¹ Mugu manisa, apangi, du bagunuwa giyega ye gu nulonga mu yumbu yi fumu Yisu. nga gi nugalonguga gu dwena du, mu mpila yigi nu fana gu lu dwadisa mu mwila guwa Nzambi kiesi, ye gwena pimbu mbi nu ba gumada, nusadi mbi nuendji gu mesu. ² Mu mwila nwisi misigu mi duga neudji mu kumbi yi fumu Yisu. ³ Mu mwila yi yena luzolu lu Nzambi: gafuga gwena, nudjini gindumbu. ⁴ Wega mbi mudu mukima mu gadji gwenu esiyi mpila yigi gugeba mwila wenzi mu musantu ye mu lugumu. ⁵ Nugondji gulu hana mu nzala yi yima gifudji ( Gigu salanga ami pasi akonda gwisiya Nzambi). ⁶ Ye ti mudu umosi akondji gudambula ye gusala mugi wenu gubiya mu mapandji ma. mu mwila fumu agu hananga ndola mu mapandji mabi makimi. duga nulesa ye mugu mu landjila. ⁷ Mu mwila Nzambi lo aga dulendjigidi mu gusala izumba ha mugu kala musantu. ⁸ Tunda giogio, ayo uba gugonda gulaba, lo aba gu mbila hadu, ha Nzambi yo ubagu nuwa muhunga wendji usantu. ⁹ Idadila luzolu lu pangi, lo gwena fumu mbi unusonigidi, mu mwila Nzambi ye beni, uga nulonga, mugu zolagana yenu yenu. ¹⁰ Mugio, gwena pimbu mu yo yi nubagusala mu mwila a pangi akima ena gu Macedoyine mukima. Ha duba gunu lomba, a pangi, mugu sala yo yihida. ¹¹ Duba gunu lomba kega mu guzinga mu ngemba, mugu dala mapanzi menu, mu gusala mu miogu mienu, giduga nu leshidi. ¹² Nusadi gi, mu mwila nuhidiengi mugu lugeba gumesu ma yo uganda lugwigilu ye nugondji gukala ye mfunu shi igima gi mosi. ¹³ Lo duzola, apangi, mbi nukadi gigeledi gu mesu ma ho aba gu bida, mu mpila mbi nukondji gwifa kenda nga hoho amashi agugondanga gusa mudjima mu mapandji mo magesa. ¹⁴ Mu mwila mbi nuba gugwigila Yisu uga fa ye uga fudumuga, bgigeledi kega, Nzambi maga zangulusa ye Yisu, hadu ho aga bida. ¹⁵ Dala duba gu nwambila mu ndaga yi Nzambi, mbi adu dwena ye moni, duba gumena gwisa gu fumu, lo du genda gumesu ma ho aga bida. ¹⁶ Mu mwila fumu ye beni agesa gu wulu. Agesa ye ndaga, ye ndaga yi arkange, mvudi mvudi yi Nzambi, ye hoho agafidi mu Yisu aga fudumuga hadu a tegu. ¹⁷ Ye adu dugasala ye moni, aga duzangula gimvuga ye hohu mu maduda mugu wanagana ye fumu, ye gukala giogio gidu ga kala ye fumu. ¹⁸ Nulongagani yenu tenu mu ndaga yi.