¹ Kid ne mumo mu nked a bini akel mu manteden ani mud munkim,aku mufuun ko kel mumpan to akwe ko kel bad ba Nziem? ² Bini li yeb we ne bad ba Nziem bo basemes ntod? Kid ne bini li kel mu isemes ntod,li kwi we mu iyili mandanman mama lwidil binene? ³ Bini li yeb we ne bis lisisemes ba wanzio? Nki yo yi ilwidil binen,li kwi we mu isemes manda ma lizing li? ⁴ Kid ne bini likwi mu isemes itswil ki manda ma lizing le matsu mo maso,munda nki li kwi mu iwol nda yi ku nkul a bad baba win mfun mu nzo-nziem? ⁵ Me ndiel ne ikel nswen ko kel bini.Mu nked a bini ikel we ani mud wun wo lwidil maken munda isemes manda ma bakuun ba babaal andi ba bakad? ⁶ Si mukuun wo sama le ku fun mukuun ande wo sama ku kel zusi wo win sama. ⁷ Mu imo ki ibwed,ikwi we mu ikal ani manteden mu nked a ba Klistu,ikel nda mo ye nswen ko kel bini.Munda nki iwin wa ndol ko kel wun wu sel ku ibi? Munda nki bini li yibe? ⁸ Si bini likel ban baba yeb manda mamkid ba kuun ba bini baba baal andi ba bakad! ⁹ Bini li yeb ne mud mubi akod we mu imfum i Nziem? Li kaan kwikile ko kel bad baba ta bimpal.ba mfyib, ba nga bitek, ba nga induum, ba induum ba babaal, ba baba ko lala ba kad andi ba kad,ba baal andi ba baal. ¹⁰ Kyib ,mfwub, iwud mal,ibil,idjulu bilo ,mumo we mu nked a bo wo kod mu imfum i Nziem. ¹¹ Kobun bu kel bad ba nkim mu nked a bini. Bini ba likel,!I twe ba santu,bini li twe mu iwakan andi nziem mu nkwum ye mfum Yesu-Klistu andi mpev ye Nziem. ¹² "Bio biso ba ngwi" si bio biso bi kel we mfun. "Bio biso ba ngwi" si me akal we mu mpil a bilo bin bio biso. ¹³ "Bilo be idia bi kel munda yis, yis si munda bilo be idia" si Nziem adus abio biel. si nud ikel we munda induum ke ivus ma nud, si munda mfum, si mud a isal we si munda nud. ¹⁴ Nziem afu-futun mfum Yesu, si bis mu ngol a nde. ¹⁵ Bini li yaba we ne nud a bini ikel bitswil bi nud ye Klistu? Me nkwi mu iwol nud ye Klistu Munda me ayi vus andi induum mud wo masum? Kio kin ikal we. ¹⁶ Bini li yaba we ne wo sivus nud ande andi mukad a induum le to nud mo andi nde? Bun bu ba swen,"abo bwel li ba to nud mo". ¹⁷ Si wun wo sivus nud andi mfum le to ifa imo andi nde. ¹⁸ Li bada induum ke iko vuso ma nud! Masum mo maso ma sala mud,ma shiala ku nzil ye nud, si induum ke iko vuso ma nud ikel lisum limo lili lwid ibe mu nud ye nde ngako. ¹⁹ Bini li yaba we ne nud a bini ikel nzo ye mpev a santu,yin yi kel mu nud a bini,yin yi liwel bini ko kel Nziem,yi kel ne bini ba ngako li ibee we? ²⁰ Munda bini ba lishwum mu nziem. Ikio kin li mukumis Nziem mu ma nud ma bini.