¹ Gwena pimbu ami mugu nusonigila,mu yo idadila lusadisu lwa Asantu. ² Ami ngisi luzolu lwenu lupimbu,adio digu gumisanga gu mesu menu mu mbuga yi hadu a Masedwani,mu gidilu giowu mbi Akayi ena heyi heyi banda mvula iga hidjidi;ye kikesa gio mu mbuga yenu mi gibenzidi hadu engi. ³ Ami iba gunu dumisa apangi,mu mpila mbi lugumu lo ludu ganu sadisidi digonzi gwenda pamba mu panzi yo,ye anu nukadi agu gubamana,nga giga nwambididi. ⁴ Ami lo izola mbi hadu a Masedwani esa gusisa mi,ye owu anu dala mbi anu lo gugu bamana,gagidi go gadu ambilanga gaga kala ga pamba,mu gugonda guhosa mu mwila nu. ⁵ Ami idala gigi,gwena mfunu mugu lenziga apangi amoshi mu gwenda gumesu gwena nu,ye mu gudala makabu menu amo menu gaganisidi,mu mpila momu makadi heyi heyi,mu mwila gukala mu pwede,ye lo mbi mu gukala mugu hosa hosa pamba. ⁶ Wisiyenu mbi,ayo uba guguna ndambu,agabaga kega ndambu,ye ayo uba guguna gwingi,aga baga kega gwingi. ⁷ Mudu mukima ahani mu mpila ya nungidi ye beni mu muzima wenzi,gugonda mimedu,gugonda guboguda;mu mwila Nzambi aguzolanga mudu yoyo uba guhana ye lugwigilu. ⁸ Ye Nzambi ufana gunu zesa ye ngolu zigifa ye gifa,mu mpila mbi nubagi yima yikima,mugu disadisila mu mapwisa menu makima,anu nwena ye yima yingi mu gisalu gipimbu, ⁹ Nga giga sonamana:yeyi maga senzidi yima yingi ye maga wedi ana nsona;gagidi genzi muga galamini de gunsuga. ¹⁰ Ayo uba guhana mimbudu gwena aguni,ye lumpa mu mwila madia mowu,maga nuwa ye maga panza mimbudu,ye yeyi maga gandula ndumba zi gagidi genu, ¹¹ Anu nugakala ye gimvama gingi mu mapanzi makima,ye mu yima yikima ynu hana mu pwede,mu mpila yedu,duhanenu gwena Nzambi makabu. ¹² Mu mwila lusadisu lu gifa gio lo lwena buna mu mwila ma pwisa masantu,ha yoyi yena gizimba gi makabu mengi gu mesu ma Nzambi. ¹³ Mu gudala lusadisu lo,gulumbugila gukala ye ndungi,yeyi munu gugumisa Nzambi mu gulemvuga gienu mu gisalu gi musamu u pimbu u Klistu,ye mu makabu menu ma pwede gu mesu mowu akima; ¹⁴ Owu magu nulombi langa gwena Nzambi,mu mwila owu anu zodi mu makabu mapimbu maga nuwedi Nzambi. ¹⁵ Lusagumunu luginzigi gwena Nzambi mu gisalu gienzi gipimbu.