¹ Ké enukéa o va imé vɔa, Yésu trɔ jo yi apua ho n'gbodomé lɛ galiléa ké ogbé wɔ nu bé Tibéria. ² Amésugbɔ ti do enukéta améwo kpɔ énuké ewɔ lɛ édɔnɔwo agbé mé. ³ Yésu trɔ yi étoa ho n'gbodomé yi enanyi lɛ gawoun kudo yiho nusrɔlawo. ⁴ (Paska, Yudatɔwo ho azan gogo.) ⁵ Ké Yésu kiké étayi ji yi kpɔ bé améwo sugbɔ gbana yigbɔ a, égbɔ na Filipo bé: " ganɛ ji miayi yi kpɔ kpɔnɔ plé mé mia na amékéao yi wɔadu o? " ⁶ (Egbrɔ ékia bé yatso do Filipo kpɔyi, yintɔ nya enuké éja wɔa hoho.) ⁷ Filipo do yinti nɛ bé: " kudo alafan amévé kpɔtɔɛ n'ja su bé mia plé kpɔnɔ yi nésu bé amésiamé néte kpɔ o." ⁸ Nusrɔnlawo dométɔ déka, Andréa, Simɔn Pétro ho nɔvi, gbrɔ na Yésu bé: ⁹ " N'tchuvi dé lé gɛké ké kpɔnɔ amatɔn kudo akpavi amévé lé yi si, vɔa n'ka yi énukumɔa lawɔ ni amégbogbo kiawo?" ¹⁰ Yésu gbrɔ bé: "mina wɔana anyi." (Egbéwo sugbɔ lé tohoa.) Yi tété améawo nɔanyi, wɔaho hlɛnhlɛn me anɔ sigbé agbétɔ kotoku amantɔ. ¹¹ Tété Yésu tsɔ kpɔ yi ké éda akpé dé iji vɔa, emɛ nu amékéo na anyi a. Ema akpavia tsa sigbé léké ehian nɛnɛ. ¹² Ké dukɔa dunu dɔpo vɔa, égbrɔnu yiho nusrɔlawo bé: " mibɔ kpɔnɔkakan kpɔtɔɛwo bé édé n'gbé buwo." ¹³ Obɔ kpɔtɔɛwo yi édɔ ajanfi wuiévé kéwo ké nyi kpɔnɔ kpɔnɔ amatɔn, kéwo duvɔa yi ké kpɔtɔayi nɛ. Ké ¹⁴ amékéwo gbé kpɔ énuké éwɔkia; ogbrɔ bé: " amékia yi nyi nyagblɔdila ké ja va anyigban kia jia." ¹⁵ Ké Yésu nya bé ola va lé yi sésédé tso do éfia, égbé jo lɛ wɔagbɔ, yi joyi étoji yi déka. ¹⁶ Lé fiɔsiméa, yiho nusrɔlawo yi apua to. ¹⁷ Odo étɔji hunamé yi tso étɔa yi kafarnaum. (Viviti lé tchɔn lé gapopo kumɔaji yi Yésu n'kpɔ va wɔagbɔwo.) ¹⁸ Aya gandé ho yi apua lé wɔadan. ¹⁹ Ké yiho nusrɔnlawo ku étɔjihun asigbé kilomɛta amatɔn nɛnɛ a,okpɔ Yésu lɛ zɔn étɔa ji yi zɔn gbana wɔagbɔ, tété ovɔ. ²⁰ Kokoko a égbrɔ nuwo bé: " vɔvɔn n'gbé lé mi o, ényé yi." ²¹ Oji la kɔkɔɛ dé étɔji hunwa mé tété etɔji hun do anyigba ké ji oyi kɔa zidékz. ²² Ké enukéa, améwo kéwo kélɛ étɔagodo a do jési bé étɔjiwhun bu dé n'kélé guwo, dikayi yi Yésu nké do imé kuku yiho nusrɔnlawo, vɔa yiho nusrɔlawo ké jo wɔadikayi. ²³ (Vɔa; étɔji hounwo kéwo tso Tibéria gogo toho kéoduana kpɔnɔa lɛ ké Yésu ké yra). ²⁴ Ké inyi bé dukɔa do jési bé Yésu kudo yiho nusrɔnlawo, odo étɔji hun