¹ Nu mudi mujiya enue hakenu egi guza guenu gua kalelego gua pamba. ² Nujiye egi tuamunene pashi gugudiangela nu tuazu diye gifwa nu sonyi gua fidipo, tua kadi nu ndima gua nzambi wetu ha gumilonga mbimbiya nzambi mukatshi dienya gibenyi avula. ³ Uvi gu longa guetu gua jilego gua bola , nu njigo muyima ya bola nji ya mambo. ⁴ Uvi mupila ya tulezele nzambi ya lolo ngele nzambi mukanda yene tudimuzuela tushi mu zuela mukunda nu guhua athu kiese uvi mukunda nugu bua ngu luisa muene udi mutala mitshima yetu. ⁵ Uvi tushi athu gilumbu gingoshi ha guzuelela ima ya gulemba pila mudi mujiya nu nji gifwa ima ya gudisuega nzambi udi temua. ⁶ Nunji gukamba lukumm lua athu , udi muza gua enue nu gua athu ako mba yukalago gugulomba sua guyima yetu etue apostola a fumu. ⁷ Uvi tuakalele ahima gu katshi dienu gifa mama mungoshi udi mukitila anenji ima ya bonga. ⁸ Hene tuakalele nu zala ya yenu tuakalele nu kiese gia solola nenu ndo mukunda no malongi a nzambi , uvi mukunda nuluzingu luetu , uvi muadi nu fumu mukunda netue. ⁹ Uvi muatamegeye , apangi , mudimo wetu nu pashi jietu. pipa nu muanya tuakalele mu sala ha gu lago ata gidizegemena gua muthu mukatshi dienu mukumbi dinyi , tua kadi mutonga mbimbi ya nzambi. ¹⁰ Mudi matemua , nu nzambi udi nji tema ya mi , pilatshi tua dibatele nu gifwa asantu, mumasonga , nu mupila ingoshi ya konda gifu gutuama yenu imudi mujiya. ¹¹ Mupila inyi imoshi , mudi mujia pila tshi mukatshi dienu gilua tata na anenji , tua longesele nu gua hua jingolo. ¹² Tua zuelele enyi mudi nayo ya guwenda gifwa mudi mutshigina nzambi wa mitamegele mulukuma luenyi nu kiese. ¹³ Hene mupila inyi tuano kumisa nzambi kumbi nu kumbi mupila muahetele gua etue ndinga ya nzambi inwa vule , mua kumbudile mukumbi ndinga ya nzambi imua vule, imua kumbudile gifua ndinga ya muthu , hene mua ikumbu dile ifua idi , ndinga ya nzambi ndinga yenyi yene idi ndinga ya gusalela gudi enue gua enue mudi mukukila. ¹⁴ Uvi enue apangi , mua kuma hathu adimuhata ikalulu ya mabundu a nzambi idi mu yudee nu kilisto yesu , mukunda mu hetele lamba mukunga nu gudihana guenu , pashi jiene jigashi jia muenene amuyuda. ¹⁵ Akalele a muyuda ashiyile yesu nu maprofeta nu amu yuda atukayele ana tshigina , nzambi go uvi akala khenda gua athu agaswe. ¹⁶ Ano tutunisa gu longa ndo gua yuda mukunda mba huluishiwe , hene adi , adi hadi madibelesa mu masumu awokhabu mba jimua shiyisa gusuga. ¹⁷ Tu kadi ya gudikapa , pangi mu kumbi dia zonda gua athu nu ndo gu mutshima tua tshiginine gugumona. ¹⁸ Uvi tuatshiginine guza gua eye eme nu paulo makumbi avula uvi satana wa tukangele nzila. ¹⁹ Uvi ya kadi gutshigina guetu mu kumbi dia gutuama , nu kiese , nu gifumu gia lukumu gutuala ya fumietu yesu gu lukuma luenji? ishigu enue , nu athu ako? ²⁰ Uvi mudi lukuma luetu nu kiese gietu.