¹ Agripa wovova kua Polo: " wuna ye luve mu kivovela. Ye Polo, walambula koko, wakivovela bonso ewu: ² " Ngita kimona nkua kiese, N'tinu Agilipa, mu baka wunu kiki mpova mu kivovela va n'tuala aku mu mambu mawonso bayuda beta kumfudila . ³ Kadi ngeye tomene zaya kisi nsi kiawu ye nduanisa zawu za mabanza. Dodokolo bika wangua mu luvibudulu. ⁴ Luzingu luame, tuka lumbu bia ntete bia kitoko kiame, lu yazayakane kua bayuda bawonso, kadi yalutila ku Yelusalemi, mu kati kua nsi ame. ⁵ bazeye tuka ntama, vo bazolele wo vova, vo yazingila n'falisi, landila fidibundu fiofio filutidi ngolo mu zunga kieto ⁶ Ye wuwu, mfudulu ku mbazi a n'kanu kadi ngina ye vuvu mu mvangameno ya nsilulu yoyo Nzambi kavana kua Mase meto, ⁷ ye kua yoyo yivinguluanga kua makanda meto kumi ye zole, matatamananga sadila Nzambi mpimpa ye muini. Yi muvuvu kiokio, o! N'tinu, yafundilu kua bayuda! ⁸ Kana wuna kina vo wilu kadilendakana ko mu beno vo Nzambi lenda fulukisa bafue? ⁹ Mu mono, yabanza sala mu kingolo kiawonso mukakidila nkumbu ya Yesu musi Nazaleti. ¹⁰ Yi momo yasadidingi kuna Yelusalemi. Yatuba mu boloko baveledi bayingi, bu yabaka luve lolo kua ngudi za Nganga. Ye kiokio bakele vonduanga , mono mpe yatudidingi moko mu nzengo za n'kanu mia ban'kaka. ¹¹ Mono ya bavangisingi mpasi muna zinzo zawonso za tukutakanu, ye kubasiamisa mu tiaka Nzambi. Mu nganzi zame zalutila mu bantu bobo, yabakuamisa nate muna nsi za nzenza. ¹² Yi mu kuma kiokio yayendela kuna Damasi, mu n'sua ye lutumu lua ngudi za nganga. ¹³ Ku ndambu za kati kati kia lumbu, O! N'tinu, mu nzila yamona n'temo wangolo vakinzungidila kiame ye bakala yame, n'temo watuka ku zulu, wowo ngolo zalutila n'temo a ntangu. ¹⁴ Tuabua beto bawonso vana n'toto, ye yawa ndinga yampovesa mu ndinga ya bayuda: " Sole, Sole, mudiambu dia nki wuta ku nkuamisina? Si diakala dia mpasi kua ngeye mu kakidila nsonge ya sengua yikomeno kuna nsonge a n'ti ¹⁵ Yavutula: " ngeye yi nani, Mfumu?" ye Mfumu wavova: " Mono yi Yesu wuta nuanisa." ¹⁶ Kansi telama kuaku, ye siama va malu maku, kadi yi kumonekene mu kutula mfumu ye mbangi ya mambu muene ye mu momo se yakumonekena. ¹⁷ yasolele vakati kua kanda didi ye vakati kua bapakanu, ngita kufila kua bobo , ¹⁸ mpasi vo wabazibula meso, kidi baluta tuka ku tombe nate ku n'temo ye tuka ku lendo kia satana nate kia Nzambi, mpasi batambula, mu vuvu kua mono, n'lemvo a masumu ye fua kintuadi ye bayekolua. ¹⁹ Mudiodio, N'tinu Agripa, kia lenda nkutu lembi kivana mu mona meso kiokio ko; ²⁰ kua bobo besi Damasi ntete, bosi kuna Yelusalemi, kuna yuda diawonso, ye kua bapakanu, ya longele mvilukilu a mavanga ye lukuikilu mu Nzambi, kintuadi ye mavanga malenda songa mpilukilu a mavanga. ²¹ tala bila bayuda bankangidi muna nzo a Nzambi, ye bazolele ku mvonda. ²² kansi, mu n'lemvo a Nzambi, ngina ye luzingu nate mu wunu, ngita vana kimbangi va n'tuala bana bafioti ye bambuta, kondua kua vawuka mu momo mavova mim'bikudi ye Mose vo mafuete kuiza, ²³ ye zaya vo Yesu kafuete mona mpasi, yevo, wantete mu bafuluka mu bafua, si kalongala n'temo kua n'kangu ye kua zi nsi. ²⁴ Kiokio kakala vova momo mu kinuanina, Fesitusi wavova mu ndinga ya ngolo: " wulawu, Polo nzayilu aku yalutakana yita kuvidisa e mabanza." ²⁵ Polo wavutula: " kina nkutu lawu ko, nkati kua n'tinu Fesitusi; nanga nkutu yi mambu maludi ye manzila ya nsongi ngita vova." ²⁶ N'tinu tomene zaya mambu mama, ye ngita mo kun'tela mu kimpuanza; kadi ngina ye vuvu vo kakondolo mo zaya mawonso ko, kadi ka mukinsueki ko maviokela. ²⁷ Ngeye kuikidilanga mi mbikudi, N'tinu Agilipa?.....Nzeye vo ngeye kuikilanaga mio." ²⁸ Ye Agilipa wavova kua Polo: " fioti fisidi si wandata kukituka munkuikizi! ²⁹ Polo wavutula: kiakala fioti fisidi kiakala kuna sen'tuala, bika Nzambi kalemvoka mpasi vo kangeye kaka ko, kansi diaka ye bana beta kungua, wunu, bakuma bonso ngina, katula kaka nguizani zozo. ³⁰ N'tinu, Mfumu a Mbanza, Belenisi ye bawonso bakala bavuanda batelama, ³¹ ye kiokio bakala katuka vana fulu kiokio, bavovana bawu ye bawu: " muntu ndondo kavenge diambu difuene n'kanu a lufua ye vo boloko ko" Ye Agilipa wavova kua fesitusi: " muntu ³² ndondo lenda wambulua, vo kasosi Sezale ko.