¹ " Luzimpangi ye mase, luwa mama ngina wawu mukulutela mukuma kia kukinuanina!" ² kiokio bawa vo wuta kubavovesa muna ndinga ya ba Ebelewo, Basakisa nkutu diaka kukiyala. Ye Petelo wavova: ³ " mono ngina Muyudayo, ya wutukila kuna Talasi kuna Sisile; kansi yasansukila wuamu Mbanza yiyi, ya kota kalasi mu malu ma Gamalieli muna nzayilu ya fuana ya n'siku mia mase meto, yina ya zalua kua vema mu Nzambi, bonso luna beno bawonso wunu. ⁴ Yanuanisa ye vonda (Dibundu) nzayilu yiyi, yakanga ye babakala ye bakento ye yabatubanga muna boloko. ⁵ Ngudi za nganga ye kabu dia wonso dia n'kuluntu bena mbangi zame. Ya baka mpe nkutu kua yawu n'kanda miatuka kua mpangi za kuna Damasi, koko yayenda mu nata bana bakala bakangama nate ku Yelusalemi mu kuba vanisa tumbu. ⁶ Kiokio yakala mu nzila, ye yafinama ye Damasi, na biu kuna ndambu za (Midi), n'temo wa ngolo watuka kuna zulu wambuila ye mukinzungidila kiame. ⁷ Yabua vana n'toto, ye yawa ndinga yakala kumpovesa: " Sole, Sole, mu nkiama wuta ku nkuanise?" ⁸ Yavutula: " Wu nani Mfumue?" Ye wa mpovesa: " Mono yi Yesu musi Nazaleti, wuta muesa mpasi." ⁹ Bobo bakala yame batoma mona kuani e n'temo, kansi kabawa ndinga ko ya ndondo wakala ku mpovesa. Ye yavova: " Mfumu we mfuete sa ?" ¹⁰ Ye Mfumu wampovesa: " Telama, Wenda kuna Damasi, ye kuna sibakutela mana fueta vanga." ¹¹ Kina vo kiakala mona kima ko, mudiambu dia ngolo za n'temo wuna, bana bakala yame bambaka mu koko, yaluaka kuna damasi. ¹² Kiongolo, muntu mosi wakala ye nkumbu ya Ananiasi, wakala walunungu van'tuala n'siku, ye ndondo bayudayo bawonso bazingilanga kuna Damasi bavaninanga kimbangi, wayiza kisonga, ¹³ wampovesa: " Sole, mpangi ame, bika wamona kuaku. Vana vawu, yamona diaka ye yantadidila. ¹⁴ Wavova: " Nzambi ya mase meto wasolele mpasi wazaya luzolo luani, wamona nkua lunungu ye wawa mambu matukidi mu nua ani; ¹⁵ kadi ngeye si wan'sadila bonso mbangi, kuabantu bawonso, mu momo muene ye wilu. ¹⁶ Ye wuwu, nki wuta vingila? Telama, wenda vubua ye sukulua mu masumu maku, ye sambila munkumbu a Mfumu. ¹⁷ Kiokio ya vutuka kuna Yelusalemi, kiokio yakala sambila muna nzo a Nzambi, yabua kimona meso, ¹⁸ ye yamona Mfumu wakala kumvovesa: " sa n'sualu, ye vayika muvana vawu mu Yelusalemi, kadi kabatambula kimbangi kiaku mu mono ko. ¹⁹ Ye yavova: " mfumu, bazeye bawu mosi vo yakele tula mu boloko ye budisa sikoti muna nzizo zatukutakanu bona kakuikilanga mu ngeye, ye vo, ²⁰ kiokio batengola menga ma Tieni, sadi kiaku, mono kibeni yakala vana, ya tula mpe vakimosi ingeta kiame ye kia ban'kaka, ye yakele lundanga binkutu bia bawonso yakele vondanga." ²¹ kansi, wavova kua mono: ' si yakufila kua nda muna zinsi..." ²² Bakala kungua nate mu m'vovo wowo. kansi batombola ndinga, bavova: " Katula va n'toto muntu wampila yoyo! Kena m'funu mu zinga ko. ²³ Bakala kaya mu ngolo, batubanga n'lele miawu ye n'toto mu zulu. ²⁴ N'sambisi watuma mu kotesa Polo muna nzo a ngolo (Forteresse), ye mu kum'budisa sikoti, mpasi kazaya bila nki kakele kuayila mu kun'sakanena mpila yina. ²⁵ Kiokio kamana kun'bufisa sikoti, Polo wavova kua mfumu a makesa wakala vana: " Keti ngeye wuna ye luve mu budisa sikoti kua wusi nsi ya Loma, ndondo nkutu lembolo zengua n'kanue?" ²⁶ mu m'vovo miomio, mfumu a makesa wayenda kua n'sambisi mu kun'tela: " we siwasa? kadi muntu ndondo musi loma." ²⁷ Ye n'sambisi, kiokio kayiza, wavova kua Polo: " wuntela, ngeye wu musi Loma?" Ingeta kam'vutula. ²⁸ N'sambisi wabaka diaka mpova : " yi mu ntalu ya ngolo yakitukila muisi Loma." Ye Polo wavova, mono ngina musi Loma mu ngutuka. ²⁹ Vana vawu bana bavika kun'yuvula ngiuvu, bavutuka manima, bakala muwonga kadi ban'kanga mu min'singa. ³⁰ Mu lumbu kia landa, wazola zaya diambu diodio bayudayo bakala kun'fudila, n'fundisi watuma mu kun'kutula, ye walomba kua ngudi za nganga ye Basanduki ( sanhedrin) mu kutakana, bosi, watuma bakulumuna Polo, wan'tula vakati kuawu.