¹ Petelo ye Yowani bakala tomboka kuna Nzo a Nzambi, mu wola ya sambu: yakala wola ya vua. ² Vakala muntu watila mianzi tuka ngutukulu ani, wakala natuanga ye tuluanga ntangu zawonso vana muelo a nzo a Nambi bakala bokelelanga wantoko, kidi kalombanga minkayilu mia nkenda kua bowonso bakala kotanga muna nzo a Nambi. ³ muntu ndondo kio kamona Polo ye Yowani bakala kuenda mo kota, wabalomba nkayilu mia nkenda. ⁴ Petelo, vakimosi ye Yowani, Ban'tala muna meso na swi, ye ban'tela: "wututala" ⁵ ye watoma kubatala, kadi wakala vingila ata kima kua bawu. ⁶ Kansi Petelo wan'tela:" kivuidi mbogo yevo wolo ko; kansi kiokio mvuidi yikuvene kio. Mu nkumbu ya Yesu Klisto muisi Nazaleti, telama kuaku ye diata." ⁷ Wam'baka mu koko kua lubakala, ye wan'telamesa. Vana vawu malu ye kolongonzo yani yakangana; ⁸ munkumbu mosi watelama, ye wayantika diata. Wakota ye bawu muna nzo a Nambi, wakala takuzuka ye sanisina Nzambi. ⁹ bantu bawonso bammona wakala diata ye sanisina Nzambi. ¹⁰ Ban'zayidila vo yani wakala vuandanga vana muelo wantoko wa nzoz a Nambi mu lombanga e n'kayilu mia nkenda, ye bazalu kua ngitukulu mu n'samu wowo wavangama. ¹¹ Wuwu kina vo kalenda tatuka ye Petelo ye Yowani ko, n'kangu wawonso wayutukua ye wazawula kuabawu kuna ndambu ya suku dia Salomoni. ¹² Kiokio petelo kamona dio, wavova kua n'kangu:" Besi Iseli, bila nki lutayutukilua mu diodio? Mudiambu dia nki luta kututadidila kaka, bonso vo mu lendo kia beto mosi yevo mu nkenda zeto tudiatisidi muntu ndondo? ¹³ Nzambi ya Abalayama, ya Izaki ye ya Yakobi, Nzambi ya Mase meto, wakembesa sadi kiandi Yesu, ndondo luayekola ye luabembola kua Pilatu, wakala ye ngindu za kun'giambula. ¹⁴ Beno luabembola m'veledi ye nkua lunungu, ye ndondo lua lombela nate vo m'funu nkutu lualemvukila m'vodi. ¹⁵ Luafila ku lufua Mfumu a moyo, ndono Nzambi kafulusa mu bafua, tuna dio bambangi. ¹⁶ Yi mu minu mu nkumbu ani, muntu ndondo luta mona ye lutomene zaya, kasasukidi. Yi mu minu mu yani ka vanini luniaku luawonso kua muntu ndondo, va meso meno beno bawonso. ¹⁷ Wuwu, bampangi, luzeye vo luavangidi wo kunsi a kondua kua zaya, ye mfumu zeno. ¹⁸ Kansi Nzambi wavangidi mpilla yoyo mpasi kalungisa mawonso kasamuna ntete munzila ya nua mia mim'bikudi, vo Klisto kafuete mona mpasi. ¹⁹ Mudina, luvilula fu bieno ye luviluka, kidi masumu meno ma vunzunua. ²⁰ Mpasi vo ntangu a luvuvamu ya tuka kua Mfumu, ye kafila ndondo walukaninua, Yesu Klisto. ²¹ Ndondo zulu kafueta tambula nate muna ntangu yisinga vutuka bima biawonso, biobio Nzambi kavovela tuka ntama mu nua mia mim'bikudi miani mia velela. ²² Mose wavova: " Mfumu se kasinga kulu vayikisila vakati kua mpangi zeno m'bikudi bonso mono; si luanguila mu mawonso kasinga kulutela, ²³ ye konso nduna ka wila m'bikudi wowo ko si kafukisua va kati kua n'kangu. ²⁴ Mim'bikudi miawonso mia vova mu ntangu zawonso, tuka Samueli, bavovela mpe lumbu kina. ²⁵ luna bana ba mim'bikudi ye ba kangu diodio Nzambi kakanga ye Mase meto, bu kavova kua Abalayami: " makanada mawonso va n'toto se masakumunua mu kanda diaku. ²⁶ Yi kua ngeye ntete ntete Nzambi, kiokio ka telamese sadi kiandi, kam'fidisi mu kusakumuna, mu bangumuna muntu muntu mu masumu mandi.