¹ Lo dudadidi, mpila yigu ganda midjima yoyo duga sendjidi manunga yi gusala adu beni gu Atene. ² Duga dumini Timoteo, pangi wedu yeyi gusala Nzambi mu ndaga yi Klisto, mugu muwa ngolu mu lugwigilu. ³ Du sadidi gio mwila mbi si mudu umosi lo afana gu bwa mu masumu. mwila nwisi anu beni mbi dwena mu mwila gio. ⁴ Mu gagidi, dangu duga kedi gwena nu, du mwambididi gu ntwala mbi maga du dadisa pasi ye pasi beni ziesidi. ⁵ Mwila gio, mpila yigu ganda muzima lo mugu mena, duga mudumini mugu du dela mu lugwigilu. Mbala yega Sadana mamu mega, mbi mamu mega gisalu giedu giaya mu penza. ⁶ Ha Timateo, diesa gu dwena du, mugu du dwadila nsangu yi pimbu mu lugwigilu yenu ye luzolu lwenu. M dwambila mbi yena nwena ye luzolu lu pimbu, mwila du ye nuzola gu dudalula nga dubagu dinunga ke. ⁷ Giogio, anedu, dukedi mu kenda mugazi gienu hadu zwidi ngolu mwila lugwigilu yenu. ⁸ Adi dangu di, duba guzinga, mbi mu dadamana gwena Nzambi. ⁹ Mwila kiyo dufana gu hana lugumu gwena Nzambi mukiesi zinu ba gudu wa gu mesu menzi? ¹⁰ Piba mwani dwena mugu mulomba adu wi nswa digu dala ma mbunzu menu ye mugu wodisa giba gonda mu lugwigilu yenu. ¹¹ Nzambi ye dada wedu beni, ye Yisu Klisto, a dwadisi mbuga yedu gwena nu. ¹² Nzambi a nu yedisi ye anu zesi mu luzolu yenu ye yenu gwena hadu akima, nga dugu salu mwila nu. ¹³ Asadigi, mwila gu lembiga midjima menu nu gadi ye igalulu yi pimbu gu mesu ma Nzambi ye dada mugu ginzigila gu yesu ye asantu a kima.