sambukila kuli waze apwile hehi. ¹⁸ Mumu muli Yesu yetu eswe aali unjililo tuli nawo muli Shipilitu umuwika kuli mwe Tata. ¹⁹ Chocho nawa , nuli yilambala nyi njize ko nawa . Alyoze enyoho- nyi akwo hamwe nyi asandu nyi akwa zuwo lya Zambi. ²⁰ Hanutungisa ha fundamentu ya tumbaji liwe lya lutwe lya ha mbango. ²¹ Muli yiye kutunga cheswe chimwe nyi chimwe chakutokela kanawa kuchakondomoka kupwa tembele muli mwene. ²² Muli yiye yenu nawa kunwatungiwa hamuwika kupwa zuwo lya Zambi muli Shipilitu.