¹ Ami Polu,iba gunulomba,mu dugogi ye mu pimbu yi Klistu,ami mudu pamba mu mwila mbi ami ngiena mu gadji dienu,ye uga zala ye gudi gulumusa gu mesu menu mbi ami ngiena gudadi, ² Ami iba gunulomba,mu dangu digesa mi go,mu gugonda gusala gingolu ngolu mu gwenda gugamba minu,ayo yiba gugana mu gusala gwena agwenu,aho agu hidanga mu luzolu lugi mudu ³ Mbi adu duba gwenda mu gimusuni,adu lo dwa gunwanisa musuni. ⁴ Mu mwila mada amo medu bagunwana momu lo mena ma gimusuni;ha momu mena ma ngola,mu gagidi ga Nzambi,mu mwila mugwa lumuna ngolu zi mbeni. ⁵ Adu mudwa gusoba manunga ye mu kima mo muma gwendanga mu gwenda gubebisa manunga ma Nzambi,ye adu mudwa gugumisa manunga makima maga gamumuga mu guzidusa Kistu. ⁶ Adu dwena heyi heyi muguhana ndola gwena o agonda lemvu akima,dangu diga guma lemvu dienu gigeledi. ⁷ Anu nugu dalanga mu soni!Mbi mudu munu gudidala mbi yeye ena mu Klistu,ye beni ufana gudihosila pimbu,,nga giogio giena mu Klistu, ⁸ Ye mbi ami ngiena mugu disigisa gwingi mu gifumu mbi Klistu ma gaduwedi mu mwila lusadisu lwenu ye lo mbi mu mwila gudupanza,ami lo igaguga mu gukala mu soni. ⁹ Mu mpila mbi ami konziengi gunu nganina mu miganda. ¹⁰ Mu gio,mugu hosanga mbi miganda mio miena migola ye mi woma;ha mu dangu di,mudu lo,wena mugu hela,ye ndaga yenzi yena yi gusiala. ¹¹ Mbi ayo uba guhosa mu mpila igifa gio,adadi mbi adu dwena mu mbuga yi miganda miedu,ata lo dwena ena owu,mu giogio kega adu dwena mu isalu yedu,nga gogu mbi dwena ye owu. ¹² Adu lo dufana mugu dimega mbi lo mugu digumisa gigeledi gwena hadu amoshi,aho aba gudi dwadisa owu beni.Ha,mu gudimega mu gimegidi ye mugu digumisa gigeledi gwena owu,owu lo ena ye ndungi. ¹³ Mu mwila adu,adu lo duzola gudi sigisa gunima di gidesidi gikima;adu mudu gasenda mu mbalu yega,mu gumega gidesidi mu suga magabu mo,maga dunigididi Nzambi,mu mpila mbi yeyi adu dwadi de gunwena nu. ¹⁴ Adu lo dufana guhida mudinga wedu,nga gogu mbi adu lo dugedisa de gunwena nu;mu mwila gwena pimbu,de gunwena nu adu dugadudidi ye musamu u pimbu u Klistu. ¹⁵ Lo gwena mbi ginima di idesidi yikima,lo gwena mbi isalu yi midu mwega,adu duba gudisigisa;ha gwena mu mwila dwena ye lugwigilu,mbi lugwigilau lwenu munu gwenda gumesu,mu gugula kega mu gadji dienu,mu mamidinga mio miaga sugisidi, ¹⁶ Ye mu gwenda gumwnga musamu u pimbu guhida mambu menu,mu gugonda gudisigisa mu yo yiga salamanini mu midinga mio miga sugisidi mu mwila hadu amoshi. ¹⁷ Wega mbi ayo uba gudi sigisa adi sigisi mu mwila Fumu. ¹⁸ Mu mwila lo gwena mbi yeyi beni uba gudi dwadisa mugu hana mbuga,gwena yoyo uba gudwa disamana mu luzolu lu Fumu.