¹ Ba kuun ba bakad ani ba babaal,me nkwi we mu ikunuliel amon ne bad baba kel andi mpev-a santu,si amon ne bad ba musun,amon ne bad ba bud butuk mu Klistu. ² Me li wi milik si kid we ne misun,ti li bini abwu li kubam we. ³ Munda bini likel abwu bad ba musun,ikio kin impal ani mangul ma kel mu nked a bini,li zighe we mu mpil ye musun ani ikwe i bini mu mpil ye imud? ⁴ Kid ne mud mumo mwe ne,me nkel munda Pol,wu munkim mwe ne me nkel munda Apol,bini li zighe mu mpilmye imud? ⁵ Apolos akel na? Asi Pol akel na? Bad ba isal baba kel ne mu nzil a bo bini lili kwikile,bo ban ba twim Nziem.l ⁶ Me akun, Apolos atsaman mania si Nziem atisil bilo. ⁷ Kobun,wunnwu kel mu ikunuliel ani wu kel mu itsaman mania,ba sel we nto ilo imo.Si na Nziem wo tisile bilo. ⁸ Tel li wun wo kuno ani wun wo tsamana mania ba kel ifa imo,kons mud awol lifud li nde mu mpil ye isal inde. ⁹ Munda bis likel bad ba isal ba Nziem. Bini likel mukal wo Nziem,bad ba kes Nziem. ¹⁰ Mu mpil ye lizol le ngwi Nziem,memle has mu itswu manzo bun bo tswo ngaal wo maken,me le baa itswu,mud munkim le ya tswu ya ngii. Si nde wun akal swanaa mu itswu yan ya ngii. ¹¹ Munda mumo we wu kwi mu itswu mbel nkimnyi ba bee na yoyin yi ba sun tswu,yi kel Yesu Klistu. ¹² Tel li nde muso wo baa itswu andi wool,nziem,ma nkuun ma ntal-a fhun,mu miti to ye mulie. ¹³ Isal i nde ikal ke Nziem,ighan mu mwil.Munda ba iyab mu mbaa ye suu mutel wo mud wun wo isel kio. ¹⁴ Kid ne ya tswi mud yan ikel ani ngol,azi-zwa lifud li nde. ¹⁵ Si kid ne idiu mbaa,nde ngako amon bitshi minia,si agu guluk ku mbaa. ¹⁶ Bini aka liyab ne likel nzo ye Nziem, ne mpev a Nziem ikelmmu nked a bini? ¹⁷ Kid ne mud mumo dwis nzo Nziem,Nziem si amu dudus.Munda Nzo nziem ikel ye busantu,amon ne bu likel bini. ¹⁸ Mud abi fhud we nde ngako.Kid ne mud mumo mu nked a bini abi yaba ne akel nga maken mu ina ki,abiel misu kobun le bwi maken. ¹⁹ Munda maken ma ntod yi,mankel lel ko kel Nziem. Munda ba swen ne,nde azwa mud wo maken mu bimpal bi nde. ²⁰ Fudu,nziem yeb ne mantiemen ma bad ba maken ma kel ma bizob. ²¹ Kobun,ba bud bisuu we ko kel bad! Munda bilo bio biso bi kel andi bini. ²² Kid ne Pol, to Apolos, to Cephas, to mukil,to lizing,to lifhu,to bilo bi limono bi,to bilo bibi ya ku nkul,bio biso bikel bibi bini. ²³ Kobun bini likel ba Klistu,Klistu akel Nziem.