¹ Lulu ngagi , mukunda nu inji idi mutalela tangua nu sungi , phangi ishigo nu fumu ha gumisonegela mu ndaga giene. ² Mukunda enue ha khenu mwa bonga - bonga mu jiya gilu bu gia fumu mba giza mu phila ya nzangi wa nu za mu phipha. ³ Tangua mba azwela egi " Ngemba nu gudikeba " hene henyanyi mba gu mi jila gubolesa gia gisagumuisa mba gukhala mu phila misonga ya gubuta ya na khala gushigo nu muthu mba ubalega. ⁴ Uvi enue aphangi mushigo mujinga mu phipha , mukunda gilumbu giene mba jiza ,u misusumuna ole nzangi. ⁵ Mukunda udi ana a mwanya ,nu ana a gilumbu , uvi tushi getu ana a phipha nu gubuyila go. ⁶ Hene tubandi go mu phila ya athu ako adi musala , uvi bandi go , tukhale twa tema. ⁷ Enji adi mubanda a bande muphipha wanyi adi mu lauga matombe alaugemuphipha. ⁸ Guvi mukunda eswe tudi ana a mu mwanya tu khale ta dikeba ; sudigenu mukaba wa lukuikilu nu wa gutshigina , nu giphu nu givuvu gia guguluga gwa gutwama. ⁹ Nzambi gwa tu hagele go a gukhala nu khabu , uvi ha guzula guguluga mu njila ya fumu yesu kilisto. ¹⁰ Udi muene wa file mukunda n'etue ùukunda egi ata tudi mu tala nga tudi gutulo , tu jinge mu gimvuga nu muene. ¹¹ Nganyi , tudi hueni gikesa eswe n'eswe , enji tudi hwa malongi eswe n'eswe , mu phila mwa ikitele. ¹² Tudi mu mi lomba phangi ha gubambuga athu adi musala gisala gisalo mu khatshi dienu , wanyi adi gu twama dienu mu fumu yetu enji adi mu mihwa malongi. ¹³ Tudi mu milomba ha gujitisa athu a nganyi nu gutshigina mukunda nu idimba inyi adi mukita khalenu mu ngemba enue nu enue. ¹⁴ Tudi gu mizonza phangi , lezenu wanyi adi muji nga mu katshi dia mavunga , hanenu gikesa gwa wanyi ashigo , mukhale nu gudi kwatesa mukhale mukanga mitshima gua athu akima. ¹⁵ Mukeba , muthu guvutula go gubola nu gubola uvi , mu landula khuta ha gusala mambote gua athu akima. ¹⁶ Swa ngulugenu mukunda n'eswe. ¹⁷ Mukhala musamba gubemba ndo. ¹⁸ Hanenu matondo mu ima ikima mukunda luzolo lua nzambi mu kilisto yesu ludi ngenyi. ¹⁹ Mujimigo pheve. ²⁰ Mu tunyi go ndaga jia ma profeta. ²¹ Uvi ji talemu ji longogenu kanga menu mu ima ya bonga. ²² Lengenu dikalegelo dia ima ya bola. ²³ Nzambi wa ngemba ami wove phe - phe sha pheve yenu ,monyo , nu muvila ukhale wa gubamba nu ha guza gwa fumu yesu kilisto. ²⁴ Yonu wa mitamegele udi nu masonga muene enji mba uyisalela. ²⁵ Phangi , sambenu mukunda nu eswe. ²⁶ Mbote iye gwa aphangi akima, nu beze yagipheve. ²⁷ Ngudi mu shilagwa enue mu fumu egi mukunda mu utange aphangi agaswe. ²⁸ Khenda jia fumu yetu yesukilisto ji khale n'enu.