a mé yikɔ Yésu jigbé lé kafernaum. ²⁵ Ké okpɔɛ lɛ apua ho akpa végɔa, olé gbrɔnɛ bé: " Rabbi , gakaméyi ova gɛkéo?". ²⁶ Yésu do yinti niwo bé: " lé nyatého mé, lé nyatého mé, milé jim n'nyi bé mikpɔ énuké n'wɔ vɔa, léké midu kpɔnɔ yi midɔho. ²⁷ Migbɛjɛ edɔwɔwɔ ni nududu ké gblén vɔa,miwɔdɔ na agbémavɔ ho nududu, ké amégbétɔ ho vi la tsɔɛ ni mia, élabéna étɔ tsɔ hihéa do yiho alɔmé." ²⁸ Améwo lé biɔ Yésu sé bé: " lémɔyi miawɔ bé mia Mawu ho dwo?" ²⁹ Yésu yinti nuwo bé: " mikpɔ Mawu ho dɔ: yi nyi bé miakadé améké édɔ va ji." ³⁰ Yi olé gbrɔnɛ bé: " nukunu kayi nawɔ bé miakpɔ yi mia kadé ijiwo? N'kayi nawɔ? ³¹ Miaho ho tatawo du mane lé zogbéji, sigbé léké oŋlɔ nɛnɛ bé: Etsɔ jipo ho kpɔnɔ"." ³² Yi Yésu do yinti nuwo bé: "nyatoho, nyatohoa, ngni Mosé yi tsɔ jipo ho kpɔnɔa ni mi o vɔa etɔnyé yi tsɔ kpɔnɔ n'tɔa na. ³³ Enuké ntia Mawu ho kpɔnɔ yi nyi ké tso jipo yi tsɔna yiho agbé nana dé hiheata." ³⁴ Tété égbrɔ nawo bé: " Apétɔ, na mi kpɔnɔ kumɔa ni mi." ³⁵ Yésu do yinti nuwo bé: "Enyé yi nyi agbé ho kpɔna, améké la va égbɔnyé adɔ magbéwui gbédégbédé, yi amékéwo lahɔ éjinyé séa étsikɔ mati o. ³⁶ Vɔ la, n'gbrɔɛ ni mi bé: "mikpɔm vɔa milɛn kadé éji nyé o. ³⁷ N'dékpékpé ké étɔ la tsona namua ola va num yi nyématé gbé améké la va gbɔnyé o. ³⁸ Elabéna jipo yi n'di tso, vɔa munyi bé mawɔ lɔlɔnyé nu o, vɔa bé mawɔ améké dɔm va ho lɔlɔnu. ³⁹ Mikpɔ amékédɔm va ho lɔlɔnu, bé nye bu n'dé lé éké tso nimia mé, vɔa bé mafɔn lé amékukuwo domé lé n'kéké kpɔtɔɛ ji. ⁴⁰ Enukéa yi nyi étɔnyé ho lɔlɔnu, yi amédékpékpé ké kpɔ évia yi kadé ijia akpɔ agbé mavɔ, yi mafɔnwo lé amékukuwo domé lé n'ké kpɔtɔɛ ji." ⁴¹ Yudatɔwo ho amé n'kutawo lé honu blɛwublɛwu lé wɔanɔwo éké Yésu gbrɔ bé: "n'nyi kpɔnɔ ké tso jipo." Ogbrɔ bé: ⁴² " n'nyi Yésu yi ké, Yosɛf kudo Maria ho via ké minya? Lémɔyi élé gbrɔ bé étso jipo o?" " ⁴³ Yésu gbé gbrɔ niwo bé: "midati énya wluwlu o gbrɔ gbrɔ lé mia nɔnɔwo mé. ⁴⁴ Amédékpékpé n'ja té va egbɔnyé yi munyi bé yɔɛ yi fɔn lé amékukuwo domé lɛ nkéké kpɔtɔɛ ji. ⁴⁵ Enyagblɔdilawo gbrɔ nya kia dɛ bé: " Mawu n'tɔyi fiɔwo énu." Amédékpékpé ké la sé yi lasrɔɛ lé etɔ gbɔa tso égbɔnyé. ⁴⁶ Amédékpékpé n'kpɔ étɔ kpɔwo né igbé améké tso yi gbɔ koyi kpɔɛ. ⁴⁷ Lɛ nyatoho, nyatoho