¹ Lɛ kumɔa ho gbodomɛa, Yésu to galilea, yi n'lé ji bé yeato Yudéya énuké n'ti a Yudatɔwo lɛ dji bé yi wɔawui. ² Fifia, Yudatɔwo ho ŋ'ké gnuin ho azan la gogo. ³ Yi iho nɔviawo lɛ gbrɔ nɛ bé: " tcho lé toho kea yi na yi Yudéa, kén'gbɔ énusrɔnlawo né kpɔ enu ké oléwɔawo. ⁴ Amédékpékpé mat wɔ nu lɛ wawramé ké maté gblɔ dowo né owɔ ɛnukuma tche viɔ edua. ⁵ Fofoawo wɔ ji sé o. ⁶ Yésu gblɔ bé: "gamé gné ikpɔ va o, vɔa miwo gamɛ gogo. ⁷ Hihéa kagna léfu mi , ola lé fum enuké n'tia bé n'lé gbrɔ bé yiho enuké ewɔa n'gnɔ wo. ⁸ Miawo ya miyi azan dji; nyɛ yikɔ azandugbé o, enuké jɔa, gamégné i kpɔ su o." ⁹ Ké igblɔ egnakuma ne, énɔ galiléa. ¹⁰ Kugbɔwo fofoawo lé yi azangbéa , yitcha eyi, ogblɔkpata o vɔa otché si be yi. ¹¹ Yuda tɔwo lɛ ji lɛ azan dupé yi gblɔ bé: "ganɛ olé." ¹² Egnadɔndɔn sugbɔ lɛ yimɛ. Amédeo lɛ gbrɔ bé: " igni amé gnindé yi o." Améwo lɛ gbrɔ bé: ""gbédé élɛ nɔté amé sugbɔay." ¹³ Amédekpékpé n'lɛ ho nu nɛ lɛ amédomé egɔmé yi gni bé olɛ vɔn Yudatɔwo. ¹⁴ Lɛ azan ho dodomɛa, Yésu lɛ fiɔ nu améwo lɛ tchɔtchihɔ gan mɛ. ¹⁵ Yudatɔwo tchaka; yi olɛ gbrɔ bé: " mɛkayi gna nu lɛ ké? owoun fiɔ ɛnun kpɔ o." ¹⁶ Yésu do yinti nawo bé: "enuké n'lé fia mia mugni tɔgné o, vɔa améké dɔmla tɔ yi. ¹⁷ Nɛ amédé ji bé yia wɔ lɔlɔ nua, ela jési énusrɔsrɔawo, né ova Mawu gbɔ, alo n'lɛ ho nu lɛ gn n'tɔ dékési a. ¹⁸ Améké lɛ wɔ nu kudo yintɔ ho nyatia ji yintɔ ho n'ti kɔkɔé; Vɔa améke lé ji ameké dɔɛ va ho n'tikɔkoɛ a, eyi gni amégnuin ke oma drɔvɔnu wo. ¹⁹ Mosé yi tcchɔ esea ni mia? amédékpékpé, ilé wɔ esé lɛ mia mé o. ²⁰ Edukɔa le gbrɔ be: " gbɔgbɔ bada yi. Mɛka yi olé dji la wu?" ²¹ Yesu do yinti nɛ bé: " n'gblɔ égnadé yi mia kpata mitchaka. ²² Mosé tchɔ nyamétchotcho dé ( mougni Mosé gbɔ yi egnatchotcho kia tcho vɔa fofoawo gbɔ yi lɛ blɛma mɛ) yi lɛ sabbat ho azan djia miatcho egnamɛ na mia nɔvi o. ²³ Nɛ amédé wɔ egna mé tchotcho lɛ Sabbat ho kékéa wo dji kɛngbɔ wɔava bufon Mosé ho séawo a, fifia n'katayi milɛ biji dɛ n'tigné léke n'da gbé lɛ améké lé lédɔyi ikpɔ dɔyɔyɔ lɛ sabbat ho n'kéké ji? ²⁴ Mingbé drɔ vɔnu kpo sigbé léké milé kpɔɛ a." ²⁵ Yéruzalɛ tɔ déo lɛ gbrɔ bé: " mugni yi gni amékéoléji wɔawu o a? " ²⁶ Mikpɔ léké ɛle ho nu yi olɛ gbrɔ egna dé kpékpé o. Elaté va imɛ bé eduméganwo la jési bé yi gni kristo ? ²⁷ Vɔa migna teho ké amékia tcho. Vɔa gakémé Kristoa