¹ Adidi, mu dangu didala mafugu ye manvula, anedu, lo nwena ye mfunu mbi du nu sonigidi mu yima yo. ² Mwila nwisi pimbu mbi ufugu u Nzambi munu gwisa nga mwimbu mu piba. ³ Magu hosa: « Pwede ye gulu geba,» gu panzagana migesa mugi ntulumugidi gwena awo. Miga kala nga misongo u mugonusa u vumu. lo agu guga muguzi dina. ⁴ Hanu, anedu, lo nwena mu piba, mwila mbi ufugu beni giesa gumu baga nga mwimbu. ⁵ Mwila nwena anwakima a nsemu ye ana u mwani. Lo dwena ana piba ye u masumu. ⁶ Adi, du gonzi gu bida nga amosi munu gu sala, ha du gonzi gu bida, kalenu mu mugizi. ⁷ Mwila, ha gubidanga mu piba, ye a ha gulawuga, agu lawuga mu piba. ⁸ Ha, mu mwila dwena hana u mwani, du yadi, vadenu mwila mu lugwigilu ye u lozolu, ye ma pu, du nungilu gi fumu gi hulu. ⁹ Mwila Nzambi lo adu sidu mugabu, ha mu gwingila gu hulu mu mbuga yi Yisu Klisto. ¹⁰ Aga fidi mu mwila du, siki dubida si du bala, du zingi mu gimvuga wa yeyi. ¹¹ Mugio, hanagenu ngolu yenu yenu ye nudi longiengi yenu yenu nga mugu sala tama. ¹² Duba nu lomba, anedu, mu gwisiya ha abagusala mugazi zienu ye aha ena gu wulu gienu munu gu milonga mu Yisu. ¹³ Dwena mugu nu lomba gega nu kadi ye gimbuda mwila howu mu luzolu mu ma hangi mowu. Kalenu mu ngemba yenu yenu. ¹⁴ Dwena mugu nu lomba, Anedu: hindusenu a molu, gebenu a gonda ngolu, kalenu pwede gwena akima. ¹⁵ Gebenu mudu a gonzi gu gizigisa mabi mu mabi, adi labilangenu yima yi pimbu yenu yenu ye gu mesu mia kima. ¹⁶ Kalenu mu kiesi konso ufugu. ¹⁷ Nu konzi gu hela mugu samba. ¹⁸ Hanenu lugumu mu yima ikima, giena luzolu lu Nzambi gwena Yisu Klisto mwila du. ¹⁹ Guzima lo muhunga. ²⁰ Nugonzi gu duga gi mbigudi. ²¹ Ha ponenu yima ikima. dadama nenu mu yima yi pimbu. ²² Dunenu mahangi ma kima mabi. ²³ Nzambi yu dugu wa ngemba. a du gidudi a santu, adu gebi gu midjimi, manunga ye mila medu. nu gonzi gu kala ye ibi mu gwisa gu gizigi u Yisu Klisto. ²⁴ Yebeni ga nulenzigidi, y beni ma gisala. ²⁵ Anedu, sambagenu mwila du. ²⁶ Anedu mbozi yi ma beze gwena anedu akima. ²⁷ Iba nu lomba mu Yisu mbi muganda wu adi dangi gwena anedu akima. ²⁸ Ngemba ye fumu wedu Yisu Klisto yi kadi ye anu.