¹ Wuwu kina vo Fesitusi lueka mu zunga, tombokele ku nima lumbu tatu tuka ku Sezale nata kuna Yelusalemi. ² Ngudi za nganga ye n'kuluntu mia bayuda bafunda Polo. Ban'dodokela, ye mu ngindu za mbi, ³ ban'lomba bonso lusadisu vo ban'nata kuna Yelusalemi. Bakala kun'leka n'tambu kidi bam'vonda mu nzila. ⁴ Fesitusi wavutula wavutula vo Polo wakala lundua kuna Cezale, ye vo yani mosi si kenda fioti fisidi (sous peu). ⁵ "Bika bakuluntu mu beno bakulumuka, yame": kavova, ye vo vena ye diambu dimosi diambi mu muntu ndondo, bika bam'funda. ⁶ Lumbu nana yevo kumi kaka Fisitusi kakala va kati kuawu, ye wakulumuka kuna Sezale. lumbu kialanda, kiokio kakala wavuanda vana kiandu kiani kiasambisila, watuma banata Polo. ⁷ kiokio kaluaka, bayuda batuka ku Yelusalemi ban'zungidila, ye bam'funda diaka mu mambu ma kan'kaka ye ma mpasi kikilu, momo kabalenda vanina kimbangi ko. ⁸ polo wavana mvutu zani, wavova:" kivangidi diambu difuete kangilua muntu ko, yevo ki ndiete n'siku mia bayuda ko, ka mutiaka nzo a Nzambi, ye vo Sezale ko. ⁹ Kinavo Fesitusi, wazola yangidika bayuda, wavutula kua Polo: " zolele tomboka kuna Yelusalemi, kidi wasambisilua kuna mu mambu momo va meso mame?" ¹⁰ Polo wavutula : " yi va n'tula mbazi a n'kanu a Sezale n'sambisilua, yi vana mfuete sambisilua. Kiavangidi, ata mbi yimosi kua bayida ko, bonso tomene wo zaya. ¹¹ Vo yasadidi mu kondua kua lunungu mu mambu man'kaka, yevo yavolele n'kanu mia n'kaka mia lufua, ki tina lufua ko; kansi vo mambu beta kumfudila mena ma luvunu, kavena muntu ko wuna ye luve mu kungiekola kua bawu, nzolele ngienda kua Sezale." ¹² Mudina Fesitusi, kunima wizanesa mabanza muna lukutakanu, wavutula: " zole kuenda kua Sezale, ngeye siwenda va n'tuala a Sezale." ¹³ Kunima lumbu bia fiuma, n'tinu Agilipa ye Belenisi baluaka kuna Sezale, mu vana mbote kua Fesitusi. ¹⁴ Kinavo balutisa vana lumbu biayingi, Fesitusi, wavova n'sambu wa Polo kua n'tinu, ye wavova: " Felikisi wasisa muntu mosi muboloko, ¹⁵ ndondo kiokio yakala kuna Yelusalemi, ngudi zanganga et bakuluntu ba bayuda bafunda ye balombala kazangua n'kanu. ¹⁶ Yabavutula vo ka diayukua ko mu kisinsi kia bayuda mu yekola muntu wuna mu n'kanu kondua kua kala va n'tuala m'fundi miani, ye ka kondua baka luve lua kivovela muna mambu beta kun'fudila. ¹⁷ Mudiodio bayiza kuku, ye, kondua kua lutisantangua, ya vuanda kuna mbazi ame a n'kanu, yavana n'sua bandatina muntu ndondo. ¹⁸ Min'fundi, kiokio mia kimonekesa, kaban'fundila mu mambu momo yakela banzila ko. ¹⁹ Yani wakala ye mpova za Bundu dia bawu mosi, ye mia Yesu ndondo fua, ye ndondo Polo keta tambudila vo wuna moyo. ²⁰ kina kizeye kia ndambu ndenda kala ko mu n'samu wowo, ya kele yuvula keti lenda zola kuenda kuna Yelusalemi, kasambisilua kuna mu mambu momo. ²¹ Kansi Polo walombele vo bika n'samu ani wanatua kua N'tinu, ya vene luve ban'lunda nate nsinga kun'fila kua Sezale." ²² Agilipa wavova kua Fesitusi: " nzolele mpe yawa muntu ndondo. " Fesitusi wavutula: " Mbazi si wan'gua." ²³ Mudina lumbu kialanda, Agilipa ye Belenisi bayiza mutunda dia ngolo, ye bakota muna fulu kia sambisila ye min'sambisi ye mfumu za nganga za mbanza, mu lutumu lua Fesitusi, Polo wanatua. ²⁴ Kansi Fesitusi wavova: " N'tinu Agilipa, ye beno bawonso luna vava kintuadi ye beto, lumuene muntu ndondo ndonga yawonso ya bayuda yavova kua mono, kuna Yelusalemi, yevo kuku, ye bakala kaya vo kafuene diaka luzingu ko. ²⁵ Mu mono kuamu, kina mbuene vo kavangidi diambi diodio difuene lufua ko, ye kina vo yani mosi walombele kenda kua N'tinu, yazengele dio vo bika ya n'fila. ²⁶ Kina ye diambu dia ngudi mfeti soneka kua N'tinu mu kuma kiani ko; dina yin'songele va n'tuala eno, ye musungula van'tuala aku, N'tinu Agilipa, mpasi wazaya meyi tulenda soneka, kunima kun'fiongonona. ²⁷ Kadi dina dia mpasi kua mono mu fila muntu a boloko kondua kua songa dina beta kun'fudila.