n'tɔ la va va a Amédékpékpé n'dja gna tého ké étcho." ²⁸ Yi Yésu daha lɛ tchɔtchi hɔamɛ ,lɛfia nu lé gbrɔ bé:" mijésim kpata lé gɛké yi migna toho kéyi n'tcho. Vɔa gné va lédokéyé si o, vɔa améké dɔ va la lɛ jɔjɔɛ, yi mia n'tɔ migna. ²⁹ N'jési égɔmé yi gni bé, n'tcho yigbɔ yi, yi gni améké dɔm va." ³⁰ Oji bé olalé, vɔa amédékpékpé n'tchɔ alɔ tɔɛ o énukéta yiho gamé n'kpɔsu o. ³¹ Amésugbɔ lé wɔamé ké okadé iji bé: " né igni bé kristo la va va élawɔ jési ké amékea léwɔa?" ³² Farizitɔwo lé sé léké améha lé gbrɔ lé wɔanɔnɔɛwo mé dé Yésu ho gna n'ti, yi Farizitɔwo kudé enunɔla ganwo dɔ gbadagbawo bé wɔalé. ³³ Yi Yésu gbrɔ bé: " n'lé kumi né gapopo dé, yi matrɔ yi améké dɔ va gbɔ. ³⁴ Miajim yi mima kpɔm o; toho ké nyikɔa mɔnu kpɔkpɔ nlé ni mi miava o." ³⁵ Yuda tɔwo lɛ gbrɔɛ le wɔadéke o mé bé: "ganɛ ntchu kea yikɔ, yi bé mi ma té kpɔɛ wo? I la yi Héllatɔwo domé bé ya fianu woa? ³⁶ Egnaka ji la gbrɔ:"mia jim vɔa mima kpɔmu o; gɛké iyikɔ a, mɔnukpɔkpɔ ilé bé miaté va o." ³⁷ Yi, tchéyikɔ énuwuwu né azan, Yésu da aha lɛ gbrɔ bé: "né étchikɔ lɛ wu amédé la, améa néva égbɔgné yi manɛ etchi. ³⁸ Améké kadé ijigné a, sigbé léké énuŋlɔa gbrɔ béna, yi to iji la étɔwo la sraa. ³⁹ Vɔa élégbrɔ ékia to gbɔgbɔ kɔkɔɛ ji, ké amékéo ka dé iji la hɔ; omoukpɔ tchɔ kɔkɔé na wo enuké n'tia omukpɔ kɔ Yésu ho n'kɔ n'ti o. ⁴⁰ Amédéwo lɛ wɔamɛ, ké osé égnakéawo oglɔ bé: "amékéa gni ji Kristo gnatého." ⁴¹ Vɔa amédéwo lé gbrɔ bé: " galiléa ya yi kristoa la tcho a?" ⁴² Enuŋrɔŋrɔa wo n'gbrɔdɛ bé kristoa la tcho David ho pomé mé a, lé david ho dumé lé beltɛhɛm ya?" ⁴³ Yi mama va wɔa edukagna lɛ wɔa dékéo domé hadé iho gna n'ti. ⁴⁴ Amédéwo lɛ wɔmé ji bé wɔalé, vɔa amédékpékpé kasi yiti o. ^{45 46} Yi sɔjawo trɔ jo yi énunɔlaganwo kudé Farizitɔ kéo dɔwa gbɔ: " n'kajɔ mintchɔɛ kprɔ vawo?" Sɔjawo do yinti bé: "amédékpékpé n'ho nu kpɔ sigbé lɛké va yi o." ⁴⁷ Farisitɔwo do yinti bé: " oblé miatcha yéa?". ⁴⁸ Amédé gni efio alo Fariozɔ dé la kadé iji a? ⁴⁹ Vɔa améha ké gna égna kia vɔa wɔa po fi déwo." ⁵⁰ Nikodɛm (Farizitɔwo ho domé tɔ dika va yi kpɔɛ kéngbɔ) yi gbrɔ nawo bé: ⁵¹ " miaho séa yi gni bé wɔado kojɔé na mé bé oma do tɔé yi wɔagna énuké éwɔa?" ⁵² Odo yinti nɛ bé: " galiléa tɔ yi otcha ognia?" ji yi nakpɔ bé egnagblɔdila dékpékpé n'tcho galiléa o." ⁵³ Yi amésiamé trɔ yi yiho ahomé