¹ Ké Yésu kudo yiho nusrɔlawo lé gogo Yéruzalɛmua lé Bétfage ho kɔpé méa gogo Olivia ho toa gbɔ. ² Tséyi ijia, Yésu nusrɔnla amévé yi lé tonuwo bé: miyi édu végɔn ké ta dé mian tia gbɔ yi kéngbɔ miado éduaméa, miakpɔ obla ésɔ kudo évia. Mituwo va num. ³ Né inyi bé amédé bia mi énya tsé kudé yinti la, mitonɛ bé: "Apétɔla yi lé wɔa jim, yi né migblɔ énya kéa améa la dati mi zi deka kudo élanviawo." " ⁴ Owɔ énukéawo bé wɔatso wu énya ké ényagblɔdila gblɔdɛ lé hohohoméa nu. ⁵ Egbé gblɔ bé "migblɔ na zion vi nyɔnuvi bé: "éfiawo gbɔna égbɔwo etsɔ ésɔ kudo évia ké nyi édɔwɔwɔ lan." " ⁶ Tétéa, énusrɔnlawo yi yi owɔ sigbé léké Yésu tonuwo bé oné wɔa. ⁷ Otsɔ ésɔa kudo évia va otsɔ sundé tsé dé iji yi yi Yésu nanyi dé iji. ⁸ Amé sugbɔ lé améawomé tsɔ wɔaho avɔwo tsé do dé anyigba, ébuwo ya tso azawo yi doé do émɔ ji nɛ. ⁹ Améha ké ova jékɔn ni Yésua kudo amékéwo ti Yésu do lé n'gbéa lé daha bé: "Hozana na David vi! wɔayra améké lava lé apétɔla ho n'kɔ méa! hozana lé jipo!" ¹⁰ Ké Yésu do Yéruzalɛmua, édukɔa kpata tsaka yi lé gblɔ bé "mɛkayi ényi?" ¹¹ Améhawo do yinti bé: "Amékia yi nyi Yésu, Nazarɛt ho nya gblɔdila lé Galiléa." ¹² Tséyi ijia, Yésu do tsɔtsihɔamé. Enya amékéwo va lé sa énu kudo amékéwo va lé dɔli énu lé tsɔtsi hɔaméa yi trɔ éga dɔlilawo ho ékplɔnwo tsé dangbé kudo amékéwo lé sa ahɔnɛwo ho azikpéwo dangbé. ¹³ Etonuwo bé: "oŋlɔ dɛ bé: "wɔayɔ aho nyémé bé égbédoda homé" vɔa miawo ya mitrɔ zu fianfiwo ho godopé." " ¹⁴ Tétéa n'kugbatɔwo kudo bafawo va igbɔ lé tsɔtsi hɔamé yi éyɔdɔ niwo. ¹⁵ Vɔ, ké inyi bé édɛnkɔnu mégawo kudo éséfiatɔwo kpɔ nukunu kéwo éwɔawo kudo léké olésé léké déviviwo lédaha lé tsɔtsihɔamé bé: "Hozana na éfia David ho évi la" dɔmé véwo n'tɔ. ¹⁶ Olé biɔ bé: "olé sé léké énya ké déviawo lé gblɔa?" Yésu do yinti nuwo bé: "ɛn n'lésé, vɔa déé mihlɛn kpɔa: "n'jra kafukafu kudo dododéji dé déviwo kudo bébéviwo ho énuméa?" " ¹⁷ Lé ékiawo ho n'gbéa, Yésu trɔ yi Bétania yi étsi gawun dɔ. ¹⁸ Yi ké énukéa, étrɔ va Yéruzalɛm ho édugan mé, féfé tiwo n'tɔ. ¹⁹ Ekpɔ ékutsétsé ho ati dé lé émɔato, tétéa ézɔn gogoé yi amakpawo dédé ko yi lé iji. Eto ni atia bé: "tso égbé jia omagbé tsé éku o!" zidéka atia yrɔ lé yidoké mé kpata. ²⁰ Ké yiho nusrɔnlawo kpɔ énukéawoa, éwɔ nukunu niwo yi olé biɔ bé: "nuka yi na bé atia yrɔ zidéka yi?" ²¹ Yésu do yinti nuwo bé: "Lé nyatoho méa, n'lé gblɔɛ nu mi bé, né inyi bé mihɔsé yi kadé ijia, miaté wɔ énukéa yi miagbé wɔ éké wu kéa, mila honu ni éto kéa bé nétso lé gɛké né va jé apu mé," yi éla va mé imé nɛnɛ. ²² N'dékpékpé ké mila biɔ lé miaho égbédoda mé yi kadé ijia, élava imé ni mi." " ²³ Ké Yésu do tsɔtsi hɔa méa, édɛnkɔnu ho améganwo kudo éduméganwo va igbɔ gakémé élé fianu lé tsɔtsi hɔamé yi olé biɔ bé: "n'sé kayi okpɔ kén'gbɔ olé wɔ énukéawo yi mɛka yi tsɔ nusɛn kiawo niwo?" ²⁴ Yésu do yinti nuwo bé: "ma bia mi énya dika. Né mido yinti num la, ényé tsan magblɔ toho ké n'kpɔ n'séa lé tso léwɔ énukéawo ni mi. ²⁵ Yohanɛs Batista ho mawutsidéta ni amé (tso ganɛ yi?) jipo alo améwo gbɔ?" Olé honu tso