¹ Kiokio babaka lukanu vo tuenda kuna Itali, bavana Polo ye bantu baboloko ban'kaka kua mfumu a makesa ma kambi dia N'tinu Ogisiti , wabokeleluanga Zukiusi. ² Tuamanta muna masuwa ma Adalamite, nga mafeti viokela ku ndamvu za Azia, ye tua yenda, kintuadi ye mfumu Alistaleke muisi Makedonia ma Tesalonika. ³ Lumbu kialanda, tuakota muna Sidoni; ye Zuliusi, wakala sadisa Polo mukiese, wan'vana n'sua mu kuenda kua bakundi bani ye tambula lusadisu luawu. ⁴ Takatuka vana, tualutila ku ndambu ya sanga kia Sipele, kadi mupepe wakala va ntuala eto. ⁵ Kiokio tualuta m'bu wazungidila Silisi ye Pamfili, tualuaka kuna Mia kuna Lisi. ⁶ Ye kuna, Mfumu a Makesa, kiokio kamona masuwa ma Alekizandele mayendanga ku Itali, tuakota muna. ⁷ Mu lumbu biayingi tuayendanga malembe malembe, ye ka mu kondua mpasi ko tua luakila kuna ndambu za Sinide, kuna mupepe kawatuvana luve ko mu tatamana. Tualutila va ndambu ya sanga kia Kelete, ku ndambu ya Salomone. ⁸ Tualutila kio mu mpasi, ye tualuaka va fulu babokelanga sawu dia mbote, diakala va ndambu a mbanza ya Lasea. ⁹ Ntangu yanda yavioka, ye nzetelo mu masuwa yakota mu vonza, kadi nkutu e nsungi ya ndilu a mvutu yakilutila kala. ¹⁰ Dina polo wa susumuna ban'kaka, wavova: " O Bantu, mbuene vo nzietelo kayivangama kondua kua vonza ko ye kondua n'fuasu a bima ko, ka mu biawonso ye masuwa kaka ko kansi mpe diaka mu bantu. ¹¹ Mfumu a makesa wawila mpova za nati a masuwa ye za mfumu a masuwa, kansi ke mpova za Polo ko. ¹² Kansi kina vo sawu kadia kala diambote ko mu lutisa nsungi ya kiozi, bantu bayingi batambudila mukatuka vana ye teza luaka kuna Fenikisi, sawu dia Keleti diatala kuna yanda ye lumonso(Sud-ouest) ye kuna ntandu ye lumonso ( nord-Ouest), mulutisa nsungi ya kiozi. ¹³ Fimupepe fiatuka watuka kuna yanda (sud), ye , babanza vo bena mfumu za mabanza mawu, batombola nsinga (leverent l'ancre) ye balutila ndamu ndambu ye sanga kia Keleti. ¹⁴ Kansi ntangu yafioti yaluta mupepe wangolo bebokelelanga Elakilo, wakombola e sanga. ¹⁵ Masuwa manatuka, kondua kua nuanisa mupepe, ye tuakiyambula tuanatua kua n'kaka. ¹⁶ Tualutila kuzulu dia fisanga bebokelelanga Koloda, ye tuakala mu mpasi mu tanina fulu kia natina bima; ¹⁷ Ku nima ya tombola mo, tuabaka lusadisu lua bima bia mu mbela mu kizungidila kia masuwa, ye , muwonga wabuila kuna Siliti(Sur la Syrte), tuakulumuna min'lele (Voiles). Yi wowo tua kiyambudila tuanatua kua mupepe. ¹⁸ Kinavo tuanuanisua mu ngolo kibeni kua mupepe wangolo, lumbu kialanda tualosa bima biawonso muna m'bu. ¹⁹ Mulumbu kia n'tatu tualosa mumoko ma beto mosi bima bia masuwa. ²⁰ Ntangu ye ntetembua kazavayika ko lumbu biayingi, ye mupepe walutila diaka e ngolo nete tua dimbula vuvu kia vuka. ²¹ Katuadia ko tuka ntama. Kansi Polo, watelama vakati kuawu, wabatela: " O bantu ngala