¹ Kiokio tuan'sisa ye kayenda, tua baka vana vawu nzila ya Mbanza ya Kosi. Bosi, lumbu kialanda, kuna mbanza ya Lodezi ye tuka kuna, kuna Mbaza ya Patala. ² Kiokio tua mona n'lungu wanene wayendanga kuna Fenisi, tuakota ye tuayenda. ³ Kiokio tualuaka kuna ndambu za Mbanza a Sipele, tuasisa yo ku koko kua lumonso ye tuayenda kuana ndambu za Silia, ye tuakota kuna Tile, koko n'lungu wufuete kulumunina bima. ⁴ Tuakutana ye min'longoki, ye tuakala vana lumbu nsambuadi. Mu lutuadusu lua Mpeve, bavova kua polo vo kendi ku Yelusalemi ko. ⁵ Kansi, kiokio tua luaka ku nsuka ya lumbu nsambuadi, tuayiza mukuenda, ye beto bawonso tua yenda kintuadi ye bakento ye bana bawu nate kuna mbazi ya Mbanza. Tuafukama vana simu, ye tua sambila. ⁶ Bosi, kiokio tua vambana beto ye bawu, tuamanta muna n'lungu a nene, ye bavutuka kuna nzo zawu. ⁷ Kiokio tua manisa nzietelo eto mu maza, tuayenda tuka kuna Tile kuna Pitolemayisi, kuna tua sisa bampangi ye tuavuanda ye bawu lumbu kimosi. ⁸ Tua yenda lumbu kia landa, ye tualuaka kuna Sezale. Kiokio tua kota muna nzo a Filipo, wakala n'samuni a n'sangu zambote, wakala mosi mu nsabuadi, tualeka kuna nzo ani. ⁹ Wakala ye bana ba kento balembua zaya mayakala ye bikulanga. ¹⁰ Kinavo tuakala vana lumbu bia yingi, M'bikudi wumosi, babokelelanga Agabusi, wakulumuka kuna Yuda. ¹¹ ye wayiza kutumona. Wabaka mponda ya Polo, wakikanga moko ye malu, ye wavova: " Luwa matele Mpeve a N'longo: muntu ndondo vuidi mpoda yiyi, bayudayo si ban'kanga mpila yiyi kuna Yelusalemi, ye si ban'yekola muna moko ma bapakanu. ¹² Kiokio tuawa momo, beto ye bana bakala yeto va fulu kiokio, tuabondela Polo mu lembi tomboka kuna Yelusalemi. ¹³ Yani wavutula: " Nki luta sala, mudilu ye mu kumfuasa e n'tima? Ngina yakubama , ka mukangama kaka ko, kansi nate mu fua kuna Yelusalemi mu kuma kia nkumbu a Mfumu. ¹⁴ Kinavo kakiyambula mu bakisa ko, katua tatamena ko, ye tuavova: " Bika luzolo lua Nzambi luavangama!" ¹⁵ Kunima ya lumbu bina, tuasala nkubameno zeto ye tuatomboka kuna Yelusalemi. ¹⁶ Balongoki ban'kaka besi Sezale bayenda yeto, ye tuayenda kuna nzo ya muntu mosi babokelelanga Munasoni, musi Zanga kia Sipele, N'kuluntu a Balongoki, kuna nga tufuete leka. ¹⁷ Kiokio tua luaka kuna Yelusalemi, bampangi batutambula mu kiese. ¹⁸ Lumbu kialanda, Polo wayenda yeto kua Yakobi, ye bakuluntu bawonso bakutakana kuna. ¹⁹ kunima kuba vana mbote, wasamuna mawonso Nzambi kavanga va kati kua bapakanu musalu kiani. ²⁰ Ikuma bawonso, basanisina Nzambi. Bosi bavova: " muene , mpangi, ntalukua ya n'kangu wa bayudayo bakuikidi, ye bawonso bena ye vema mu kuma kia n'siku. ²¹ Kiongolo, bawa vo ngeye wuta longa bayudayo bawonso bena vakati kua bapakanu vo bayambula landa Mose, bayambula guka kiyakala kia bana ye babika landa kisi nsi. ²² Wuwu