¹ Tuzolele ku luzayisa, luzimpangi, mu matadidi n'lemvo a Nzambi wamoneka mu dibundu dia Makedonia. ² Mu ntangu za ntontolo zawu za ngolo, kiese kiawu kia sumpuka ye kimputu kiawu kia saka yanata yenge kia yingi. ³ Nginina dio mbangi, kadi avana bonso wakala ndendelo awu ya wonso ye lutila nkutu ndendelo awu. Ye mu luzolo lua yawu kibeni. ⁴ Mu ndodokela zawu za bidi, a tulombele mu kuavana luve lua kala mpe n'sadi mu kisalu kia minkuikizi. ⁵ Didi ka diavangamene bonso tuayindudila dio ko, kansi ntete akivana yawu kibeni kua Mfumu, bosi kua yeto mu luzolo lua Nzambi. ⁶ Yi dina tua lomba kua Tito kalulungisila salu kiki kia yenge bonso kayansikila kio. ⁷ Kansi bonso lulutilanga sala mu mawonso - mu minu, mu mpova, mu nzayilu, mu n'sualu awonso, ye mu zola kueno mu yeto, luzola mpe lutila mu kisalu kiki kia yenge ⁸ Ka ntumunu ko ngita kuluvana. Kansi, ngita vova momo mu zaya kieleka kia zola kueno mu tezanesa mu n'sualu ye luzolo lwa an'kaka. ⁹ Mu diodio, luzeye n'lemvo wa Mfumu eto Yesu Klisto. Kana vo wakala mvuama, wa kikitula mputu mu kuma kieno mpasi vo mu kimputu kiani luakituka zi mvuama. ¹⁰ Mu n'samu wowo, si yakuluvana malongi mu kulusadisa. Kunima m'vu mosi, ka luanunga kaka mu sala salu kimosi ko Kansi luakala ye luzolo lua sala kio. ¹¹ Lumanisa kio wuwu. Mpasi vo lua kala diaka ye luzolo lua mbote ye nsatu a sala kio, yeno mpe luiza ku ndungusunu wu kina vo luna lua fuana. ¹² vo luna ye luzolo lua vanga salu kiokio, dina diambu dia mbote ye dilenda zolakana. ki fueti vangamena mu kiokio muntu kavuidi kansi ka mu kiokio muntu kavuidi ko. ¹³ Kadi mbebe yoyo ka yina yangidika an'kaka ko ye kulu vana zitu, kansi mpasi lua fuanana. ¹⁴ Kondua kua nzayilu eno ya ntangu yiyi yi lenda kubasadisa mu nsatu zawu. Mpila mosi, kidi vo kondua kua nzayilu awu ya kulu sadisa mu nsatu zeno ye lua fuanana. ¹⁵ Bonso masonukua : " yoyo wakala ye bia yingi kakala ye bia lutakana ko; yoyo wa kakala ye bia fioti ka kondua kima ko." ¹⁶ Nzitusu ya vutuka kua Nzambi wa tudidi mu n'tima Tito luzolo lua mbote luna yamu mu yeno. ¹⁷ Kadi ka tambudila kaka ndombolo eto ko, kansi wakala diaka ye vema kua ngolo mu lungisa yo. ¹⁸ Tuan'fila kintuadi ye mpangi yoyo mabundu mawonso ma yangalelanga kisalu kiani kia longela nsangu za mbote. ¹⁹ Diaka, wasolua mpe kua mabundu mawonso mu sala nzietolo ye yeto mu lungisa salu kiaki kia nsadisa, ye luzolo lueto mu sadisa. ²¹ Ka tuzolele ko vo muntu ka tusungula mu diodio di tadidi n'kayilu mia nkenda tuta kutakesa. ²⁰ Tuta sosa mu vanga momo mena ma luzitu, ka va n'tala Mfumu kaka ko, kansi mpe n'tuala a antu. ²² Tuta fila mpe mpangi ya n'kaka kintuadi ya yawu. Tuam'fimpidi ntangu yayingi ye tua muene vo wuna wa fuana mu sala salu ya yingi. Ye wuwu, wuna diaka ye mpuila ya yingi mu diambu dia vuvu kina yandi mu yeno. ²³ Vo yi Tito, wuna n'sadisi amu mu kuma kieno. mu n'samu wa mpangi zeto, ba fidi su kua madundu. Bena nzitusu mu Klisto. ²⁴ Mudina, luasonga e zola kueno ye lusonga kua mabundu m'funu wa kiese kieto mu yeno.