¹ Kiokio niungu niungu ya manisa, Polo watumisa min'longoki ye wabasiamisa. Ye wabavana mbote ya nsuka ye wayenda kuna Makedonia. ² kiokio kayenda mu zunga biobio ye ka kasiamisa minkuikizi miayingi, wayenda kuna Ngeleki. ³ Kunima ngonda tatu za luzingu kuna, bayudayu ban'kotela dia manenga kiokio kazola kuenda kuna Silia, mudina wazenga dio muvutukila kuna Makedonia. ⁴ Mpasi kenda yani nate kuna Asia, kuakala Sopatele muana a Pilisi dia Bele, nkua masungula mangolo ye wan'zole mu mikuikizi mia Tesalonika, Gayusi dia Delebe, Timoteo, Tisike ye Tolofime besi Asia. ⁵ Kansi bantu bobo bayenda tekela, beto ye beto tuavingila kuna Towasi. ⁶ Tuayenda tuka kuna Filipo kunima lumbu kia dimpa dia kondua funusua ye kunima lumbu tanu bia vioka tuabavutula kuna Toasi. Tuakala kuna lumbu nsabuadi. ⁷ Lumbu kia ntete muna lumingu, kiokio tuakutakana muzenga dimpa, Polo wavova kua minkuikizi. Wakala ye mabanza ma kuenda lumbu kia landa kansi walambula mpova zani nata mu midi mia mpimpa. ⁸ Muna suku dia ntandu tuakala tuakutakana muakala ye minda miayingi. ⁹ Vana nela mpe vakala muana yakala mosi babokelelanga Etisiki, wakala mutulu tuangolo. Kina vo polo walongela ntangu ya nda, muana yakala ndondo, kunsia tulu, wabua tuka kuna tini kia n'tatu kia nzo a nda ye wa fua. ¹⁰ Kansi polo wakulumuka ye wakilambula vana ntandua ani ye wambaka muna moko mani. wavova: " kalukadi diaka na zengele zengele ko, wuna moyo. ¹¹ kiokio katomboka, wabukuna dimpa ye wadia. kiokio kamana longela ntangu yanda nate mungitukulu ya n'suka, wayenda. ¹² Banata toko diodio wamoyo ye batoma fiawuka beni. ¹³ Beto, tuatuamina Polo muna n'lungu wanene ye tuayenda kuna Asosi, kuna tuakana mokenena ye Polo. Yi diodio yani mosi kazola sala kadi wakubika mukuenda mu nzila ya malu. ¹⁴ Kiokio tualuaka kuna Asosi, tuannata muna n'lungu wanene ye tua yenda kuna Mitileni. ¹⁵ Bosi, tuka vana, tuayenda munzila ya maza, ye tualuaka lumbu kia landa va n'tuala zanga kia Siyosi. Lumbu kia landa tua luaka kuna zanga kia Samosi ye kunima lumbu kia n'kaka tuayenda kuna Mbanza ya Mileti. ¹⁶ kina vo polo wazola lutila kuna Efeso, kadi kazola lutisa ntangu ku Azia ko; Kadi wakala ye nsatu za luaka n'sualu kuna Yelusalemi mu lumbu kia Pantekoti, vo dilendakana. ¹⁷ Tuka kuna Mileti, wafila bantu kuna Efeso ye wabokelesa mbuta za Dibundu. ¹⁸ Kiokio baluaka vana ndambu ani, wabatela: " Beno mosi luzeye vo tuka lumbu kia ntete yatula malu mame ku Azia, weyi n'lutisilanga ntangu ame ye beno. ¹⁹ Yatatamene sadila Mfumu mu kikulula kua n'tima, ye mansanga ye zimpasi mu diambu dia manenga ma bayudayo. ²⁰ Luzeye vo kisidi kulusueka ata dimosi ko mu momo makele yeno m'funu, ye weyi yalongele va ntenda nkongolo, ye mu kuendanga nzo muna nzo. ²¹ luzeye weyi yakele kanikinanga bayudayo ye bangeleki mu mambu matadidi mviludilu a bifu kua Nzambi ye minu mu Mfumu eto Yesu Klisto ²² Ye wuwu, lutala, ngiele, yakangama kua Mpeve a Nlongo kuna Yelusalemi, kondua kua zaya mana mekungizila, ²³ Kansi nkutu, Mpeve a N'longo wakele kunkanikina mu konso mbanza vo min'singa mia sengo ye zimpasi zita kumvingila. ²⁴ Kansi kimonanga nkutu ko vo luzingu luame luna lua ntalu beni, kidi yamanisina nsinu zame mu salu kia Nzambi bonso yatambudila kio kua Mfumu Yesu, mu samuna nsangu za mbote za n'lemvo a Nzambi. ²⁵ Ye wuwu, lutala, ye nzeye vo beno bawonso, vakati kua bobo yalongele Kimfumu kia nzambi, kalumona diaka zizi kiame ko. ²⁶ Dina, ngita kulusiamisa vo ngina yavelela mu konso menga ma konso muntu. ²⁷ Kadi kikulusuekele kana kima kimosi nkutu ko kiokio yakele kululongela luzolo lua Nzambi. ²⁸ Idina, lukikenga beno kibeni ye kambi diodio Mpeve a N'longo kakulutula bonso n'kengi. Lukala ngangu kiokio lukala vungula Dibundu dia Nzambi diodio kabakila mu menga mayani kibeni. ²⁹ Nzeye vo kunima ngiendelo ame, madievua manganzi si makota vakati kueno ye kema vukisa nkutu kambi ko. ³⁰ Nzeye vo vakatikueno, bantu si beza ye si balonga mambu masumuka mpasi banata min'longoki munzila zawu. ³¹ Lukala luakubama. Lubambuka moyo vo mu mvula zi tatu kia yambudi ko mu kululuengisa ye mansanga, fuku ye muini. ³² Wuwu, yikulu yekole va moko ma Nzambi ye kua mambu mani ma n'lemvo, mena ye ngolo za kululonga ye kuluvana fua vakati kua bawonso bobo bena babiekua. ³³ kia lokokele kana mbongo, kana wolo, kana min'lele mia muntu ko. ³⁴ Beno kibeni, luzeye vo moko mama masadidi nsatu zamono mosi ye za bantu bobo bakele yame. ³⁵ Mu konso diamu, yaluvene mbandu vo yi mu kisalu tulenda sadisila bayoya ye vo lufuete bambukilanga mambu ma Mfumu Yesu moyo, momo yani mosi kavova vo: " kuna ye lusakumunu lua luta mu vana kansi kamu tambula ko." ³⁶ Kiokio kamanisa vova momo, wafukama ye wasambila ye bawu bawonso. ³⁷ Bawonso badila ye bakituba muna nsingu a Polo ye ban'yamba. ³⁸ Kadi bamona kiadi kiayingi musungula kina Kavova vo kabamona diaka zizi kiani ko. Bosi bannata nate muna n'lungu a nene.