¹ Hene ha khalele go nu phila ta fwete gukanga mutshima ta yindu dile egi gwa khalele mwa bonga tubege ha khetu gu atene. ² Ta tumile timoteyo phangi 'etu udi muthu wa gisalo gia nzambi mukatshi dia malongi a kilisto , ha gu mibomba nu gu mihwa ngolo mu lukwikile luenu. ³ Ezwe ta kitile nganyi mukunda ata muthu ale gubwa ndo ùukunda nu phashi jiji mudi mujiya , enwe ha khenu egi ezwe ta yidigiye gale mukunda nu phashi jia nganyi. ⁴ Mu masonga ta ngua ta khalele nenu , ta mijiyishe gutwama egi mba tudi mumona phashi , nu gudinana , hene mujiya egi ndaga jiene kuma. ⁵ Mukunda nu nganyi , gwa khalele go nu phila ya gu mikingisa , hene nga mu tumile ha guzula sango jia lukuvilu lwenu uvimuenya mambo wa midimbile mu phila jiko egi gisalo gietu gia khalele gia phamba. ⁶ Uvi timoteyo wa katugile mudimba dienu , wa tubatele sango jia pha jia lukwiluku nu gutshigina guenu wa tu lezele egi mudi mubimba sango jia bonga nu nzala mudi nayo ya gutumona , phila tudi muyindula n'eswe. ⁷ Mukunda nu nganyi phangi , mu katshi jia phashi nu khenda , ta zangudile gikhesa mukunda nu lukwikilu lwenu. ⁸ Lulu ngagi tudi muyinga , gula mwa kwata ngolo mu katshi dia fumu. ⁹ Hene ikwatshi twa jiya guvutula matondo gwa nzambi , mukunda nu kiese ginyi mudi gutu monesa gu twama dienji. ¹⁰ Phipha nu mwanyi , tudi gu musamba a tuhue njila ha guza guminoma mukunda nu gu milungishila ndambu ya ndaga jidi mukonda jidi mukonda ,u lukwikilu luenu. ¹¹ Nzambi wetu yonu udi shetu muene hakhenji nu fumu wetu yesu a londe njila wetu ha guza mu mimona. ¹² fumu yesu a sale mu phila egi gutshigina gunu mwa nu ditshigina enue nu enue gukhale gwa vula , nu gwa koma gwa athu akima. ¹³ Hene mwene a mihue gikesa mu mitshima yenu , mba mukhalago nu ifu gu tamua dia nzambi wetu udi , mu tangwa fumu wetu yesu mba uza muvutuga nu athu enji a santu.