we tufuete sala? ludi n'kangu wayingi se wakutakana, kadi si bazaya vo wizidi. ²³ Yikuma sala mana tukutela. Vakati kueto tuna ye bantu baya bakizengela mpaninu ya m'vevo. ²⁴ Wubabaka, wukivelelesa ye bawu, wubavana mbongo mpasi bazengesa nsuki zawu. Mu mpila yoyo bawonso se babakusa vo mawonso bawilu mukuma kiaku mena maluvunu, kansi bika mpe ngeye mosi wakidiatisila bonso n'landi a n'siku. ²⁵ Kua bapakanu bakuikila, tuazengele dio ye tuabasonekene mu lembi dia min'suni mia bulu yiveno n'kayilu kua zinzambi nzambi, menga ma bulu bifietekeso, ye babika kindumba. ²⁶ Ikuma Petelo wabaka bantu bobo, wakivelesa ye bawu, ye lumbu kialanda wakota yebawu muna nzo a Nzambi, mu longela vo mu lumbu bia fiuma kaka mpedoso siya lungana ye n'kayilu si wavewa mu kuma kia konso muntu mu bawu. ²⁷ Ku nsuka ya lumbu nsabuadi, kiokio bamona Polo muna nzo a Nzambi, bavungutisa n'kangu wawonso, ye ban'tula moko, ²⁸ ye bakaya: Besi Iseli, luiza kutusadisa. Lutala muntu wutalongela muawonso ye kua bowonso mu fuasa n'kangu, mufuasa n'siku, mufuasa fulu kiki; yani wakotese nkutu bangeleki muna nzo a Nzambi, ye dimbula fulu kiokio kia sambulua. ²⁹ Kadi bateka mona Tolofime musi Efeso ye yani muna Mbanza, ye babanza vo Polo wan'kotesa muna nzo a Nzambi. ³⁰ Mbanza yawonso yakitumuka, ye n'kangu wazawula tuka ndambu ye ndmbu, babuila polo, ye bannata kuna mbazi ya nzo a Nzambi, ye mielo mia kangua. ³¹ kina vo bakala sosa kum'vonda, nsangu zaluaka kua n'sambisi wa makesa vo Yelusalemi diawonso diakota mu zengele zengele. ³² Vana vawu wabaka makesa ye mfumu zamakesa, ye bazawula kua bawu. Kiokio bamona N'sambisi ye Makesa, bayambula bufa Polo. ³³ Ye n'sambisi wafinama, wam'baka, ye wamana kun'kangisa mu n'singa miole mia sengo. Ye wan'yuvula keti nani kena ye nki kavangidi. ³⁴ Kansi vana mbidi a n'kangu, ban'kaka va kaya ebu, ban'kaka bakaya man'kaka; kina vo kalenda wa kua ban'kaka ko mu diambu dia mavuanga, wavana n'sua bannata muna nzo ya ngolo ( forteresse). ³⁵ Kiokio Polo kaluaka vana sikaliye wanatua kua mamakesa, mu diambu dia mbi ya n'kangu. ³⁶ kadi mbidi a n'kangu yakala landa kaka, ye yakala vova: " Lum'vonda!" ³⁷ Kiokio bakala kun'kotesa muna nzo ya Ngolo (forteresse), Polo wavova kua n'sambisi: " ngina ye n'sua mu vova fidiambue? N'sambisi wavutula: " zeye bangeleki?" ³⁸ Keti kuna musi Ngipiti ndondo watieke n'siku mu lumbu biviokele kue, ye wanete mafunda maya mia n'vangi mia mambi kuna nsi a nkuaku kue? ³⁹ Polo wavutula: " Mono ngina muyudayo wa musi Talasi kuna Cicilia, muisi mbanza yoyo kayi kondolo m'funu ko. Wundemvokela ya vova kua n'kangu. ⁴⁰ Kina vo n'sambisi wam'vana n'sua, Polo watelama vana zulu a sikalier, wavanga sinsu kia koko kua n'kangu. N'kangu wavuanda na pi! Ye Polo wavova muna ndinga ya besi Ebelewo, wavova: