¹ Ganyi , pangi , tumumikwatesa nu gumu mihaga hamago a fumu yesu mukunda mwalongugile gudi eswe pila khi ya guwenda mukunda nu gusuangudisa nzambi nu mwabonga mu wenda , salanu jingolo. ² Mukunda mu mujiya malongi tahwile nu jinadia fumu etu yesu. ³ Mukunda idi luzolo lwa nzambi yenu wa miwovele mu menga , mukunda mudikwate muuthambi nu ima ya bola. ⁴ Mukunda koso muthu ajiye mutshindo khi gudikwata mu mwila mukunda nu kipheve nu khembo. ⁵ Gukonda gudihama gunzala ya ima yamavu (Mitshindo wenu sala apanyi eshi mujiya nzambi go). ⁶ Muthuguzombologa lo nyi asale gubola gudi pangi endji mu ndaga iyi mukunda fumu mba ukhale nu gingonzo gia ima ya bola, hangenyi tamilezele mwa gaswe. ⁷ Mukunda nzambi guatutamegele go mugubola kashi mu gipeve. ⁸ Tangwedi muthu umubishila jishigo gueshi go mubishila athu , umubishila nzambi wenu tuhwa peve yendji ya monyo. ⁹ Inyi imutalela guditshigina gwa mvila , mushi nufunu go nyi muthu amisonegele mukunda nzambi mzambi mwene hakhendji wa milongele haguditshigina enwe nu enwe. ¹⁰ Lulu ngagi inji mu musalela akwenu idi ya bonga wanyi adi gu macedoinie tanguedi , tu mumikwatesapangi , gugusala mwabonga. ¹¹ Tumu mikwatesa ndji hagujinga mu guhima hagutalanddaga jiaye , hagusala nu mago aye mutshindo ta milezele. ¹² Salenu iyi mukunda nu guwenda mwabonga nu wanji adi gonze lwa lukwikilu mukunda mba mule gukhale lo nu fumu ya gima. ¹³ Tatunu , pangi nyi mukala nu sonyi gudi wanyi adi agubanda mukunda mule gukhala nu gikenene hangenyi wanyi adi mukonda gutshigina luzingo lwawo gutwama. ¹⁴ Endji kana takwila nyi yesu wafile hene azugile , mutshindo umoshi , nzambi mba uvutula yesu nu wanyi ageswe adi gutulo nu muene. ¹⁵ Talenu mukunda tumi mijiyisa mu ndinga ya fumu , eswe tudi nu monyo , ewse tumunenga guza gwa fumu mba tushi mudiangela ha matwama awanyi adi agubanda nu yesu. ¹⁶ Mukunda fumu mba umuza gosa mba umuza nu mulolo , nu dizwi dia wanjo , mba uza nu gubula pungi ya nzambi , wanyi afile mu yesu ene mba diangela guzuga mu kilisto. ¹⁷ Gugima eswe tudi mu monyo mba tuzangagudia nu wany adi mu matuta ayile mutagana fumu mu dilu , mukunda nu inyi mba tukala kaka nu fumu. ¹⁸ Dishigisenu enue nu enwe mu ndinga.