¹ Kina lumbu kia pantekoti kia fuana, ba wonso ba kala fulu kimosi. ² Mu kintulumukina, mazu ma ngolo mafuluka muna nzo a m'vimba bakala. ³ Ba mona mpila tubini tua n'laku a tiya tuavanua kua muntu muntu, ye tuabuila vana n'tu a konso muntu. ⁴ Ba wonso bafuluka kua Mpeve a n'longo ye bayantika vova ndinga za n'kaka, bonso Mpeve ya batuadisila. ⁵ Mu ntangu yoyo, va kala ye bayudayo ba kala vuandanga kuna Yelusalemi, bantu bavelela, lutila bantu ba nsi za wonso ⁶ Muntangu mazu momo mawakana, ndonga ya bantu yayiza mu kituadi ye bayutukua kadi konso muntu wa bawilanga muna ndinga ya vata diani. ⁷ Batoma yutukua. Ye bavovanga:" Muludi, bobo beta vova ka bisi Ngalili kue? ⁸ Weyi tufuete ku bawila muntu muntu muna ndinga ani ya ngutukila? Besi Pelesi, Medesi ye Elemiti ye besi ⁹ Mesopotamia kuna Yuda ye kuna Kapodole, besi Ponte ye Asia, ¹⁰ Kuna nsi za Filiza ye Pafili, Ngipiti ye kuna tini kia Libia lukufi ye Sileni, bisadi bia tuka kuna Loma, ¹¹ ba Yudayo ye ba polo Seliti, besi Keletia ye Alabia, tuta kubawa beti vovela lulendo lua bisadi bia Nzambi." ¹⁴ Kansi Petelo watelama kintuadi ye kumi ye mosi, watombola ndinga ye wa batela: " Bantu besi Yudayo ye beno bawonso ba vuandanga ku Yelusalemi, luzaya diadi ye lutoma wa mambu m'vova. ¹⁵ Kadi bantu baba kaba kololo malavu ko bonso luta vova, kadi tua kinu mu wola yan'tatu ya n'suka. ¹⁶ Kansi lutala mambu ma soneka m'bikudi: " Yoeli: ¹⁷ " Muna lumbu bia nsuka Nzambi wavova se ya dukula Mpeve ame mu bantu bawonso. Bana beno ba yakala ye bakento se ba bikula. Ntuenia zeno se bamona monameso ye ba n'kaka se ba lota zindozi. ¹⁸ Yi dimosi mu sadi biame bia bakala ye bia kento, muna lumbu kina, se ya badukudila Mpeve ame ue se babikula. ¹⁹ Se yamonekesa masivi mame muna zulu ye sinsu biame vava n'toto, menga, tiya tua mupepe wa muisi ²⁰ Ntangu se kavana tombe ye ngonda se kakituka menga, tekela lumbu ki vutuka mfumu. ²¹ Mu ntangu yina, konso nduna se kabokela nkumbu a Mfumu, se kavuluzua. ²² Besi Isaeli, luwa m'vovo miame: "Yesu muisi Nazaleti, muntu wasolua vakati kueno mu kuma kia masivi ye mambu ma nene, ye bisinsu, bia vangua kua Nzambi vakati kueno, bonso luzeye, ²³ bonso dia kubamena ye mu luzolo lua Nzambi, wayekolua muna moko ma mbeni, lua n'koma vana kuluzu ye lua m'vonda. ²⁴ Nzambi wam'futumuna, wan'kutula mu mpasi za lufua kadi diakala dia mpasi kua lufua mu kun'lunda. ²⁵ Kadi Davidi wavova:"Yamomanga Mfumu ame konso kua lumbu va n'tadisi ame, kadi yani yi lubakala luame, kidi kibueko. ²⁶ Yi dina n'tima ame wuna mu kiese ye lubini luame luna mu kiese. Mpila mosi mpe ye nitu ame se yazingila mu vuvu. ²⁷ Kadi kulendi yambula muela ame kuna nsi a bafua ko ye kulendi yambula N'longo aku ka bola ko. ²⁸ Wa nsongele nzila moyo, wa mfulukisi kua zizi kiaku. ²⁹ Zimpangi, ndenda kulu vovela mu vuvu kia wonso mun'samu wa Mfumu Davidi:" Wafua ye wa zikua, ye ziami kiani kina yeto nate wunu kiaki. ³⁰ Wawu kina vo wazaya vo Nzambi wa n'sila vo se kavuandisa mosi mu bana bani va kiandu kia kimfumu kiani. ³¹ wakizayila ye wavova vo mu n'samu a mfulukulu a Klisto: " Ka ngiambula muna nsi a bafua ko ye nsuni ame kawa wola kutu ko ³² Ndondo Yesu, Nzambi wantombola, ye beto bawonso tuna mbangi. ³³ Wawu kina vo wa tombolua kuna lubakala lua Nzambi, ye landila nsilulu ya Mpeve a N'longo tua tambula kua Tata, bonso tuta mona ye tuta wa. ³⁶ Kadi Davidi ka tomboka ku zulu ko, kansi wa vova: "Mfumu wavova kua Mfumu ame, vuanda kuaku ku lubakala luame, ³⁵ nate se yakitula mbeni zaku diatulu yaku." ³⁴ Dina, bika nzo ya Isaeli ya wonso yazaya, kondua kua keti keti, vo Nzambi wakitula Mfumu Ye Klisto, Yesu ndondo lua koma vana kuluzu." ³⁹ Kio bawa mambu mama, bamona mpasi muna n'tima miawu ye bavova kua Petelo ye kua balongoki ban'kaka: "Zimpangi, weyi tu fuete sa?" ³⁸ Ye Petelo wabatela: "Luvilula madiela ye lutambula mbotokolo, konso muntu muna nkumbu ya Yesu Klisto mu kuma kia ndoloki ya masumu meno, ye se lua tambula n'kayilu mia Mpeve a n'longo. ³⁷ Kadi n'silulu yina mu beno, mu bana beno, ye mu bana bena muanda, mu ndonga ye ndonga Mfumu Nzambi se ka babokelela." ⁴⁰ Mu mpova zayingi, wa kuba longila ye ku babondelela; wa batela: "lukikula mu mbandu yayi ya mbalu." ⁴¹ Mu mpila yoyo batanbudila mpova zani ye batambula mbotokolo, ye muna lumbu kina kaka, yazi tatu ya miela ya kulama. ⁴² Batatamana muna ndongolo za min'longoki ye kintuadi muna mbukuninu a dimpa ye tusambulu. ⁴³ Wonga wa buila konso muela ye masivi mayingi ye bimangu bia vangua kua min'longoki. ⁴⁴ Bawonso ba kuikila bazingilanga mukintuadi ye mvuilu ya wonso ya kala ya ntuadi, ⁴⁵ ye batakelenge mvuilu zawu ye bakananga zo yawu ye yawu, landila nsatu za konso muntu. ⁴⁶ Yi dina, lumbu muna lumbu, balandakana kuma kiawu muna nzo a Nzambi ye babukuninge dimpa muna nzo ye bakayanenge madia mu kiese ye luyinunu lua n'tima. ⁴⁷ Bakala sanisinanga Nzambi ye batambula n'lemvo wa n'kangu wa wonso. Ye Mfumu wa kala kudikanga konso lumbu muna nzo a Nzambi bana ba vulusua.