¹ Yésu sé be Farizitɔwo sé bé elé dé tchidéta na nusrɔnlawo wu Yohanɛs, ² (vɔa gakumɔa mɛa Yésu ŋlé dé tchita, vɔa yiho nusrɔlawɔɛ) ³ éjo lɛ Yudéa trɔ yi Galélia. ⁴ Ekɛ lɛ vévédé nɛ bé nayi Samaria ho duamé. ⁵ Yi eva do samaria ho eduadé mɛ, ké oyɔna bé Sikar la mɛ, gogo agnigban ké Yakobo tchɔ na evia Yosɛf la. ⁶ Evoudo dé lɛ tohoa ké gni Yakobo tɔ. Yi kɛ Yésu lɛ yiho azɔli zɔnzɔn méa ,va nɔ agni dé evudoato yi lɛ gbɛjɛ. Elanɔ sigbé gapopo amadé nɛnɛ. ⁷ Yi Samaria gnɔnu dé java kutchi yi Yésu lɛ gbrɔ nɛ bé: "nam étchi manu." ⁸ Elabéna yiho nusrɔnlawo jo yi eduamé bé ola plé enududu. ⁹ Yi Samarita gnɔnua lɛ gbrɔ nɛ bé: " n'ka nti éwo kégni Yudatɔ, olɛ biam nu, ké ŋgni Samaria tɔ bé ma nawo étchi bé nanu? "Enuké n'tia samaria tɔwo kudo Yuda tɔwo mugnina wo." ¹⁰ Yésu gbrɔ nɛ bé: "Né oké gna mawu ho nunana yi amékɛ lɛ biawo bé: "nam étchi manua " owo n'tɔ la ké bia bé wɔana yé agbémavɔ ho etchi." ¹¹ Gnɔnua do gbrɔ nɛ bé: "Apétɔ, étchi kunu n'lɛ nawo n'kayi natcco kutchia, évudɔa yi. Yi ganɛ dji yi agbé tchia lɛ? ¹² ŋsɛn lɛ asiwo wu mia ho tata Yakoboa ké dé evudo kia na mia yi ké yintɔ tha nutchia kudo ɛviawo kudo yiho alɛngbɔawo a?" ¹³ Yésu do yinti nɛ bé: "améké nutchi kia , étchikɔ la gbé ti, vɔa amékɛ la nu tchi ké ma nɛ a, étchikɔ magbé ti gbédédé o; ¹⁴ vɔa etchi ké manɛ atrɔ zu ecthi ho édɛn gandé lɛ imé ke etchi n'dja vɔ gbedegbedé lɛ imé o." ¹⁵ Gnɔnua l do yinti nɛ bé: "Apétɔ nam étchi kumɔa bé étchikɔ n'gbé tim o yi bé gnému gbéva gɛké bé makutchi ké o." ¹⁶ Yésu gblɔ nɛ bé va yɔ ésrɔn yi miatrɔ va gɛké." ¹⁷ Gnɔnua lɛ do yinti na Yésu bé: " atchu n'lɛ numu o." Yésu do yinti nɛ be: "oho nu gnɔun dé", ¹⁸ énuké intia atchu amatɔn yi kelé nawo yi kélɛ nawo fifia n'gni atchu wo yo. Eho adido." ¹⁹ Gnɔnua gbrɔ nɛ bé: " Ahotɔ , n'lɛ kpɔ bé égna gblɔdila yi ogni. ²⁰ Miaho tatawo subɔ lɛ éto kia ji, vɔa olé gbrɔ bé Yéruzalɛ yi mido la subɔ lɛ." ²¹ Yésu do yinti nɛ bé: " Gnɔnu hɔ éjigné sé bé gamé dɛ lɛ gbana ke yi mima subɔbɔ lɛ éto kia ji, alo lɛ Yéruzalɛm tchan mia Mawu a o. ²² Milɛ subɔ énuké mindjési o. Miawo ya migna énuké milɛ subɔ, elabéna dédékpɔkpɔ tcho yudatɔwo gbɔ yi. ²³ Vɔa, gamé gbɔna, yi gamɛa ti lɛ vɔ, kéyi amékéwo subɔna Mawu lɛ gnatého kudo gbɔgbɔméa, élabéna étɔ ya lɛdji amékiawo bé oné gni yiho subɔla n'tɔ n'tɔ. ²⁴ Gbɔgbɔ yi gni mawu, yi mido la subɔɛ lɛ gnatého mɛ." ²⁵ Gnɔnua gbrɔnɛ bé:" ŋ'gna bé Mɛsia lava va (amékɛ oyɔna bé kristo). Yi nɛ iva va la, éla dé enukiawo kpata gɔmé ni mi." ²⁶ Yésu do yinti nɛ bé:" yi égni égné ké lɛ honu nawɔa." ²⁷ Gakumu a mɛa, Yésu ho nusrɔnlawo trɔ gbɔna. Yi éwɔ ya ni wɔakpata bé Yésu lɛ honu kudo