¹ Farizitɔwo kudo Zadukitɔwo va igbɔ bé wɔadoé kpɔ, yi olé bia tso yigbɔ bé né fia yéwo jési dé ké tso jipo. ² Vɔa édo yinti nawo bé: "né inyi bé wɔétrɔ va, mi gblɔna bé: "ayamé kɔ igɔmé inyi bé ayamé biɔ jɛn. ³ Yi n'dé méa migblɔ na bé: "dobé yihéamé bia yi wɔ fiti. Misé éhihéa ho nuwɔwɔ gɔmé, vɔa min'té sé jési ké gamé lé tsɔ va o. ⁴ Jijimé badawo kudo ahasitɔwo lé ji jési bé wɔakpɔ, vɔa oma tsɔ jési dé nawo, né munyi Yonas tɔ yi o. Yi Yésu tso lɛ wɔagbɔ yi jo yi. ⁵ Ké nusrɔnlawo gogo apua godoa, oŋlɔ bé bé yéomutsɔ kpɔnɔ o. ⁶ Yésu tonuwo bé: "mikpɔ nyɔɛdé lé Farizitɔwo kudo Sadukitɔwo ho amé mavɔvɔ n'ti." ⁷ Nusrɔnlawo ho susu méa inyi bé: "tamunyɔwɔa énududu kéwo omutsɔ dé asiwɔa yinti yi élé dé ésé kiawo niwo. ⁸ Ké Yésu ya nya énya ké n'ti olé susui a, élé tonuwo bé: "Miawo, hɔsé vitukui tɔwo, n'ka n'ti yi milé susui lé lé mia doké mé bé tamunyɔ wɔa n'dudu ké mintsɔwɔa n'ti yi n'lé honu nɛnɛ! ⁹ Nukajɔyi miaté sé énu gɔméwo? Mido n'ku iji bé munyi amé kotoku amatɔn kudo abolo amatɔn yi kpɔtɔɛ dɔ kutsia? ¹⁰ Alo kpɔnɔ amandré tsé nyi amé kotoku améné, yi kutsi nɛnɛ yi milɔ? ¹¹ Lémɔyi mi n'lé sé igɔmé bé kpɔnɔ n'ti yi n'lé honu ni mi lé o? Mijɔ miadéké n'ti yi miakpɔ nyɔɛdé lé Farizitɔwo kudo Sadukitɔwo ho vɔndivɔndi n'ti. ¹² Yi tétéa osé igɔmé bé munyi élégbé niwo bé oné kpɔ nyɔɛdé lé isi ké otso dona kpɔnɔ mé yo vɔ vɔa wɔakpɔ nyɔɛdé lɛ Farizitɔwo kudo Sadukitɔwo ho ajédada nufiafia n'ti. ¹³ Ké Yésu kudo yiho nusrɔnlawo va do kayizaréa filipi ho anyigba jia, élé bia yiho nusrɔlawo bé: "amékayi améwo gblɔna bé n'nyio?" ¹⁴ Ogblɔ na bé: "amédéwo gblɔna bé Yohanɛs-Batista, amédéwo gblɔ na bé Elia, amédéwo gblɔ na bé Yérémia, alo énya gblɔdilawo hohoawo dométɔ dika." ¹⁵ Edo yinti nuwo bé: "Yi miawoya dé é mɛkayi migblɔna bé n'nyio?" ¹⁶ Simɔn-Pétro do yinti bé: "Owo yi nyi kristo, Mawu ké lé agbéa ho vi." ¹⁷ Yésu do yinti niwo bé: "wɔayrawo Simɔn, Yonas ho vi, dobé munyi n'tilan kudo éhun yi dé énukéawo fiawo vɔa étɔnyé ké lé jipoa yi. ¹⁸ N'gbé gblɔɛ tsa bé ékpé yi onyi, yi ékpé kumua ji yi matu tsɔtsihɔ nyéa do. Yi éku ho n'sɛnwo n'tɔtsa maté du jiwo. ¹⁹ Matsɔ jipo ho safléa nawo. Yi énukéwo natu lé anyigba ji lé gɛkéa la nɔ tutu lé jipo, yi énukéwo nahun lé anyigba ji tsa lanɔ hunhun lé jipo." ²⁰ Yi tétéa Yésu do sé na yiho nusrɔnlawo bé omu gbé gblɔ ni amédékpékpé bé yi inyi Kristoa o. ²¹ Tsé yi iji zidéka, Yésu tɔɛji lé tona yiho nusrɔnlawo bé édo yi Yéruzalɛ, kudé énuké la va jɔ dé ijia lé tsintsiawo ho alɔmé; édɛnkɔnu ho amégan vovovowo kudé ésényalawo wɔatsɔ yé tsé kpé fu yi émégbéa ola wui yé yi n'kékétɔ ho n'gbodoméa yiafɔn tso amékukuwo domé. ²² Yi Pétro gblɔnɛ yi gbé lé gblɔnɛ bé: "énukéawo né dɔyi lé n'tiwo, énukéawo majɔ dé n'tiwo gbédé o." ²³ Yi Yésu trɔ yi lé gblɔ na Pétro bé: "trɔ lé n'gbé nam Satana! onyi ékpé yé émɔ num bé maklé afɔ, dobéna olén susu Mawu ho nuwo vɔa amégbétɔwo tɔ." ²⁴ Yi Yésu lé tona yiho nusrɔnlawo bé: "Né amédé ji tim doa, édo la gbénu lé yintɔ doké gb, yi latsɔ yiho atsitsoga yi éla tim do. ²⁵ Dobé né inyi bé amédé lé ji ladé yiho agbéa éla bui, yi né inyi bé amédé bu yiho agbé hadé n'tinyéa la kpɔɛ. ²⁶ Dobé vidé kayi agbétɔ lakpɔ né inyi bé éhihéamɛ ho nuwo né su isi vɔa yiho agbé latsrɔn o? N'kayi amégbétɔ latso dɔli kudo yiho agbé o? ²⁷ Elabéna Mawu ho via la va lé étɔa ho n'ti kɔkɔé mɛ kudo Mawu dɔlawo. Yi éla do doho na amésiamɛ ho dɔ kéo éwɔa n'ti. ²⁸ N'lé gblɔɛ ni mi lé nyatohomé bé, amédéwo lé mia domé lé gɛké fifi kéa, ké oma dɔsé éku o, ké inyi bé omu kpɔ Mawu ho vi bé éva yiho éfiaduhoa mé o."