¹ Bis bu li ywin ne ikel andi manda ma nswen mu nked a bini,mama kel ne ansa mu nked a ba mpan ma kwi we mu ikal ikobun.Bis bu liywi ne mumo mu nked a bini bo silaal andi mukel wo Tad a nde. ² Bini li bud kal bad ba maghan-maghan! Bini likwi we mu ibokoto? Wun wo kide kobun,ilwim ne ba mutisil mu ibwil. ³ Ansa me nkel we andi bini mu imud,si mu impev,me nkel andi bini,me man nwenes wun wo kid ilo ke ifa kin,amon ne me nkel andi bini. ⁴ Tel livuno bini mu nkwum ye mfum Yesu,mpev a me ikel ani bini mu ngol ye mfum a bis Yesu.Me man nsemes manda maso man. ⁵ Munda iku mutee ku makuu ma satana munda idus nud a nde,ku nsuk ne,mwe nde ku mu iguluk mu tsu le ya mfum. ⁶ Lileen li bini li kel we bwaan,bini li yeb we ne ndaam a mufhil ikwi mu iwilis pod-pod lo liso? ⁷ Li bi wul mu mufhil wo iso,ku nsuk ne bini likal pod-pod lili mpa mu mpil ne bini li to pod-pod lili mpa,liwin mufhil.Munda Klistu,wo litwelese bis bu ba mutee. ⁸ Li sala fed ani mufhil wo iso,mufhil wo ina i bis ki,akel wo win ngol,si ani nso ye win mufhil makel ma masong ani ma ibini. ⁹ Me ali swenen mu mikaan a me ne li ka kal imvum ani ba mfhyb,kel we ne mu mpil a mbi. ¹⁰ Nto mu mpil mo we me litswi ne li ka kal mu imvuk andi ba mfhyb ba ntod yi,ba lwe,byib,to baba sama bitek,kid lo ifeen ne bini li kyi mu ntod yin. ¹¹ Tel li me liswenen ne li ka kal mu indu andi ban baba yemene bakuun ba bakad andi ba babaal mu Klistu,si baba zighe mu induum,to mu kyib to mu bitek to mu manguum to baba wudo mal,li ka dia nto mbel mo andi bad ba ifa kin. ¹² (Kobun isi nki me akid mu isemes bad ba ifa iso kin baba wun sama?) Mu mpil yin,bini li kel we ba zusi ba bad ban baba kel mu nzo nziem? ¹³ Si Nziem asemese baba kel ku nzil:Mu ibyi bad ba bi baba kel mu nked a bini."