¹ Ngudi a nganga mbuta wa vova: " nga mambu momo ma kieleke?" ² Tieni wa vutula: " A mpangi ye mase lungua: Nzambi a n'kembo ndondo wamonekena se dieto Abalahami kiokio kakala muna Mesopotamia, tekela kavuanda mu nsi ya Salani, wa n'tela: ³ " sisa nsi aku ye wenda mu nsi yi ngina ku songa." " ⁴ Ikuma wa sisa nsi ya basaladea ye wavuanda kuna salani. Kuna, kunima lufua lua Se diani, Nzambi wannata ku nsi yina yayi luta vuanda wuwu. ⁵ Kam'vana kani fi mvuilu, kani nkutu vana kafueti tula kulu kuani ko. Kansi wa n'sila n'silulu ( Mu ntangu Abalahami kakala ye muana ko) vo si kam'vana nsi yoyo bonso mvuilu ye kuan'kuna ani. ⁶ Nzambi wan'tela ewu, vo n'kunani si wazinga fi ntangu ntangu mu n'toto a kinzenza ye esi fulu kina si akuwakitula antu amvua ye si akuwavanga mpasi nkama ya za m'vu. ⁷ "Ye si yafundisa nsi yoyo ena kadila mu kimvua, wu vovele Nzambi, ye kunima si benda ye kun'kundila va fulu kiki." ⁸ Ye wavana kua Abalahami luwawanu lua salua ki yakala, ikuma Abalahami wakuma Se dia Isaki, ye wan'sala ki yakala mu lumbu kia nana; Isaki wakuma se dia Yakobi, ye Yakobi Se dia ana kumi ye zole a nsilulu. ⁹ Ana a nsilulu, azalua kua kimpala mu Yosefi, an'teka mpasi annata kuna Ngipiti, ye Nzambi wa kala yani, ¹⁰ ye wan'sadila mu mpasi zani za wonso, ye wam'vana n'lemvo ye nduenga va n'tuala a Falao, n'tinu a Ngipiti. Falao wa n'kitula mfumu ya Ngipiti ye ya nzo ani ya m'vimba. ¹¹ Va bua nsatu ye mpasi za yingi mu Ngipiti ya m'vimba ye Kanana. ye Mase meto kamakala ye madia ko. ¹² Kansi kio Yakobi kawa vo bele dia kala kuna Ngipiti, wafila Mase meto nkumbu ya ntete. ¹³ Nkumbu ya n'zole, Yosefi wakisonga kua mpangi zani; ye Kanda dia Yosefi dia zayakana kua Falao. ¹⁴ Yosefi wa fila mpangi zani atela Yakobi, Se diani, keza ku Ngipiti, ye kanda diani dia m'vimba: nkama nsabuadia ye tanu dia antu awonso. ¹⁵ Yi wowo Yakobi kakulumukina kuna Ngipiti. Bosi yani kibeni wa yiza fua ye Mase meto mpe. ¹⁶ Anatua ku Sikemi, kuna azikua mu ziami kia sala sumba Abalahami mu mbongo kua ana a Amoli kuna sikemi. ¹⁷ Ntangu ya n'silu ya sila Nzambi kua Abalahami kio ya fuana, n'kangu wakuma wa bidi ye wawutana kuna Ngipiti, ¹⁸ nate n'tinu wan'kaka wayiza ku Ngipiti, n'tinu wo kawazayaYosefi ko. ¹⁹ N'tinu wowo kaka wavuna n'kangu eto ye wamuesa Mase meto mpasi, nate nkutu tubu ana awu a n'sedia, mpasi ka akadi moyo ko. ²¹ Mose wawutuka mu tandu kina. Wakala wa ntoko beni va meso ma Nzambi, ye wasansua mu ngonda tatu muna nzo a Se diani. ²⁰ Kiokio katubua, muana a n'kento a Falao wam'baka ye wan'sansa bonso muana ani kibeni. ²² Mose walongua mu nzayilu ya wonso ya besi Ngipiti; ye wakala ye lendo mu m'vovo miani ye mu salu yani. ²³ Kiokio kalungisa nanga m'vu makumaya, wabaka ngindu mukuenda kingula mpangi zani, ana a Isaeli mavimpi. ²⁴ Kiokio ka mona mosi mu esi Isaeli wuta vangua mpasi, Mose wannuanina ye wan'tanina kua mbeni ani, wazuba muisi Ngipiti. ²⁵ Kayindula vo mpangi ani sika bakusa vo mu koko kuani, Nzambi wuta kuba sadisa, kansi kabakusa ko. ²⁸ Lumbu kia landa wayenda kua wana a Iseli akala zonzanga. Wateza ku awizanesa, wa vova:" Mbuta luna zimpangi nki luta kivangila mpasi?" ²⁷ Kansi nduna wavanga n'kuani mpasi wam'bela ye wavova: " Nani wakusolele mfumu ye m'fundisi eto?" ²⁶ Zolele kumvonda bonso wa vondele muisi Ngipiti mazono?" ³⁰ Kiokio kawawo, Mose watina ye wakuma nzenza mu nsi ya Midiani, mu kawutila ana wole. ²⁹ ku nima m'vu makumaya, Mbasi mosi ya m'vayikila muna nsi a nkatu kuna mongo a sinayi, va kati kua n'laku a tiya va vuangi dia finfida . ³¹ Mose wamona tiya, wayitukua mu mbonokono yina; Ye kiokio kafinama mutala, ndinga a Mfumu ya wakana, yavova: ³² " Ngina Nzambi