² kumi ye zole dia zintumua abokela kiuma kia alongoki ye akuatela: " ka dina dia mbote ko kua yeto musisa mambu ma Nzambi ye sala ku meza. ³ Ikuma zimpangi, lusola nsambuadi ya antu ankua mavanga ma mbote, azala kua Mpeve ye nduenga, wo tufueti vana salu kiokio. ⁴ Nga vo iyeto, situa tatamana ntangu zawonso mu sambila ye mu kisalu kia nsangu za mbote." ⁵ Mpova awu ya tondakana kua n'kangu. Idiawu, asola Tieni, montu wazala kua ninu ye Mpeve a N'longo, ye Filipo, Pokole, Nikanoli, Timoni, Palamena ye Nikola i mposiluta ya Antiokia. ⁶ Minkuizi anata antu wowo va n'tuala a zintumua, asambila ye awatenseka moko. ⁷ Mambu ma Nzambi mamuangana ntangu ka ntangu ye ntalu a min'longoki yakulama mu n'sualu muna Yelusalemi. Ye ndonga ya yingi ya nganga za Nzambi yatumamana minu. ⁸ Bosi, Etieni wazala kua n'lemvo ye lendo, wavanga masivi ma nene ye dimbu va kati kua n'kangu. ⁹ Kansi ndambu ya antu a nzo a lukutakanu ya bokololuanga nzo a lukutakanu lua antu akimpuanza esi Kileni ye esi Alekizandele, ye findambu fia n'kaka fia esi Sisilia ye Asia a natumuka. Ye antu wowo a filana mpaka ye Tieni. ¹⁰ Kansi ka alenda kakidila nduenga ye Mpeve mu yo Tieni ka vovelenge ko. ¹¹ Bosi ku nima, alenda lemvola mu kinsueki ndambu ya antu avova : " tuawilu Tieni wavovele mambu ma luvuezo mu Mose ye mu Nzambi." ¹² Akitumuna n'kangu, akuluntu a ngudi za Nganga ye min'soniki. Antu wowo anuanisa Tieni, am'baka ye anata kuna mbazi a n'kanu. ¹³ Anata mbangi za luvunu zavova: " Muntu ndondo keta yambula vovela mambu mambi mu fulu kiki kia n'longo ye mu min'siku ko." ¹⁴ Kadi n'tua n'wilu wavovele vo:" yesu ndondo wuisi Nazaleti si ka tulula fulu kiki ye sikasoba kisinsi kiokio Mose katulonga." ¹⁵ Awonso akala avuanda kuna mbazi a n'kanu an'tadidila ye amona vo zizi kiani kiakala bonso kia Mbasi.