gnɔnu, vɔa amédékpékpé ŋho nu o: " n'ka yi olédjio?" alo n'ka nti olɛ honu kudo gnɔnu kia o." ²⁸ Tété gnɔnua tati étchia yi sidu yi éduamɛ yi gblɔ na améwo: " ²⁹ miva kpɔ n'tchu dé ké gbrɔ agbégnémɛ ho ɛgnawo kpata nam. Tamugnɔ yi yi la gni kristoa?" ³⁰ Ojo éduamɛ yi okpɔɛ. ³¹ Lɛ gakumɔa mɛa, yiho énusrɔnlawo lɛtchiji nɛ, yi lɛ gbrɔnɛ nɛ bé: "Rabbi, dunu n'dudua." ³² Yi égbrɔ nawo bé: " n'dudu lɛ nam bé madu ké miawo ya mimugnawo." ³³ Yi nusrɔlawo lɛ biɔ lɛ wo déo mé bé:" mihɔɛsébé amédékpé n'tchɔ n'dudu dékpékpɛ va nɛwo dé?" ³⁴ N'dudu gné yi gni bé mawɔ améké dɔm va ho dɔ bé né wu inu ³⁵ Minlɛn lé gbrɔ bé: " egbé kpɔtɔ wléti améné na zozo ho gaméa? Egnéa n'lé gbrɔ ni mi bé: mihou miaho n'kuwo yi miakpɔ ébɔawo, enuké n'tia gamésu bé wɔa dé enukuwo lé ebomé! ³⁶ Améké la dé enukua lahɔ éfétu gnɔɛ dé akpɔ ati ho kutchétchéo na agbé mavɔ, alé bé améké la do enuku kudo améké la dé enukua oné kpɔ jijɔ dé du ³⁷ Elabéna gawoun yi egna gblɔdɛ kia tcho bé: " amédé la do nu yi amédé la dé" ³⁸ N'lé dɔmi dida bé miayi va dé enuké mindo Amébuwo wɔ dɔ yi miawo ya miaté dé enuawo " ³⁹ Samariatɔ gedé lɛ éduaméa hɔ Yésu ji sé iké gnɔnu dé di dasé lɛ yinti bé: "egbrɔ enuké n'wɔa kékéwu nam " ⁴⁰ Fifia ké Samariatɔwo va yigbɔa, obiɔ bé nénɔ kudo yiwo, tété egbé nɔ wɔagbɔ n'kéké amévé kpata ⁴¹ Yi amésugbɔ gbé kadé yiji hado yiho gna ké elégbrɔwo ⁴² Olé gbrɔ na gnɔnua bé: "mugni égna dédé kéyi ogbrɔa yinti mikadé iji do, enuké ta mia n'tɔ misé, yi mijési bé amékia yi gni hihéa ho dé " ⁴³ Ké nkéké amévé ho n'gbodoméa, etrɔ jo yi Galiléa ⁴⁴ Enukéta Yésu n'tɔ gbrɔ bé égna gbrɔdila dékpékpé n'kpɔ na bubu lɛ yintɔ ho édumé o ⁴⁵ Ké évado Galiléa, Galiléatɔwo hɔɛ Okpɔ enukéo kpata éwɔ lɛ Yérusalɛm lé azan ho gaméa, enuké yintia wɔawo tchan yi azan toho a ⁴⁶ Egbé trɔva kana lé galiléa, toho ké étrɔ étchi zu aha lé a Efia dé ho sɔja ké evia nutchuvi lé lé lédɔ lɛ Kafarnawum ⁴⁷ Ké ésé bé Yésu jo lɛ Yudéa yina Galiléa, éyi Yésu gbɔ yi dékuku nɛ bé nédi yi néda édɔ na evia yi gni nɛnɛwo éla ku ⁴⁸ Yi Yésu gbrɔnɛ bé: " n'gni mia dométɔ dékpékpé n'hɔna ji séna oa, yi mawɔ nukunu sugbɔwo kéngbɔa " ⁴⁹ Sɔja gbrɔnɛ bé: " Apétɔ va ké n'gbɔ evigné n'gbé kuwo" ⁵⁰ Yésu do yinti nɛ bé " yi ahomé evio ho lamé sén " N'tchua hɔ egna ji sé yi éjo yi ⁵¹ Ké edia, yiho subɔviwo yi igbɔ yi ogbrɔnɛ bé yiho vi lé agbé ⁵² Yi élé biɔwo bé ganɛnɛ méyi éhaya o Odo yinti nɛ bé: " étchɔa anɔ sigbé wɔétrɔ gadéka nɛnɛyi avuvɔdɔa jo lé iji " ^{53 54} Yi étɔa yi yidokémé bé gakumɔa méyi Yésu gbrɔ egna nɛ bé: "évio lé agbé " Yi yiho yintɔ kudé yiho ahoa kpata kadé iji Egni nukunu amévégɔa ké Yésu wɔ lɛ Yudéa va dé Galiléa