ya Mase maku, Nzambi ya Abalahami, Isaki ye Yakobi." Mu zakamu Mose kateza tombola mbueno ko, ³⁴ Mfumu wan'tela:" Vula nsapatu zaku kadi fulu ki wuna kina kia n'longo. ³³ Ludi kibeni yamuene mpasi za n'kangu amu wuna Ngipiti. Yawilu nkungulu zawu ye yakulumukini mu ku akula. Wuwu wenda; yikufididi kuna Ngipiti." ³⁶ Mose ndondo atuba, kiokio avova: " Nani watudidi mfumu yevo m'fudisi." iyani Nzambi kafila bonso Mfumu ye m'vukisi. Nzambi wam'fila mu koko kua Mbasi yamonekena Mose muna finfida. ³⁵ Mose wabanata ku mbazi a Ngipiti kunima songa sinsu ye masivi kuna Ngipiti, kuana m'bu a mbuaki ye kuna nsi a nkatu mu m'vu makumaya. ³⁷ I Mose ndondo wavova kua n'kangu a Isaeli: " Nzambi si ka lusengomonena m'bikudi va kati kua mpangi zeno, M'bikudi bonso mono." ³⁹ I Muntu ndondo wakala va kati kua lukutakanu, kuna nsi a nkatu kintuadi ye Mbasi ya vova kua yani vana mongo a sinayi. Muntu ndondo wakala ye Mase meto, ndondo watambula m'vovo mia moyo mu luakisa mio kua yeto. ³⁸ I muntu ndondo Mase meto avakudila n'kalu mu tumamena; Am'bela ye muna n'tima miawu avutuka kuna Ngipiti. ⁴⁰ Mu ntangu yina, avova kua Aloni:" wutusadila nzambi zikutu tuadisa. Mu diodio ditadidi Mose, watuvayikisa muna Ngipiti, katu zeye nki kin'lukidi ko ." ⁴¹ I kuma, ayokala teke n'kayilu a ngombe ye ayangalala mu vangua kia moko mawu. ⁴² Kansi Nzambi wa kua teka nima ye wa kua yekola mu kunda Ntetembua za zulu; bonso ma sonama muna n'kanda a Mim'bikudi:" Keti lua mvana bulu ya zengua nsingu ye min'kayilu mu m'vu makumaya muna nsi ya nkatu, kanda dia Isaeli? ⁴³ Luatambudila nsabudulu a moloki, ye ntembua finzambi nzambi lampani, fuani fuani yoyo luavanga mu kunda: Bosi siyalunata kuanda vioka Babilinia." ⁴⁵ Mase meto matambula nzo a kimbangi muna nsi a nkatu bonso Nzambi kavanina dio luve kina ka vova kua Mose vo kafuete yo vanga diaka landila mbandu kamona. ⁴⁴ Yi nzo a ngoto Mase meto, mu ndiata awu, anata mu nsi kintuadi ye Yosua. Dina dia vangama kiokio abaka n'toto a makanda mo Nzambi ka kula tekela ngizulu a Mase meto. Yi wuna makadila nate mu tandu kia Davidi, ⁴⁶ watambula n'lemvo kua Nzambi; walomba atunga lumbu lua Nzambi a Yakobi. ⁵⁰ Kansi salomo watunga nzo a Nzambi. ⁴⁸ Kansi tu, Nzambi kavuandanga mu nzo za tungua mu moko ko ; bonso m'bikudi kavova: ⁴⁹ Zulu yi kiandu kiame ye n'toto yi diatulu kiame. Nkia mpila nzo lulenda kuntugila?" Wuvovele Mfumu: " kue kuna fulu kiame kia vundila? ⁴⁷ Ka moko mame ko mavanganga yawonso yoyo?" ⁵¹ Antu a nsingu za sinana, ye akondua salua kiyakala mu n'tima ye mu matu, lutelamenanga Mpeve a n'longo ntangu za wonso, lusalanga mavanga bonso Mase meno. ⁵² Nkia M'bikudi Mase meno ka atokenesa kue? Avonda Mim'bikudi mia vitila ngizulu a Mosi kaka wa lunungu; ye wunu kiki, yeno mpe lukumini min'yekodi ye mim'vondi miandi, ⁵³ yeno lua tambula nsiku wa kubikua kua zimbasi, kansi ka lualunda wo ko." ⁵⁴ Kiokio antu a mbazi a n'kanu a wa mambu momo, aluala muna n'tima ye akuetisa meno mu Tieni. ⁵⁵ Kansi yani, kina wakala wa zalua kua Mpeve a N'longo, watala ku zulu na sui ye wa mona n'kembo a Nzami. Ye wamona Yesu watelama va koko kua luyakala kua Nzambi. ⁵⁶ Tieni wavova: "Tala ngita mona mazulu ma zibuka ye muana muntu watelama vakoko kua luyakala kua Nzambi." ⁵⁷ Kansi antu a lukutakanu aboka mu ndinga ya ngolo, akaka matu mawu ye am'fitama vamosi. ⁵⁸ an'tuba kuna mbazi a mbanza ye anzuba matadi: Zimbangi za tula n'lele miawu va malu ma ntuenia mosi wa bokelelua Sawuli. ⁵⁹ Kiokio akala zuba matadi kua Tieni, waboka kua Mfumu wavova:" Mfumu Yesu tambula Mpeve ame." ⁶⁰ Wafukama, waboka mu ndinga ya ngolo:" Mfumu, ku atangila sumu diadi ko , Ku nima vova diodio, wa leka."