¹ Lɛ énukumɔawo yo n'gbodoméa, Yudatɔwo ho azan lɛ yi Yésu jo yi Yérusalɛm ² Yi lé Yéruzalɛm ma gogo alɛngbɔwo ho éhɔmɔnua, étchi punu dé gogo gawoun ké owɔna lé Hébrugbé mé bé Bétesda yi hɔtru amatɔn yi lé yinti ³ Amésugbɔ lé lé édɔ, ogni n'kugbatɔwo, bafawo kudo amékéo tu dé tého déka tɔté dé gawoun yi lé tɔté kpɔ étchia ⁴ Enuké ntia mawu ho dɔla dé va bluna étchia Améké do étchiamɛ tcutchugban ké etchia hunhunwa haya, n'ka édɔ ké igniawo ⁵ N'tchu dé lé gawun ké gni édɔnɔ tcho kaka épé blatɔ vɔ égni ⁶ Ké Yésu kpɔɛ yi édɔé jési bé élé tohoa hohoa, élé biɔ bé "oji la hawa?" ⁷ N'tchu édɔnɔa lɛ do yinti nɛ bé: " Apétɔ, amédé yinlé asigné yi nétchɔm dangbé dé étchia gakémé etchia wunwun nawo yi n'ji layia amému do na yimé jékɔngbé nam" ⁸ Yésu to nɛ bé: " tchité tchɔ aba wɔa yi nazɔn " ⁹ N4tchua hawa zidéka, yi tchɔ yiho aba yi lé zɔn Sabbat ho n'kéké ji yi ¹⁰ Yudatɔwo lé gbrɔna améké éyɔdɔna bé: "Sabbat ho n'kéké ji yi, yi n'lé nawo bé atchɔ aba wo " ¹¹ Edo yinti niwo bé: " améké yɔ édɔ numɔa to nim bé, " tchɔ abawo yi nazɔn ¹² Olé do yinti nɛ bé: " mɛkayi tonawo bé natchɔ abawoyi najo yi ahomé?" ¹³ Edɔnɔa gna améké yɔdɔanɛ, énuké intia améwo sugbɔ yi Yésu bu dé améwo mé. ¹⁴ Lé n'kékémɔa ho n'gbodoméa, Yésu trɔva tchɔtchi hɔamɛ yi lé gbrɔ nɛ bé: " fifia ohaya! N'gbé wɔ énuvɔn kéwo, béna énu bada dé négbe va ejio lo." ¹⁵ N'tchua yi va gbrɔ ni Yudatɔwo bé Yésu yi yɔdɔanɛ. ¹⁶ Enukum yintia Yudatɔwo ti Yésu yomé bé éwɔ enukumɔawo lɛ Sabbat ho n'kékéji. ¹⁷ Yésu do yinti nuwo bé: " tata gné ka dɔm va wɔ yiho dɔ hoho egnéya n'ka dokpé ji yi." ¹⁸ Enukumɔa yinyi Yudatɔwo lé ji emɔnu kpɔkpɔ bé yi wɔawui, kagni bé n'do bubu sabbat ho n'kéké ji o, vɔa ilé Mawu bé yiho Tata, yi élétchɔ yi déké sɔ kudo Mawu. ¹⁹ Yésu do yinti nuwo bé: " lé nyatého méa, lé nyatého méa n'lé gbrɔɛ ni mi bé, évi n'wɔna indé léyintɔ doké si o négbé enya ké yi tata gbrɔ nɛ a; enuké yintia enuké tata léwɔ la , évi tchan wɔnɛ. ²⁰ Elabéna tata lɔn evia yi édé na énu wlawla o fiɔ nɛ bé né wɔ yaa numi. ²¹ Tata nyé fɔn na amékukuwo yi énanawo yintɔ ho agbé, nɛnɛ yi évi tshan nana agbé améké jroɛ a. ²² Tata n'do na kɔjo ni amédékpéwo, vɔa étsɔ vɔnunudrɔdrɔ ho atsɛ kpakpa nu évia ²³ bé amésiamé né do bubu évia n'ti sigbé leké odo na bubu étɔa inti nɛnɛ. Améké n'lɛ do bubu evi n'tiwo a, n'lɛ do bubu