méa, améké ka do ijia, akpɔ agbé mavɔ. ⁴⁸ N'nyi agbé ho kpɔnɔ. ⁴⁹ Miaho tatawo du mane lé zogbéji yi oku. ⁵⁰ Gɛké yi nyi kpɔnɔ ké tso jia, yi bé amédédu kpɔnɔa, nékpɔ agbé mavɔ yi n'gbé kuwo. ⁵¹ N'nyi agbé ho kpɔnɔ ké tso jipo. Yi amédé du kpɔnɔ kia, anɔ agbé tsoyi daa. Kpɔnɔ ké n'ja na yi nyi n'tiran nyé ké n'ja tso na dé éhihɛa ta." ⁵² Yudatɔwo kpata kpɔ jiku yi otɔɛji lé dɔnya léwɔanɔnɔ mé lé gbrɔ bé: "lémɔyi amékéa laté tsɔ yiho intira na mi bé miadou o? " ⁵³ Yi Yésu gbrɔ nawo bé: " nyatoho, nyatohoa, yi n'nyi bé mimu du evi ho éran yi mimu nu ehunwo, mimado agbé lé mia n'tɔ miamé o. ⁵⁴ Amédékpékpé du intiran nyé yi nu éhoun nyéa, akpɔ agbé mavɔ, yi fɔndé agbé n'kéké mamlɔɛ ji o. ⁵⁵ Enuké n'tia intiran nyé nyi n'dudu n'tɔn'tɔ, yi éhun nyé nyi vin nyɔndé. ⁵⁶ Améké du intiran nyé yi nu éhun nyéa anɔ éményé yi ényé lé imé. ⁵⁷ Sigbé léké étɔ lé agbé dɔm va, yi ké inyi bé lé agbé nɛ a, yi améké la dumua, anɔ agbé hado n'tinyé. ⁵⁸ Gɛ yi nyi kpɔnɔ ké tso jipo, munyi ké miatɔwo du yi okuwo. Améké la du kpɔnɔ kia akpɔ agbé mavɔ." ⁵⁹ Yésu gbrɔ énya kia lé tsɔtsihɔgan mé, ké élé fianu lé kafernawum. ⁶⁰ Fifia yiho nusrɔla gbogboawoa, ké osé énya kiawoa, ogbrɔ bé: " nufiɔfiɔ kia sese, mɛkayi até hɔɛ iji sé o?" ⁶¹ Yésu , yintɔ nya enya kiawo ke yiho bé yiho apostoloa elé gbrɔ niwo bé: " enukiawo wɔ nuvɔ mia? ⁶² Yi mikpɔ Mau ho vi trɔ jo hi gɛké éké lé sa? ⁶³ gbɔgbɔkɔkɔé yi nana agbé. N'tiran n'kpɔna égomé lé n'dédékpé mé o. Enya ké n'gbrɔ ni mia nyi gbɔgbɔ kudo agbé. ⁶⁴ Enuké n'tia amédéwo lé mia mɛ omukadé inyi." Enuké ta ké Yésu nya lɛ gɔméjéjéa mɛa bé amédé o n'ja kadé iji o yi ola tra yé. ⁶⁵ Egbrɔ bé: " enukumua yinti yi n'gbrɔ ni mi bé amédé maté va égbɔnyé né étɔnyé n'tsɔ enukéawo nɛ wo." ⁶⁶ Lé énukumɔawo ho n'gbodoméa, yiho nusrɔnla dé jo yi ogbé lé zɔn kudo Yésu o. ⁶⁷ Yi Yésu gbrɔna wuivé o: " miatsan milé ji miayi kudowa?" ⁶⁸ Simɔn Pétro gbrɔna do yinti bé: " Apétɔ, mɛka gbɔ yi mila yi o? Agbémavɔ ho nyawo lé asiwo, ⁶⁹ mikadoji yi minyɛ béna éwɔé nyi Mawu kɔkɔé." ⁷⁰ Yésu do yinti nuwo bé: "alo n'nyi ényé n'tɔ yi tsa mia, wuivé, yi amédéka lɛ miamé ké nyi gbɔgbɔ vɔn?" ⁷¹ Elé honu tso Yuda, Simon Iscariot via, enuké ta, yi yi ni wuivé dométɔ ké la sa Yésu a.