¹ Lé gakumɔa méa, énusrɔnlawo va Yésu gbɔ yi lé tonɛ bé: "Mɛka yi nyi amé gan tɔ lé jipo fiaduhoa méwo?" ² Yésu yɔ dévivi dé va yidoké gbɔ yi tsɔɛ dé nusrɔnlawo ho n'kumé ³ yi lé gblɔ nuwo bé: "Lé nyatoho méa n'lé gblɔɛ ni mi bé, né inyi bé min'trɔ yi zu dévi kiawo oa, émɔ n'lé ni mi bé mia yi jipofiaduhoa mé o. ⁴ Yintia améké la bɔbɔ yi doké sigbé dévi kia nɛnɛa, iya yi la gbɔ mɔ lé jipo fiaduhoa mé. ⁵ Yinti améké lahɔ dévi kia la éhɔɛ la ényé yi éhɔ. ⁶ Vɔa nényi bé mia dɔmétɔ dé n'bu hɔsé ké lé iméa ola, élanyɔ ni améawu bé wɔatsɔ ékpé gan dé tsé bla ékɔ nɛ yi atsɔ yido ké tsé dangbé dé apu ho gloglo mé. ⁷ Baba ni hihémé lé gamé séwun o mé! Dobé élé imé nɛnɛ bé énukéawo néva imé, vɔa baba ni améké ji énukéa la va! ⁸ Né inyi bé amédé ho afɔ ja nyi émɔ hénu nɛa nétsoé ji yi néjo pugbé dé toho didi dé. Elanyoni mi wu bé miado jipo fiaduhoa mé afɔ alo alɔ tsotso wu bé élanɔ nyɔɛdé yi ola tsɔɛ dé ézomavɔmé. ⁹ Né inyi bé n'kuviwɔa la tsɔwo tsé yi gbégblén méa, dé yi natsɔɛ tsé dangbé dé toho didi dé. Dobé éla nyɔ niwo bé nado jipo fiaduhoa mé kudo n'kuvi dika wu bé nanɔ nyɔɛdé yi ola tsɔɛ dangbé dé jipo fiaduhoa mé. ¹⁰ Mikpɔ nyɔɛdé bé miado vévésésé ni déviviwo. Dobé n'lé gblɔɛ ni mi bé lé jipo fiaduhoa méa wɔaho jɔlawo kpɔna n'kumé ni tatanyé gasiagamé. ¹¹ Dobé amégbétɔ ho vi la va bé yéawɔ ni amékéwo bua. ¹² Lémɔ yi milé susui mɔn? Né inyi bé amédé do alɛn alafadika yi dika bu dé lémɔyi élawɔ? Elatati blasidika asidékɛ kpɔtɔɛ yi va jia? ¹³ Yi né inyi bé ékpɔɛa, éji lajɔɛ n'tɔ tsé wu blasidika asidika kpɔtɔɛwo ké omuboawo. ¹⁴ Nɛnɛ yi n'nyi fofonyé ho jiji yi nyi bé dévi kéawo domé tɔ dika n'tɔtsan nébu o. ¹⁵ Né inyi bé nɔviwo dé jé agɔdéwɔa, yi igbɔ yi natsɔ énuké éwɔ yi n'nyɔwɔa tsé fiɛn kudo éji fafadé. ¹⁶ Né édo étowɔa la odu yiji. Vɔ né inyi bé égbé bé yi ma doto wɔa, kplɔ nɔviwo dika alo amévé tsé dé asi bé né amé amévé alo étɔ ho numéa nyatohoa la nɔ anyi. ¹⁷ Vɔ né inyi bé égbé bé yi madoto mia, tsɔ énya tsé yi tsɔtsi ho n'kumé. Né inyi bé égbé bé yi n'ja do to tsɔtsi tsan wɔa, midé susu lé iji yi miatsɔɛ sigbé étrɔnsubɔla alo égajɔla nɛnɛ. ¹⁸ Lé nyatoho méa, n'lé gblɔɛ ni mi bé: "n'dékpékpé kémila bla lé anyigba jia éla nɔ blabla nɛnɛ lé jipo. ¹⁹ N'gbélé gblɔɛ nu mi bé, né miamévé miwɔ dika lé anyigba ji yi bia tatanyé n'déa n'kadé iji ni mi bé ola kpɔ dotin niwo. ²⁰ Dobé toho ké amé amévé alo amétɔ nanyi léa, n'nɔna wɔagbɔ. ²¹ Tétéa, Pétro zɔva Yésu gbɔ yi lé tonɛ bé, "Nufiala zi nɛnɛ yi nɔvinyé la jagɔ dému yi matsé kéwo?" ²² Yésu do yinti nɛ bé: "nyému gblɔ ni mi bé ziandréa o, vɔa blandré toho amadrɛn. ²³ Tétéa, Yésu do yinti nuwo bé, "Jipofiaduhoa la sɔ kudo éfia dé ké ji bé yéawɔ akɔnta kudo yiho subɔvi. ²⁴ Eké énɔ akɔnta wɔwɔa, ékplɔ amédéka ké du éfɛn sigbé sidi akpéwo dé. ²⁵ Subɔla kéa nja té tu fɛn a, tétéa éfia dégbé nɛ bé nésa ésrɔn, éviawo kudo wɔaho késinɔnuwo yi nété tu yiho éfɛn na yé. ²⁶ Tétéa n'tsua jéklolé éfia ho n'kumé yi dékuku nɛ bé," Apétɔ n'dékuku niwo, gbɔji dé num vidé yi matu éfɛn a niwo". ²⁷ Tétéa n'tsua honu wɔ nublanui ni éfia, yi étati yi tsɔ éfɛn a tsé ké. ²⁸ Ké éké subɔla kia dokɔa, ékpɔ yiho éhavi subɔla ké dufɛn sidi alafan dika doé, élé évémé nɛ yi lé gblɔ bé: "tu éfɛn ké odu démɔa num." ²⁹ Tétéa n'tsu k"a tsa jé klo yi lé dé kuku nɛnɛ bé néhɔ jigbɔdi éla tu éfɛn kpata nɛ. ³⁰ Yi tétéa subɔla gban tɔa gbé éfia ho dodoa, otsɔɛ tsé va do gakpamɛ va sé dé gakémé élatu yiho éfɛnwo kpata nɛ. ³¹ N'tsu kia ho hɔnlɔwo kpɔ énuké jɔa yi oyi va gblɔɛ énya ni wɔaho éfia énuké jɔa. ³² Efia yɔ n'tsu bada kéa ké étsɔ yiho éfɛn a tsé kéa va igbɔ: "owo subɔla bada kudo étamé séntɔ! Enyé ya n'tsɔ éfɛn gbogbo ké odu démua tsé kéwo éké odé kuku num. ³³ N'ka n'ti yi owo ya oma kpɔ nublanui na améwo nɛnɛ sigbé léké ényé tsan n'kpɔ nublanui ni owo tsa nɛnɛ oa?" ³⁴ Efia la do dɔmézozo dé n'tsu kia n'ti vévédé yi éna bé olé dé gakpamé toho ké éfukpékpé léa bé nétéwun tu éfɛ kéwo kpata édua. ³⁵ Nɛnɛ tutu yi tata nyé ké lé jipo tsan lawɔ ni mi né ényi bé mitsɔ mianɔnɔwo ho nuvɔn tsé ké fa lé miaho éjimé."