¹ Yab ne,mu matsu mama nsuk,ikal andi ma tel ma mo mama mpas. ² Munda bad ba to kyib,ba nduu ba nzim,iku bi suu,lileen,ikaa Nziem,binguum ku kel bibwid bi bo,tin,iwun saam. ³ Nze aba kha we,iwin imvuk,baba bile bad,iwun kas mbwun,idus,ba mbeen ba bad ba bwed. ⁴ Ibeme ba kwen manda,iku bi sa,ba will andi lileen,ba zwel likum ilud Nziem. ⁵ Ba ghan ku nzil ne bad ba bwed,si ba kide we wun wu bawa ngol.ba bad bad ban. ⁶ Mu nked bo ikel andi ban baba ko kodo mu ma nzo,ani ko kwad ba kad baba kel ngol we ani iku bi wa,ba will andi masum,ba kuu we mu ishim lizol le nud a bo le ifa andi ifa. ⁷ Ba longok tsu lo liso si ba kuu we mu iyab manda ma ibini. ⁸ Ifa imo Zwanes andi Jambles li ba mee manda ma Moyize,ifa imo bad ban li mee masong,bun bu ba leb bun bu ba yukan,mu isuu ban baba kel andi likwikil. ⁹ Si bo si ba kwe we ku nkul; munda lel li bo li ghan mu bo baso,bun bo kele lin le bad ban bwel. ¹⁰ Munda nze,nze bo bud luun imbe-imbe malong ma me,bo zighe me,bo tiemene me,likwikil li me,ma mbwed ma me,ikab i me,bo kide me. ¹¹ Miniokol mi me,ma mpas ma me. ¹² Nkyi minia me wun mon me ku Antioch,ku Icon,ku Lystle? Nki mi niokol me wun kas me mbwun? Mfum Nziem si le nkiele mu min mio miso. Kyi ban baba zwel ne ba zing mu ngemb yo iso mu Yesu Klistu,ba banu-niokol. ¹³ Si bad ba bi ani baba mpud ba kwe tel lo liso ku nkul mu manda ma bi,ba ko wuul bad ba nkim,ba bi wuul si bo ba ngako. ¹⁴ Nze,kal mu bilo bin be lwengek nze,li yab si bibi mo,li yaba ne Ku kel na bini li bi lwengek. ¹⁵ Mu bikii bi nze,nze bo yebe bison be bu santu,bibi kwi ne nze to mayel ma luguluk mu Yesu Klistu. ¹⁶ Bison bio biso bi fi ko kel Nziem,bi kel mfun mu iku bi long,munda iwol ibyi,munda iyili,munda ilong mu masong. ¹⁷ Mu mpil ne mud a Nziem akal wo ku-kuu ani liked le bisal bi bwed bio biso.