tata kédɔɛ va n'ti o. ²⁴ Lɛ nyatéyo méa, lé nyatého méa , n'légbrɔɛ ni mi bé améké sé enyanyéwo yi kadé améké dɔm va yinti a n'lé gbrɔɛ ni mi bé omabufon o, vɔa élatso lɛ eku ho mɔji yi agbé ho mɔ ji. ²⁵ Lé nyatoho mé, lé nyatoho mé, n'lɛ gbrɔ ni mi bé gamé gbɔnɔ, yi nyi fifi bé amékukuwo né sé Mawu ho via ho gbé yi amékéwo laséa wɔanɔ agbé. ²⁶ Sigbé léké etɔ do agbé léyidoké méa, nɛnɛ étsɔɛ nu évia bé nénɔ imé ²⁷ yi étɔ yiho tchɔ atsɛ kpakpa nu évia bé bufɔn améwo énuké ta amégbétɔ ho vi yi ényi. ²⁸ N'gbé wɔ ya numi o énuké ta amékɛ olé yɔdo mé tsan odo la sé yiho gbé yi wɔado lɛ yɔdoamé, ²⁹ yi amékéwo wɔ nyuin wɔakpɔ agbé mavɔ yi amékéwo wɔ bada wɔa bufɔn wo. ³⁰ Nyé ja ka té wɔ n'dékpékpé lé dokényé si o. Sigbé léké n'lé gɛkéa, n'bu na fɔn yi fɔnbubu nyé a nyi nyatého ho fɔn bubu, vɔa n'jé naté kpɔ améké dɔm va ho lɔlɔn wun. ³¹ Né inkanya di dasé lé édoké nyé n'ti wɔa, dasédidi nyé a anyi dasédidi bada. ³² Yi n' nya bé amédéwo lɛ ké lé di dasé lɛ nti nyéa yi n'nya bé dasédidia lɛ wɔa toho. ³³ Odɔ mi yi Yohanɛs, yi édi nyatoho ho dasédidi nu mi. ³⁴ Fifia dasédidi ké n'lɛ di a n'tso amégbétɔ gbɔwo. N'lé gbrɔ enyakéa nu mi bé miakpɔ hɔhɔ. ³⁵ Yohanɛs lé nu mi sigbé kadɛngba yi éklɛn na, yi miji lakpɔ jijɔ kuku yiho kléklɛn gadémé. ³⁶ Vɔa dasé ké n'lé di a kpéwu Yohanɛ tɔ, enuké ntia, énuké étɔ tso dé asi nu mu a, yi édɔ ké n'lɛ wɔawo , la di dasé lɛ ntigné kudo tatanyé ké dɔm va inti. ³⁷ Tata nyé ké dɔm dida n'tɔ di dasé lé ntigné. Minsé yiho égbé yi minjési léké éléwo. ³⁸ Yiho énya n'lé miamé o énukéta minkadé améké dɔm inti o. ³⁹ Miléji ŋlɔŋlɔawo égɔmé yi nyi bé to milɛn kado wɔaji bé miakpɔ agbé mavɔ, ŋlɔŋlɔ kumɔawo lé di dasé lɛ ntinyé ⁴⁰ yi minlé ji la va égbɔnyé bé miakpɔ agbémavɔ o. ⁴¹ Nyémuhɔna amégbétɔwo ho kafukafuwo, ⁴² vɔa n'nya bé Mawu ho lɔlɔn n'lé mia mé o. ⁴³ N'va lɛ étɔla ho nyikɔ mé yi, yi minlɛn hɔ mu o. Vɔa né inyi bé amédé va lɛ yintɔ ho n'kɔjia, milahɔɛ. ⁴⁴ Lémɔyi yi miaté hɔɛsé o miawo milé ji kafukafu vɔa minléji kafukafu ké tso Mawu gbɔwo? ⁴⁵ Migbé susui bé ényé ma bufɔn mi lɛ tata ho n'kɔwo. Amébu lɛ ké la bu fɔn mi, Mosé ké mitsɔ miaho kakadé ji nɛ. ⁴⁶ Né mika dé Mosé jia, mido la kadé jigné tsa énuké ta yiho énunlɔwo ku dé n'tinyé yi. ⁴⁷ Né inyi bé minkadé yiho énu ŋlɔŋlɔa o ji o dé lémɔ mikawɔ akadé énya kéwo n'légbrɔwo n'ti o.