¹ Polo wa tadidila vava vawu mfumu za mbazi a n'kanu ye wavova:" Zimpangi, yazingidi va n'tuala Nzambi mu kansasa kia mbote nata ye lumbu kiki. ² " Nganga a mbuta watuma kua wowo akala vana ndambu ani an'zuba muna nua. ³ Dina Polo wan'tela:" Nzambi si kazuba, yaka kia pembesua.Vuende mu kumfudisa landila n'siku kiongolo wuta diata n'siku kiokio tumini vo anzuba?" ⁴ Wowo akala vana mbela ani avova:" Yiwowo wuta finkila nganga mbuta a Nzambi?" ⁵ Polo wavova:" Kikele Zaya ko vo yani yi nganga mbuta. Kadi diasonama vo:" Kulendi vovela mambi ma mfumu a n'kangu aku ko." " ⁶ Kiokio Polo kabakusa vo Mbazi a n'kanu yakala ye ndambu ya Asaduki ye yan'kaka ya Afalisi, wa vova mu ndinga ya ngolo kua mbazi a n'kanu:" Zimpangi, mono yina m'falisi, muana a m'falisi. Yi mudiambu dia ngita vingila mu vuvu kiawonso mfulukulu ya bafua ngita fundusulua." ⁷ Kiokio ka vova momo, mpaka zabua vakati kua Afalisi ye Asaduki ye mbazi a n'kanu ya muangana. ⁸ Kadi Asaduki avovanga vo kakuna mfulukulu ko, kani mbasi, kani mpeve, ye Afalisi avovanga vo bia wonso biobio bina. ⁹ Yi dina mavunguta mangolo makota ye fi ndambu fia Min'soniki akala ku sambu dia Afalisi atelama ye atula mpaka za ngolo ye avava:" Yeto ka tumuene dia mbi mu muntu wowo ko. Nani zeye keti Mpeve yevo Mbasi ya m'vovela." ¹⁰ Kiokio mpaka za ngongo zabua, n'tuadisi a mbuta wamona wonga vo Polo lenda tiazunua mu yintini ntini kua yawu, mudina watuma makesa mu kulumuka ye kum'baka mu kingolo vana kati kua mbazi a n'kanu ye kunnata kuna boloko dia nsi a n'toto. ¹¹ Fuku dialanda Mfumu watelama va ndambu ani ye wavova:" Kumoni wanga ko, kadi mpila yoyo watelele kimbangi mu mono kuna Yelusalemi, feti ta mpe kimbangi kuna Loma. ¹² Kiokio kuma kua kia, Ayudayo an'kaka avanga fongo ye dia ndofi. Avova kabalendi dia yevo nua ti ko, nate kina avonda Polo. ¹³ Wowo akubika fongo kiokio akala tezo kia makumaya ma antu. ¹⁴ Ayenda mona mfumu za nganga ye akuluntu ye avova :" Tuakikotese mu nsigulu ya ngolo, ya lembi dia nate vo tumene vonda Polo. ¹⁵ Wuwu kiki, bika mbazi a n'kanu yavova kua n'kuluntu a mfumu zani kan'kulumuna kua ngeye bonso vo ngeye si watoma landila n'samu ani. ye yeto tuna tuakubama mu kum'vonda tekila ka finama kuku. ¹⁶ Kansi muana a nsanga ya Polo wawa akubama mu kun'kadikila, dina wayenda, wakota muna nzo a nsi a n'toto ye wakanikina Polo. ¹⁷ Polo wabokela mosi mu mfumu za makesa ye wavova:" Nata toko didi kua n'kuluntu a mfumu za mbazi a n'kanu, kadi wuna ye diambu dia kun'tela." ¹⁸ Dina mfumu a makesa wa baka toko diodio ye wannata kua n'kuluntu a mfumu za mbazi a n'kanu ye wata:" Polo wuna muna boloko wa mbokelese ye wundobele mu nata toko didi kua ngeye. Wuna ye fidiambu dia kutela." ¹⁹ Nkuluntu a mfumu a mbazi a n'kanu wa m'baka muna koko, wannata va fulu kia kinsueki ye wan'giuvula:" Nkia diambu zolele kuntela?" ²⁰ Toko dia vutula:" Ayudayo akubamene mu kulomba wanata Polo va n'tuala mbazi a n'kanu bonso yawu azolele toma kun'guvula mu diambu diani. ²¹ Kansi kum'vani ko, kadi vena ye tezo kia makumaya ma antu an'gikidi n'tambu. Akilombele nsingulu mu lembi dia yevo nua nate ye kina avonda Polo. Wuwu, akubamene ye mvutu zaku kaka etavingila ." ²² Bosi n'kuluntu a mfumu za mbazi a n'kanu wayambula toko kenda, kunima kun'kanikina:" Kuvovi kua muntu momo wuntelele ko." ²³ Kunima, wabokela awole mumfumu za makesa ye wa vova:" Lubaka nkama zole za makesa akubama mu kuenda kuna Sezale, ye makumasambanu ma nati mia makavalu, ye nkama zole za ankua madionga. Si luenda mu wola ya n'tatu ya mpimpa." ²⁴ Watuma mpe abaka ye bulu yole vazulu a yawu Polo si kamanta ye am'vana kua mfumu a zunga Felikisi, kondua kua kubu dimosi mu yani. ²⁵ Wasoneka n'danda ewu: ²⁶ " Klodia Lisiasi kua mfumu a nene n'giadi Felikisi, Mbote! ²⁷ Muntu wowo wakangamene kua Ayudayo ye nga am'vondele dina yan'nuanini ye makesa mu kum'vuluza, kadi yawilu vo wuna musi Loma. ²⁸ Ya zolele zaya bila am'fudidi kuna mbazi a n'kanu awu. ²⁹ Yawilu vo am'fudidi mu kuma kia mambu matadidi n'siku miawu, kansi kavakala m'fundu wumosi mu yandi wulenda kunnata ku lufua yevo ku boloko ko. ³⁰ Bosi kiokio ya wilu vo an'sadidi fongo, yakufidisidi yani mun4sualu wa wonso, ye yalombele kua m'fundi miani anata n'kanu miawu kua ngeye. Toma sala." ³¹ Makesa matumamena ntumunu: Babaka Polo ye bannata muna mpimpa kuna Antipatilisi. ³² Lumbu kia landa, wayenda nzila mosi ye makesa ye makavalu wawu, bavutuka kuna nzo a Kimfumu. ³³ Kikkio baluaka kuna Cezalia, makesa bavana n'kanda kua Mfumu a zunga, ye bansonga Polo. ³⁴ Kunima tanga n'kanda, Mfumu a zunga wayuvula keti Polo muisi kueyi. Kiokio kawa vo muisi Cicilia, wavova: ³⁵ " se yakuwa kiokio m'fundi miaku mikuiza." Ye wavana luve ban'lunda muna lupangu lua n'tinu Elode.