¹ Kobun,Ba Limon amon ne bad ba isal ke Klistu,ani baba kaba nsia ye insi-nswi ke Nziem. ² Kobun,mi kel mungol ne wun wo kaba nsia, ba kal banam mu masong. ³ Si kid na ku me,ansa ba lisemes itshi,to ba nwenes ma mbel mo Madonna ba tuminad ma nkim. Munda me abi semes we me ngako. ⁴ Me bitiemene we mu ikal me ngako mud mubi mu ilo imo ibi ku kel me ngako,kio kin iswi we ne me nzieb we nto ilo imo. Mfum nziem wo nwenes me. ⁵ Kobun,li tuul we aka isemes imo ki iwin mu nzil ku nkul a mio miso,ku nkul a iya ke mfum.Nde aya tsu-tswal main ku kel bilo be insi-nswi mu nked a lipyib,ani mutisil bilo bi litiemene bini mu ma mbwun.Kobun kons mud awol lifud lines ko kel Nziem. ⁶ Tel li,ba kuun ba bakad ani ba babaal,me nsi ma ngil ma munda Apolos ani me ngako itsin ma mbwed ma bini,mu mpil ne,mu nzil a bis,bini li yab ntendul ye bison,li ka luud mutel wo bilo bi ba swen,ku nsik ne li ka bisuu mutel wun ani wun. ⁷ Munda na wun wo likeb ani bad ba nkim? Bini li yeb we ne li bi wel bibi nkam? Kid bini li yeb ne bini li biwel bibi nkam Munda nki bini likel mu iku bisuu amon ne bini li bi swim mu nsim ye bini ba ngako? ⁸ Bini li sun kal ani bin bi liswele bini mu ikal a bio! Bini litwe ikwil mifhil,bini li be ibial-mpu,li bitsid ani bis! Mu masong,me nzwel ne bini li bial,kobun li bial bise baso ani bini. ⁹ Nziem a likdil ba ntum ba nde,amon bad ba nsik mu ibwil amon ne baba tsid nkan ye lifhu.Ya li twe bad ba ital mu ntod,ku kel ba wanzio ani ku kel bad. ¹⁰ Bis li biel mishu itsin Klistu,si bini li kel maken mu Klistu.Bis li ywin,si bini li kel ngol.Tel li bini li kel mu likum,si bis mu iwin likum. ¹¹ Ilud tel liso li,bis li kel mu nzal ani mu mpuu mania,bis li bwada imbe-imbe, ba libede ngol,bis si li be we ma nzo. ¹² Bis li sala ngol,lisala mu ngol a bis,tel ba lituu bis,bis li ba lisakumun.Li ba linwenese bis li kas mbwun. ¹³ Tel ba libile bis,bis limo mu bike-bike.Bis lili to,li ba bud Limon ikobun,ba litil-bwa mu ntod yoso amon ne ilo i nkam. ¹⁴ Me liswenen we moma Munda iku nuse,si munda ne bini li sob mu iyab nelikel baan ba me ba mbwun. ¹⁵ Ansa ne bini likel ani bad ba bini ba fhun baba litala bini mu Klistu,li kel we ani ba Tad ba fhun,munda me bo twe Tad a bini mu Klistu Yesu mu nzil ye mikaan ba swen. ¹⁶ Kobun me livwens ne bini li nduun me. ¹⁷ Itsin kio kin me litwim Tumthee wo zwel me ifhun,mwaan a lizol ku kel mfum. Nde wo lisu making ma me mu Klistu,bun bo lweng me ma mbel mo maso ani mu ma nzo-nziem mo maso. ¹⁸ Tel li,baba mo mu nked a bini ba twe nzil ilal,ba kids amon ne me and ya we ko kel bini. ¹⁹ Si me aya ko kel bini inaan ifhun we,mu lizol li nziem,me ayab kid na manda ma bad ba ikal ban we si me ati tal bo ba lwid ngol munki. ²⁰ Munda imfum i nziem ikel we mu imo si mu ngol. ²¹ Bini li zwel nki? Me tu ya ko kel bini ani fim to ani lizol lo liso ani ngin ye ku mikimis?