lunguila ye lembi kuenda kuna Keleti, mu lembi bua mu vonza ye mu sumbula kiki. ²² Wuwu yilulombele mu baka kikesa; kadi kamosi ko mu beno si kafua, ye masuwa kaka si mabeba. ²³ Mbasi ya Nzambi yoyo yimvuidi ye n'sadilanga yimbonekene mu fuku didi, ²⁴ ye yintelele: " Polo,kumoni wonga ko; fuete samba vantuala Sezale, ye tala Nzambi wukuvene bawonso beta zieta yaku. ²⁵ Yidina, O bantu, lukala ye vuvu, kadi ngina ye vuvu mu Nzambi yoyo vo si diakadila bonso kantelele wo. ²⁶ Kansi tufeti lembana mu sanga kimosi. ²⁷ Mu fuku dia lumbu kia kumi ye ya, kiokio tuakala nuanusua kuna Andiliyatike, n'sadi mia mwasuwa, mukati kati kua fuku, bamona vo tutonene finama ye n'toto wumosi. ²⁸ kiokio batuba n'singa mu tala e ndimuka, babaka makumole ma balase; kuna n'tuala fioti, baloza diaka, babaka kumi ye tanu dia balase. ²⁹ Muwonga watutana ye matadi, baloza nsinga n'gia mia telamena ye bavingidila lumbu, mu kondua kua luvibidilu. ³⁰ Kansi, kinavo sadi bia masuwa basosa nzila mu tina masuwa ye tula basa muna maza ye vunina vo mudiambu dia tula e n'singa mia telamena, ³¹ Polo wavova kua Mfumu a makesa ye kua makesa: " vo bantu bobo keba vuenda mu masuwa ko, kalulendi sala vuluka ko. ³² Ye makesa mazenga n'singa mia basa ye bayambula kio kiasotoka. ³³ Tekela lumbu kia yansika, Polo walomba kua bantu bawonso mu dia madia, wavova: " wunu yi lumbu kia kumi ye ya luta vingidila ye kaluzolele dia ko. ³⁴ Mudiodio yikululombele mu dia, kadi dina dia m'funu mu luvuluzu lueno, ye kevavila ata nkutu lusuki lua n'tu a muntu ko mu beno. ³⁵ Kiokio kamana vova momo, wabonga dimpa, ye , kiokio kamana vutula matondo kua Nzambi va meso ma bantu bawonso, wabukuna dio, ye wayansika dia. ³⁶ Ye bawonso bavutukila kikesa, badia mpe. ³⁷ tuakala muna masuwa mafunda mole ye makumasambanu ma bantu. ³⁸ kiokio batoma dia, baloza ble mu maza mu kulula zitu dia masuwa. ³⁹ Kiokio lumbu kiayiza, kabazaya n'toto wuna ko, kansi kiokio bamona zinga kia maza kia nene ye simu dia sielo, bamona vo dia mbote mu nata masuwa kuna, vo balenda. ⁴⁰ Bakutula bisengua mu yambula bio mienda muna m'bu, ye mu ntangu yina kaka bayambula kangilu ya senga kia diatisila masuwa; ye batula n'lele kuna mupepe ye yantika kuenda kuna simu. ⁴¹ Kansi bakutana ye m'bumba a n'toto, ye balembana nata masuwa; kansi kinavo e n'tu wakikotela, kawanikuka diaka ko, kiokio suka kiakala toloka mudiambu dia ngolo za mupepe, ⁴² makesa bawizana vo bavonda bantu baboloko, mpasivo ka mosi ko mubawu katina mu mansaya. ⁴³ Kansi mfumu a makesa, ndondo wazola vuluza Polo, wabakakidila mu vanga ngindu zawu. Wavana n'sua kua bobo bazaya ta mansaya mu kiloza bantete muna maza ye kuenda kuna simu. ⁴⁴ Kua ban'kaka bamanta vana zulu dia dibaya yevo muna ndambu za masuwa. Yiwowo bawonso baluakila kuna simu kondua kua mona diambu.