¹ Polo wa waluaka kuna Delebi ye kuna Lisitiya, ye tala n'longoki mosi nkumba a Timoteo wa kala kuna, mua wa n'to wa Yudayo munkuikizi, Se diani wa kala Geleki. ² Zimpangi zakala ku Lisitiya ye Ikoni avenenge kimbangi kia mbote mu kuma kiani. ³ polo wazola kuenda ye yani, wam'baka ye wa n'sala kiyakala mudiambu dia ayudayo akala mu zunga, kadi awonso azaya dio vo Se diani wakala Geleki. ⁴ Muntangu akala luta muna mbanza, asisanga zintumunu kua mabundu mpasi vo atumamana tukanu tua sonekua kua zintumua ye kua zimbuta za Yelusalemi. ⁵ Mabundu masiamusua mu minu ye makala kula mu ntalu lumbu ka lumbu. ⁶ Polo ye mpangi zani asawuka kuna ziunga kia Filigia ye kia Ngalatiya, ku nima kakudulua kua Mpeve a N'longo mu longela mambu ma Nzambi mu ziunga kia Azia. ⁷ Kiokio aluaka ku ndambu ya Misia, ateza kota kuna Bitini, kansi Mpeve a Yesu ya kua kadikila. ⁸ Dina aluta Misia ye akulumuka kuna mbanza a Toasi. ⁹ Polo wa lota ndozi mu mpimpa: Musi Makedonia mosi watelama vana, wakala kum'bokila ye wavovanga:" Wiza kuna Makedonia ye wutusadisa." ¹⁰ Muntangu Polo kamona kimonameso, vanavawu yeto tuamona vo dina dia m'funu mu kuenda kuna Makedonia ye mabanza vo Nzambi watubokela mu kuasamunina n'samu a mbote. ¹¹ Kiokio tuasisa Toloa, tualanda tini kia Samatolaki, ye lumbu kia landa tualuaka kuna Neyapoli. ¹² Tuka kuna, tuayenda tuayenda kuna Filipi, yina mbaza ya Makedonia, yau yi lutidi m'funu mu ziunga ye yakala kunsi a luyalu lua esi Loma ye tuakala muna mbaza yoyo lumbu ya fioti. ¹³ Mu lumbu kia lumingu, tua yenda ku mbazi a muelu va ndambu a n'koko kuna tuabanza vo kuakala ye fulu kia lusambulu. Tuavuanda ye tua vova kua akento akala akutakana. ¹⁴ Muana n'kento mosi wa nkumbu ya Lidia, n'kiti a min'lele mia mpumbu muna mbanza a Tiatila, wakundidinge Nzambi, watuwanga. Mfumu wan'zibula n'tima mpasi ka toma guinikina mana makala vova Polo. ¹⁵ Muntangu yo kavubua, ye nzo ani, watulomba diambu edi wavova:" vo luamuene dio vo ngina wakuikama mu Mfumu, luiza muna nzo amu ye luakala muna." ¹⁶ Dialuaka vo,kiokio tua kala kuenda kuna fulu kia lusambulu, fimuana ndumba fiakala ye mpeve ya kizayila mambu wayiza wawana yeto. Yani wavananga ndandu ya bidi kua Mfumumu zani mu kizayila mambu. ¹⁷ Muana n'kento wowo wakala landanga Polo ye yeto, wakayanga ye wavovanga:" antu wowo yi sadi ya Nzambi a zangama . Eta kulu samunina nzila mpulusu." ¹⁸ Wavanga wo lumbu yayingi. Kansi, Polo watoma vizuka n'tima wabaluka ye wavova kua mpeve:" Yi kutumini mu nkumbu a Yesu wa vayika mu yani. ¹⁹ Kiokio mfuma zani zamona vovuvu kia m'futu awu ki vididi, akanga Polo ye Sila ye akunata vana fulu kia zandu va n'tuala a zimfumu. ²⁰ Muntangu akuasonga kua m'fudisi, yawu avova:" antu wowo ena ayudayo ye eta tula mvualangani ya bidi mu mbanza eto. ²¹ Eta longela mambu ka mena ndandu ko kua yeto mu tambula ye mu tumamena mo. ²³ N'kangu watelamena Polo ye Sila; Mim'fundisi miapasula yinkutu yawu ye avana luve mu kuazuba mu min'ti. ²² Kiokio amanisa ku azuba, mu minti nkumbu za yingi, akua tuba muna boloko. Alomba kua mfumu a boloko mu toma ku akeba. ²⁴ Kiokio kabaka nsikudukusu yina, mfumu a boloko wakuatuba muna boloko dina dia kati ye wakua kanga nsinga mia segua mu malu ²⁵ Mu tezo kia fuilu a kuma, Polo ye sila akala sambila ye yimbila n'kunga mu sanisina Nzambi ye antu aboloko an'kaka akala kua wa. ²⁶ Vana vawu, n'toto wazakama mungolo beni, ye lufulu lua boloko luanikuka, mielo mia boloko mia zibuka ye n'singa mia sengo mia konso boloko mia zibuka. ²⁷ Mfumu a boloko wa sikama ku tolo ye wa mona mielo mia boloko mia zibuka, wabonga mbele ani ye wa zola kuki vonda, kadi kabanza vo antu a boloko atinini. ²⁸ Kansi Polo waboka mu ngolo wavova:" ku kivangi mbi ko, kadi yeto awonso tuna mumu." ²⁹ Mfumu a boloko walombo n'temo, wa Kota mu yila yila ye zakamu dia wonga, wakituba va n'tuala Polo ye Sila. ³⁰ Wabavayikisa ye wavova:"Mfumu nki ndenda vanga mpasi vo ya vulusue?" ³¹ Avova:" Kuikila mu Mfumu Yesu ye si wavuluzua ngeye ye nzo aku." ³² An'longela mambu ma M'fumu ye kua yawu akala muna zo ani. ³³ Wana M'fumu a boloko wababaka muna yina wola ya mpimpa, wasukula mputa zawu ye wavubua vana vawu, yani ye nzo ani. ³⁴ Wanata Polo ye Sila kuna nzo ani ye wakuavana madia. wa kembela yani ye nzo ani ya wonso, kadi akuikila mu Nzambi. ³⁵ Kuma kio kua kia, mi m'fundisi miafila ntumua kua min'kengi mu vova:" luyambula antu wowo benda." ³⁶ Mfumu a boloko wanata mambu momo kua Polo, ye wan'tela:" mim'fundisi mimfididi mu kutela vo tuakulu yambula luenda; dina wuwu, luvayika ye luenda mu luvuvamu." ³⁷ Kansi Polo wakuatela:" Atuzubidi va ntenda nkongolo, yeto esi loma, katuvengi mbi yi mosi ko. Atutubidi mu boloko ye wuwu eta kutu vayikisa ku mbazi mu kinsueki? Ve! kawuna ko! Eza atu vayikisa yawu mosi." ³⁸ Min'kengi mianata nsangu zozo kua mim'fundisi miakala ye wonga kiokio awa vo Polo ye Sila akala esi Loma. ³⁹ Mim'fundisi miayiza kua dodokela ye kikio akua vayikisa mu boloko, alomba kua Polo ye Sila avayika mu Mbanza. ⁴⁰ Polo ye Sila avayika mu boloko ye ayenda kuna nzo a Lidia. Kiokio Polo ye Sila amona zimpangi, akua siamisa ye ku nima momo, asisa mbaza.