¹ Achi kuhanjika chili chambwende: Iyi ngwe mutu umwe mazanga kupwa kalayi , hazanga mulimo upema. ² Halyapwila kalayi apwe mutu keshi nyi kapalya. Ndo lunga wa pwo umuwika . Apwe mu kwa kukeyela , mukwa mana , mukwa yilinga ya kulita , mukwa ku kwasa. Matela kupwa longeshi. ³ Kanda mapwa chimbangwinya wa vinyu ka , kanda mapwa mukwa ku mbufula, mba chocho , chimbou, hi wa ndomnbo ko . himukwakuzanga mbongo ko. ⁴ Mba chocho apwe wa fumbe lipema nyi amu zuwo lyenyi , amone ngwo ana jenyi kakumuzeyela ka ku mwaha vumbi mujila jeswe . ⁵ Nyi ngwo mutu keshi kuhasa kufumba zuwo lyenyi , kuchi mahasa kufunga mu zuwo lya zambi? ⁶ Hi yoze wa fulyela ha shimbu lkepe ka, hanga aka hone kuli vumba nyi ku holoka muku pihya cha ndyapu. ⁷ Chikwo nawa apwe nyi shindakenyo kuli waze ali haze , kuchina ma limbukila mulu choko nyi mumu heto wa ndyapu. ⁸ Chimuwika , Tuvumbi apwe nyi lwelya , kanda apwa nyi malimi aali. Kanda apwa aka kunwa vinyu yinji chipwe chizuzeke. ⁹ Apwe nyi ku lama yijumbikilo ya ufulyelo nyi mbunge yipema. ¹⁰ Alyangile nyi wano kweseka , amba aputuke kuzata mumu keshi nyi mulonga . ¹¹ Chimuwika lume , mapwo ja ayo apwe nyi kavumbi , kanda mapwa yi lamikiji , apwe nyi ku wunda mumbunge jo mu yuma yeswe. ¹² Tuvumbi apwe lume nyi pwo wumu wika. Afumbe aana jo nyi eswe amuzuwo alize . ¹³ Mumu waze eswe mavumbika kanawa mali zukila chihela chipema nyi hamu linji nyi ufulyelo uze uli muli Kilishitu. ¹⁴ Hi na soneka yuma yeswe ayi kuli yena , se ngunatalatala kwiza kuli yena nyi kawashi . ¹⁵ Alyoze kachi hina shimbula , hina soneka kuli yena hanga wunyingike kulinga chitamba kwenda mu zuwo lya Zambi , che chikungulwila cha Zambi wa mwono , lye ngunji nyi wukwaso wa umwene mwene. ¹⁶ Etu eswe twa tayiza ngwo chijimbikilo cha u Zambi wa tachi : '' yoze amusolwele mumu sunya, amusambi shile mu Shipilitu, amumwene kuli angelo, amwambujolele hakachi kayifuchi , amu fulyelele hano hashi, amu tambwile mwilu mu uhenya.''