¹ Muntangu avioka mumbanza za Afipolisi ye Apoloni aluaka mu mbanza ya Tesalonika kuna kua kala nza ya lukutakanu lua Ayudayo. ² Polo mu fukiani, wayenda kua yawu lumbu tatu ya nsuka lumingu. Wateza nuanisa mabanza ye yawu mu masonukua. ³ Wazibula masonukua ye wakuabangudila vo diakala dia m'funu vo Klisto kamona mpasi ye ka futumuka va kati kua afua. Wavova:" Yesu yoyo yikulu telele yi Klisto. ⁴ Ndambu ya Ayudayo yakuikila ye akivuka kua Polo ye Sila, vakimosi ye minkuikizi mia Geleki, akento ayingi ye ndonga ya bidi. ⁵ Kansi ayudayo azala kua mpaka ye kimpala, abaka vakati kuawu ndambu a makala ya ntima miambi n'teki kuna zandu, a kutakesa n'kangu ye seta mavunguta mu mbanza. Anuanisa nzo a Yasoni, azola nata Polo ye Sila ku n'tuala n'kangu. ⁶ Kansi wukinavo ka anata Yasoni ye mpangi za n'kaka va n'tuala m'fundisi za mbanza, ye akaya: " Antu wowo avuadingisi e nza a akumini diaka kuku. ⁷ Antu wowo Yasoni katambudi etavueza n'siku a Kayisala; etavova vo vena ye Mfumu ya n'kaka, Yesu." ⁸ Kiokio n'kangu ye M'fundisi mia mbanza awa mambu momo, akituka zengele zengele. ⁹ Kunima futisa Yasoni ye an'kaka mbongo, awayambula benda. ¹⁰ Muna mpimpa yina, ampangi afila Polo ye Sila kuna Belea. Kiokio aluaka, akota mu nzo a lukutakanu lua Ayudayo. ¹¹ Yawu alutila esi Tesalonika mu luzitu; kadi atambula mambu ma Nzambi mu n'sualu a wonso ye fiongonona masonukua lumbu ka lumbu mu tala keti vo momo akuatelenge mena makieleka. ¹² Yi mukuma kiokio ndonga ya yingi muyawu yaleka minu, kintuadi ye akento an'kaka ambote kibeni esi Gelaki ye amakala ayingi . ¹³ Kansi kiokio Ayudayo kuna Tesalonika awa vo Polo wasamuningi diaka mambu ma Nzambi kuna Belea, ayenda kuna ye anunga n'kangu mu kuatelamena. ¹⁴ Yidina vanavawu, ampangi afila Polo kuna m'bu; kansi Sila ye Timoteo asala kuna. ¹⁵ Wowo ayenda ye Polo anata nate kuna Atene. Kiokio an'sisa kuna, abaka kua yani nsikudukusu mu diambu dia Sila ye Timote mu kuawikama munzaki kibeni. ¹⁶ Tala, mu ntangu yoyo Polo kazingidingi kuna Atene, Mpeve ani yafuema, kiokio kamona vo mbanza yoyo ya zala kua teke. ¹⁷ Yi dina afilanena mpaka muna nzo a lukutakanu ye Ayudayo ye wowo asanisinanga Nzambi, diaka ye wowo awananga lumbu ka lumbu vana ntenda nkongolo. ¹⁸ Kansi fi kabu fia mingindudi wowo akondolo nsisi a mambu ye amonanga konso diambu dia mpamba am'fila diaka mpaka ye avova:" Nki mpova zozo zi zolele songe?" Ankaka avova:" Lenda kala n'longi a nzambi za nzenza." kadi watalongela mu yesu ye mu mfulukulu. ¹⁹ Abaka Polo ye annata kuna Aleopango, avova:" Nga tulenda zaya longi diodio dia mpa wuta longe? ²⁰ Kadi wutavova mambu ma nzenza mu matu meto. Yi kuma tuzolele zaya nki mambu momo masongele." ²¹ (Kinga esi Ateni awonso ye nzenza zawonso azingidingi ye lutisa ntangu awu mu vova evo mu wa mambu ma mpa). ²² Mudina, Polo watelama va kati kua ntendankongolo ya mim'fimpi mia mabanza wavova:" Yeno, esi Atene, mbuene vo luna kibeni n'sambidi mia ngolo. ²³ Kadi mumpiokolo eno mu mbanza ye muntala eno ya bima bio lutasambidila, nsolole zikua diakala ye masonukua ema:" Kua Nzambi yina kayizayakene ko." yi yoyo lutasambidila kondua kua zaya, yi yoyo yitakulusamunina. ²⁴ Nzambi yoyo yavanga nza ye biawonsono bina mo, kadi yani wuna Mfumu a zulu ye n'toto, kavuandanga mu nzo zatungua mu moko ko. ²⁵ Kalendi mpe sadilua ko mu moko ma antu bonso akondua kima; kadi yani mosi vananga luzingu ye moyo ye bima biawonso bia n'kaka. ²⁶ Ye mu muntu mosi, wavanga konso nsi ye makanda mawonso mazinganga va n'toto, azaya nsungi zawu ye atula ndilu ya ntoto awu. ²⁷ Mudiawu, nga afeti sosa Nzambi ye ngatu ateza kun'sosa ye kummona; kadi mu diodio kena kuanda ye konso muntu ko. ²⁸ Kadi mu yani tudiatanga, tuna moyo ye tuzingilanga, bonso umosi mu n'soneki mieno wata:" kadi tuna mpe n'kunani." ²⁹ Yi dina, bonso tuna n'kuna Nzambi, ka tulendi yindula ko vo kinzambi kifuanane ye wolo,ye palata, ye tadi dia valua, yevo ye ngidu za muntu. ³⁰ Ikuma, Nzambi kayindula ntangu a kondua nzayilu ko , kansi wuwu wutavana luve kua antu, mu fulu yawonso, muviluka, ³¹ Mudiambu dia watula lumbu kiokio sika fundisa nza, mu lunungu, mu nzila ya muntu ndondo kasola. Nzambi wavana mbandu mu muntu ndondo kua konso muntu kiokio ka m'futumuna mu bafua. ³² Kiokio esi Atene awa n'samu wa mfulukulu ya bafua, an'kaka atoma seva Polo; kansi an'kaka avova :" si tuagwinikina wa vovela dio diaka nkumbu ya n'kaka. ³³ Kunima dina, Polo wan'sisa. ³⁴ kansi antu an'kaka an'yikama ye akuikila, ye Denisi kintuadi ye m'fimpi mosi wa mbazi a n'kanu, muana n'kento wakala ye nkumbu ya Damalisi ye kintuadi ye an'kaka akala yawu.