¹ Me ilwel ku nkul Nziem ani ku nkul ye Yesu Klistu,nde wun wo semes bad ba mwe ani baba fhi,ani mu nkwum ye lufutumuk li nde, ani ke imfum i nde. ² Long nda Nziem,bud shim mu nzil yo iso,yi mbwed to lo,wol likan,bwene, andi bike-bike bio biso ani mu itsim malong. ³ Munda,ikal andi tel,lili kel ne bad ba bud kuu we mu ikas mbwun mu manda ma bwed, si ba ywil bwu mu iywil bilo bi bwed, ba biwa ibwil ke ba mingang mu mpil yin ye kal lizol li bo. ⁴ Ba kas ma tswe ma bo ku manda ma ibini,ba bu tal na ku manda ma mampia. ⁵ Si nze,kal pii mu bilo bio biso, kas mbwun mu minia,sal isal ke ilong nda Nziem,ikwisi ku ibwed isal i nze ke insi-nswi. ⁶ Si munda me,me abi wa amon ne makab,tel li me le ikwe,li twe ya nto-nto. ⁷ Me ya nwaan mangwil ma bwed,me ya men ma nzil ma me,ya nshim likwikil li me. ⁸ Nsuk ako yan,mpu ye masong ba nshil ayo,Mfum Nziem,bad ba bwed baba semese, ba ngu-ngwa mu matsu maso man,kid we ne na ku nkel me,si fudu ani ban bo baso baba zol iya i nde. ⁹ Ya bun ku nkel me. ¹⁰ Munda Damas a nzese na me, mu lizol mu bina biso bi,ani ikwe i nde Ku Tesalonik,Clescens awin ku Galati,Tit wo win ku Dalmati. ¹¹ Na Luc bwun wo shiel andi me, mu wol Malko li kwe nde, munda nde akel mfun ifhun ku nkel munda nda ye Nziem. ¹² Me bo twim Tychik ku Efez. ¹³ Tel aya nze,li yi ntswal kazak wun wo shis me ku Tloas ku nzo ye Campus,ani mikaan ,ilwidil nsil wu ba swen ya nghe inaan ke niam. ¹⁴ Alezandel, baba tsulo bibende, ba nsel mbi yi ilwidil,Mfum Nziem amu-wu wa bun bu kel bisal bi nde. ¹⁵ Nze bikeb ko kel nde, munda nde bo see mia mi ngol mu manda ma bis. ¹⁶ Le bi nwenen me ngako mbal ye iso,nto mud mumo a nkwedel we, si bo baso li ba mbed ba wi.Mo man baba weel we. ¹⁷ Na Mfum Nziem wo yi nkwedel ani ingwa ngol, mu mpil ne me nkwisi malong ku kel bad,ani ba mi mpan bo baso ba ywil.Ani mu ikiele ku munwa wo ntaam. ¹⁸ Nziem ambi-mbikis mu bisal bio biso bi bibi, ani ingulus mu inkwedes mu imfum i nde ke ma yul.Likum li kal ku kel nde ba mvul andi ba mvul. Ame. ¹⁹ Mu wa mbwed Plisca ani Agilas, ani bwid leOnezifol. ²⁰ Elaste a shiel ku Colenthe, me a shis si Tlofime mubiel ku Milet. ²¹ Li sa ngol ne liya ku nkul a mvul mu ibwa,Eubulus, Pudens, Linus, Claudia,ani ba kuun bo baso ba liwi mbwed. ²² Mfum Nziem akal andi nze!Lizol li kal andi bini.