énya biabia n'ti lé wɔanɔnɔɛwo mé bé: "né migblɔ bé: "jipoa", éla bia mi bé: "fifia n'kayi na bé min'lékadé iji o?" ²⁶ Yi migbé gblɔ tsan bé: "améwo gbɔ yi la" migbé lé vɔn améha dobéna ola tsɔ Yohanɛs sigbé ényagblɔdila nɛnɛ." ²⁷ Tétéaodo yinti ni Yésu bé: "mimu nya gɛké yi étso o." Yésu tsan tonuwo bé: "Enyé tsan nyé lé ja gblɔɛ ni mi toho ké n'hɔ n'séa lé ni mi kéngbɔn'lé wɔ énukéawo." ²⁸ Yésu yi iji lé biawo bé ényaka osusu lé ékia mɛ?" N'tsu dé do n'tsuvi amévé: "éyi tsintsia gbɔ" yi tonɛ bé: "Evinyé, yi nava wɔ édɔ lé vɛn ho éboamé égbé. ²⁹ Dévia do yinti nɛ bé : "nyé n'lé ja wɔ o" vɔa ké tata tso yiho susu va trɔ yi éyi éboamé va wɔ dɔ." " ³⁰ Yi n'tsua yi évégɔn a gbɔ yi gblɔ énya ké égblɔ ni fofoa nɛ itsan. Dévia do yinti nɛ bé: "Papa mayi" vɔa yiho n'gbodoméa n'va yi o. ³¹ Lé dévi amévé kéawo méa déé, mɛkayi wɔ étɔa ho lɔlɔn nu o?" ogblɔ bé: "amé tsutsugban tɔa yi" Yésu tonuwo bé: "Lé nyatoho méa, n'lé gblɔɛ ni mi bé ahasiwɔtɔwo kudo égajɔtɔwo la do jipo fiaduhoa mé jénkɔ ni mi. ³² Dobé Yohanɛs va mia gbɔ nyatoho ho mɔ ji yi vɔa mi n'hɔ iji sé o, vɔa ahasiwɔtɔwo kudo égajɔlawo ya ohɔ iji sé. Yi miawo ya mikpɔ énukéawo ganké migbé bé mima hɔ iji yi miatrɔ lé miaho éjiwo mé yi miahɔ iji sé o." ³³ Migbésé élododo bu: "N'tsua dé lé, ké anyigba lé isi n'tɔ. Edo vɛn ho atiwo dé anyigba kpata ji yi tɔkpa tsé pohlan dé kpata. Etu vɛn wɔwɔ ho toho kudo toho nyɔɛdé ké éla tsɔ ébɔaji kpɔlawo tsé do tsagbé wɔaté lé kpɔ éboa nɛ, étsɔ éboa tsé dé alɔmé na éboji kpɔlawo yi yintɔ tso yi va tsi édu bu mé. ³⁴ Ké gamé su bé wɔadé vɛn ho ku tsétséawoa, édɔ yiho subɔladéwo yi wɔagbɔ bé oné hɔ yitɔ va nɛ yé. ³⁵ Vɔa ébojikpɔlawo lé wɔaho édɔwolawo, yi opo amé dika, owu amédika yi oda ékpé amédéka tsan. ³⁶ Ebotoa gbé dɔ apatɔwo ké osugbɔ wu amé tsutsungban tɔawo, tétéa éboaji kpɔlawo gbé wɔ ni wɔawo tsan nɛnɛ. ³⁷ Enuwuwua la, ébotoa n'tɔ dɔ évia n'tɔ tsé didawo yi gblɔ bé: "Ola dé bubu iya n'ti dobé évinyé yi ényi." ³⁸ Vɔa ké éboajikpɔlawo kpɔ éboatɔ ho évi n'tɔa, olé gblɔ lé wɔadékéwo mé bé: " mikpɔ améké tɔyi la va nyi késinɔnu kéawo: miva mijo yi mia wui yi késinɔnuawo né tsi ni mi." ³⁹ Tétéa olé do lé vɛn ho éboamé yi owui. ⁴⁰ Fifia, Yésu lé biawo bé, né inyi bé ébotɔ n'tɔ va déé, n'kayi élawɔ ni ébojikpɔla bada kiawó?" " ⁴¹ Odo yinti nɛ bé: "awu amé bada kiawo yi tséyi ijia éla haya vɛn bɔa na vɛn bojikpɔla buwo kéwo laté va tsɔ yitɔ nɛ né inyi bé gamé va su." ⁴² Yésu gbé biawo bé: "mimu hlɛn ŋlɔŋlɔ kɔkɔéawo kpɔa: "ékpé ké éhɔtulawo tsé dangbéa yi va trɔ zu zogbé ji kpé. Enukéa tso Apétɔ la gbɔ yi éwɔ nukunu ni wɔaho n'kuviwo oa?" ⁴³ Yinti n'lé gblɔɛ ni mi bé: "wɔahɔ jipo fiaduhoa lé miasi tsé na édukɔ bu kéwo létsɔ ényadé lé Mawu ho nya mé. ⁴⁴ Né inyi bé amédé gé yi jé ékpé kia jia, éla ŋɛn wluiwlui. Vɔa né inyi bé ékpéa yi jé améjia, amé la gba kéwun kéwun." " ⁴⁵ Ké édɛnkɔnu ho améganwo kudo Farizitɔwo osé élododo kéawoa, osé igɔmé bé éléhonu tso yéwo n'tiyi. ⁴⁶ Tétéa oji bé ola lé, vɔa olé vɔn dobé améwo sugbɔ yi olé kpɔɛ sigbé ényagblɔdila nɛnɛ.