² Lutusosela fulu! Ka tuasadidi mbi kua muntu ko. Ka tualuekele muntu ko yevo baka ndandu mu konso muntu nkutu ko. ³ Ka mudiambu dia mukulu yelesa ko, mvovele dio. Kadi ya vovele kala vo luna ye fulu mu n'tima mieto, mpasi tua zinga yevo tua fua mu kintuadi. ⁴ Ngina ye vuvu kia fuana mu yeno ye ngina wa ntoko mu yeno. Ngina ye Kiese kia sumpuka kani muna mpasi zeto zawonso. ⁵ Kio tua kuma kuna Makedonia, nitu zeto ka zavunda ko. Kansi tua kuamisua mu mpila za wonso mu kitantu kia kumbazi ye wonga mukati. ⁶ Kansi Nzambi siamisanga awo alebakana, wa tusiamisi mu ngizulu a Tito. ⁷ Ka mungizulu ani kaka ko Nzambi katu siamisini. Kansi yi munsiamusunu mpe diaka Tito katambula kua yeno. Wa tuvovela mu nzola eno ya nene, Kingongo muna n'tima ye ndandu eno ya yingi mu yeto. Dina ya toma dio muena kiese. ⁸ Kanele vo n'kanda amu wa luvana kiadi, kia niongene ko. Kansi nkutu ya niongene dio kaka. Kio yamuene vo dia kuluvene kiadi. Kansi lua kendalele mu fintangu ntangu. ⁹ Wuwu, ngina ye kiese ka musa ko vo kadi luakele mu kiadi, kansi kadi kiadi kieno ki kulunete mviludilu a kadilu. Lua kele ye kingongo kia n'tima kia ngolo, dina ka luabakidi m'fuilu mu diambu dieto ko. ¹⁰ Kadi Kingongo kia n'tima kia ngolo kinatanga mpiludilu ya kadilu yinatanga mpulusu kondua kua nionga. ¹¹ Lutala nkia nzengolo ya ngolo kingongo kia n'tima kiokio ki lunatini. Neyi nzengolo eno yakadidi ya nene mu songa vo luakele kondua kua diambu. Neyi mfitakani a n'tima ya kadila ya nene. Neyi lua kadila mu mfitakanu a n'tima mieno, wonga weno, vuina dieno, nzunzu eno ye nsatu zeno za mona vo lunungu lua vangama. Muna mawonso, luasonga yeno kibeni vo luakala kondua kua diambu mu n'samu wowo. ¹² Kanekele vo yakulusonekena, kia sonekene mu kuma kia ndondo wa vanga mbi ko, kani mu diambu dia ndondo wa mona mpasi mu mbi ko. Yasonekene mpasi vo kimuntu kieno mu diambu dieto kia monekesua va n'tadisi a nzambi. ¹³ Yidina tuasiamusu. Ye diaka, mu lusiamusu lua yeno kibeni, tuta toma yangalala diaka mu diambu dia kiese kia Tito, kadi mpeve ani ya luyangidikidi yeno awonso. ¹⁴ Kadi vo ya kiyanini mu yeno, kia fuisulu nsoni ko. Kansi, mpili mosi mawonso tua luzayisa menena ma kieleka, kitundidika kieto mu yeno mu nzila ya Tito kina kia ludi. ¹⁵ Nzola ani mu yeno yilutidi diaka nene, kiokio keta bambuka moyo mu tumama kueno ye neyi lua n'kikila mu vumi ye zakamu. ¹⁶ Ngina ye kiese kadi ngina vuvu beni mu yeno.