¹ Ndambu ya bantu bakulumuka tuka ku Yuda ye yalonga zimpangi, yavova:" vo kuna wawukua kibakala mu mose ko, kulendi vuluzua ko" ² kiokio pawulu ye Balanabasi bavovana ye filana mpaka ye bawu, ba mpangi babaka lukanu vo bika Pawulu, Balanabasi ye ban'kaka, batomboka kuna Yelusalemi kua Zintumua ye bambuta mu filana mpaka mu kiuvu kiokio. ³ Ikuma, kiokio bafidusua kua Dibundu, baviokela kuna Fenisi ye kuna Samalia ye basamuna mpiludilu a madiela ya bapakanu. Banata kiese kia yingi kua bampangi bawonso. ⁴ Kiokio baluaka kuna Yelusalemi, batambulua kua Dibundu, kua zintumua ye kua bambuta ye bata nsangu mu mamo Nzambi kavanga mu bawu. ⁵ Ikuma, bantu ban'kaka batuka mukabu dia mim'falisi ba bakuikila, batelama ye bavova: " Dina diambote mu kubawuka kibakala ye kubatatamesa mu landa n'siku mia Mose." ⁶ Dina Zintumua ye bambuta bakutakana mpasi bayindula mambu momo. ⁷ Kunima mpaka zatoma zingila, Petelo watelama ye wabatela:" Bampangi, luzeye vo tuka ntama Nzambi wasola va kati kueno, mpasi vo mu nua ame bapakanu bawa mambu ma Nzambi ye bakuikila. ⁸ Ye yani Nzambi zeye n'tima, wa batela kimbangi mu kubavana Mpeve a N'longo bonso kavanga dio kua beto. ⁹ Ye katudidi disuasuanu ko vakati kua beto te bawu, wavedisa n'tima miawu mu vuvu. ¹⁰ Wuwu, nki wuta tontila Nzambi, mu vuatisa kodi kia n'ti kia diatisilua mu nsingu za zintumua kiokio ma Se meto yevo beto kibeni katua lenda nata ko? ¹¹ Kansi tutakuikila kaka vo se tuavuluzua mu m'lemvo a Mfumu Yesu mpila mosi ye bawu." ¹² Nkangu wa wonso wadingalala kiokio bakala wa Balanabasi ye Pawulu bakala ta nsangu za sinsu ye masivi Nzambi kavanga va kati kua bapakanu mu nzila awu. ¹³ Kiokio bamana vova, yakobi wabonga m'vovo wata:" Bampangi, lungua. ¹⁴ Simoni wata nsangu bonso Nzambi kasadisila bapakanu mu m'lemvo mpasi kasola va kati kuawu kanda difuete nata nkumbu ani. ¹⁵ N'vovo mia m'bikudi mifuanane ye diodio, landila masonama: " ¹⁶ Kunima mambu mama, seyiza vutuka ye siyatunga diaka nzo ya ngoto ya Davidi yakala ya beba. Se yatelemesa yo ye vangulula yo. ¹⁷ Mu mpila yoyo bantu ban'kaka se basosa Mfumu, mpila mosi ye bapananu bobo banata nkumbu ani. " ¹⁸ Yi wuvovele Mfumu wavanga mambu momo mazakana mu ntangu za ntama. ¹⁹ Yi kuma, mabanza mame vo ka tulendi vuadingisa bapakanu bobo beta bangumuka kua Nzambi ko; ²⁰ kansi, tu basonikina vo bafuete keba mu nsumukunu za biteke, mu mavanga ma bizumba, mu biobio bi fitokoso ye menga. ²¹ Tuka Mbandu zavioka vena ye bantu mu konso kua mbanza balonganga ye tanganga Mose mu nzo zawu za tukutakanu konso kia sabala. ²² Ikuma dia zolakana kua zintumua ye kua bakuluntu, kintuadi ye Dibundu diawonso, mu sola Yude wabokeleluanga Balanabasi ye Sila, mbuta zadibundu, ye babatuma kuna Antiokia kintuadi ye Paulu ye Balanabasi. ²³ Basonika edi: "Zintumua, bakuluntu ye bampangi, kua mpangi bapakanu ku Antiokia, Silia ye Silisia, yenge! ²⁴ Tuawilu vo bantu bamosi balembua baka luve kua yeto, bayiza tuka kuayeto ye baluvuadingisi mu malongi mavuadingisi miela mieno. ²⁵ Ikuma, dia zolakana kua beto babo mu wizana mpasi tua sola bantu ye kubafila kua beno kintuadi ye bakiazolua beto Balanabasi ye Paulu, ²⁶ bawu bazola vidisa zingu biawu mu kuma kia nkumbu a Mfumu eto Yesu-Klisto. ²⁷ Modiodio tuafididi Yude ye Sila sebakuluzayisa mpe mambu momo. ²⁸ Kadi dia moneka dia lunungu kua Mpeve a N'longo ye kua beto mu lebua kulu soka mambu man'kaka vo ka momo kaka mena m'funu ko: ²⁹ luatina bima biayekulua kua biteke, menga, bima bia zekua nsingu ye mavanga ma zumba. vo kalukikengele mu momo, si diakala dia mbote kua beno. Lusala mbote. ³⁰ Dina bafilua, baluaka kuna Antiokia, Bakutikisa n'kangu ye babavana n'kanda. ³¹ Kiokio tanga wo, bayangalala mu lusiamusu. ³² Yude ye Sila, bawu mpe mim'bikudi, balonga zimpangi mu m'vovo mia yingi ye babasiamisa. ³³ Kunima ya balutisa ntangu ya yingi kuna, bampangi babavutula muluvamu kua bawu babafila. ³⁴ ( Sila wamona vo mbote mu sila kuna - Zipapela za ntama zatoma sonukua zavilakana zila 34, tala mavanga 15:40) ³⁵ Kansi Pawulu ye Balanabasi basala kuna Antiokia ye bayingi ban'kaka, Kuna balonga ye basamuna mambu ma Mfumu. ³⁶ Kunima lumbu biafiuma, Pawulu wavova kua Balanabasi: " Tuvutuka tuenda tala mpangi mu zimbanza zazo tualongela mambu ma Mfumu ye tala we bena." ³⁷ Balanabasi wa zola banata Yoani wabokelelua Malako. ³⁸ Kansi Paulu waluta zola vo ka bannatiko. Yani waba sisa tuka kuna Pafili ye ka badisa ko mu salu kiwu. ³⁹ Nsuasuani ya ngolo beni ya mabanza yakota vakati kuawu nate ya nata mpambani va babole. Ye Balanabasi wa baka Malako bayenda kuna sanga kia Sipele. ⁴⁰ Pawulu wasola Sila ye wayenda, muluzolo lua zimpangi mu n'lemvo a Mfumu. ⁴¹ Bazieta kuna Silia ye Sisilia, bakala siamisa mabundu.