¹ Gufana gudigumisa,lo gwena pimbu.Ami igesa mu manunga ye mugu lesa maswegamu ma Fumu. ² Ami ngisi mudu umoshi wena mu gadji ga Klistu,ayo uga kedi,guhida mamvula kumi ye mawana,mu kiesi de gu wulu di sadu,mbi iga salamanini mu mwila wenzi ami lo ngisi,Nzambi wisi. ³ Ye ami lo ngisi mbi mudu yo magakedi ye misuni mu mwila wenzi mbi lo agakedi ye misuni mu mwila wenzi,Nzambi ugesiyiyi. ⁴ Diaga muzangudidi gu Paladiso,diaga muwedi ndaga yi mpila yega,lo gukadi telu mbi mudu mwega ufana guyi hosa. ⁵ Ami ifana gukala mu kiesi gwena mudu ugifa gio,ha ami beni lo ifana gudigumisa,mbi lo mugu disa. ⁶ Mbi ami nzolengi gudigumisa,ami lo igenzi gkala zoba,mu ami igenzidi guhosa kaka masonga;ha ami iga kedi mu guduna,mu mpila mbi lo gufana gukala ye mudu ufana gukala ye manunga mahida dela muyo yagu dalanga gwena mi,mbi lo yoyo yagwifanga gwena mi. ⁷ Ye mu mwila mi gugonda guzala ye lulendu,mu mwila guhida ndungi zi gulesa maswegamu,yeyi diaga pedi mwila u gimusuni,wanzio umoshi u Sadana diaga fudidi mi muhunga mu mwila mu gukanda mbuga yi gusa luledu. ⁸ Mbalu zisadu ami iga sambidi gwena Fumu mugu musa gudadi yami, ⁹ Ye yeyi dia ngambila:kenda ziami zikadi yayi,mu mwila ngolu ziami zigu gugisa mananga gwena yo ugonda ngolu,ami ifana gudi gumisa mbi ami lo ngiena ngolu mu luzolu,mu mpila mbi ngolu zi Klistu zikadi mu ngiena mi. ¹⁰ Mu gio,ami ifana gukala mu kiesi mu gugonda gikesa,mugu degagana,mu minianga,mugu megama,mu idilu,mu mwila Klistu,mu mwila,mbi ami lo ngiena gikesa,mu gio ami ngiena ngolu. ¹¹ Ami igakedi zoba,anu dinu gakadjidi mbuga.Mu nwena nu ami igenzi gusala,mu mwila ami lo ngiena gu masina atamu gima gimoshi gu mesu ma Antumwa o angola,ata giogio giga kedi pamba. ¹² Gagidi ga gisalu giami gi Klistu giga dugidi mu gadji dienu,mu guganda muzima mu yikima yingisilanga,mu yidimbu,mu malongu ye mu imangu. ¹³ Mu yigi anu nuga monigi pamba gu mesu ma mabundu mamoshi,mbi lo mu yoyo yigagonzidi gunusa?Anu nufidi mi kenda mu gubiya go. ¹⁴ Dala mu mbalu yi isadu ami ngiena heyiheyi mu gwenda gu nwena nu,ye ami lo igakala mu giyega gienu;mu mwila lo gwena mbi ami ngiena mugu ngamba mapimbu menu,gwena anu beni.Lo gwena mbi Ana afana gugamba mu mwila adada Owu,ha gwena adada afana gugamba mu mwila ana. ¹⁵ Mu mwila mi,ami ifana gudusa mu mwila mioni mienu,ihosa gio mu mwila ami migu nuzolanga gwingi,gukala ye luzolu ndambu gu nwena nu. ¹⁶ Mbi lo ami lo ifana gukala mu luyalu lwenu,ha,gukala nga mupala,ami iga nusenzidi mu upala! ¹⁷ Ami mbingu yigi isenzidi mu nwena nu,gwena o ega nudu misidi? ¹⁸ Ami iga ponini Tite mu gwenda gunwena nu,ye yeyi ami iga dumisidi apangi:mu gio gima giegi Tite aga nulombidi?Adu lo dwendanga mbi mu manunga momoshi,mu mbuga yimoshi? ¹⁹ Anu nwena mu gwibuga mbanda tama mbiadu dufana gudi bingisa gu mesu menu.Gwena gu mesu ma Nzambi,,gwena Klistu adu dufana guhosa;ye mu ikima yo apangi ami a luzolu,adu duba guhosa mu mwila gunuwa nu ngolu. ²⁰ Mu mwila ami ngiena mu woma mbi lo inudala,mu guguma ngiami,nga mu mpila yiga zodidi,ye di gudilesa ami beni gu mesu menu,nga gogu mbi anu lo nugu zolanga.Ami ngiena mu woma mu gwisa gubaga gimbeni mu gadji dienu,gumenga gana,mudu gugola,manunga mabi,lulendu,matada. ²¹ Ami ngiena mu woma mbi mugu dula gwami,Nzambi wami ashadi mu mapanzi menu,ye mbi ami lo ifana gudila mu mwila akima o aga sadidi masumu gumesu,aho aga gonzidi gusoba manunga mumabi mowu,mu gindumbu ye mu nkabasana mumbuga yo owu aga dihana.