¹ Yesu yɔ yo nusrɔnvi woiveɛ wo, yi yi nawo nusɛ ȡo gbɔngbɔn xoȡiwo ŋti be nɛ woanyã wo yi nɛ woada dɔ dɔlele ȡesiaȡe kudo gbɔdjɔgbɔdjɔ ȡesiaȡe. ² Fifiɛ lɔ, apɔstolo woiveɛ wo nyikɔ ke. Tutugban, Simɔn ( tsi wo yɔnɔ be Piyɛ) Kudo Andre nɔviɛlɔ; Jaki, tsi nyi Zebeȡe vi, kudo Ejan tsi nyi nɔviɛlɔ; ³ Filipu kudo Batelemi; Thoma, kudo Matthieu, tsi dzɔnɔ amlɔnkɔɛ; Jaki, tsi nyi Alfeo kudo Thade vi; ⁴ Simɔn tsi nyi Zelɔti tɔ, kudo Yuda Iskariɔti, tsinɛ sa Yesu. ⁵ Amɛ woive tsɛ, Yesu dɔwo; yi yido se tsɛwo nɔnwo," Mi ŋgbe yi trɔnsubɔlawo gbɔ o, yi mi ŋgbe ȡo Samariatɔwo dugan ȡekpe mɛ o. ⁶ Vɔlɔ bohun, mi yi alin bubu tsi wo le Israɛlu yo axoɛmɛ, kudo emɔɔn dzi, ⁷ mi to mawunyã be,"Dzipo fiɔȡuxoe lɔ gogo vɔ. ⁸ Mi da dɔ nɛ dɔnɔnwo, mi na agbe amekukuwo, mi kɔ kpotínnɔwo ŋti, yi mi nyã gbɔngbɔnvõwo. Fata yi mi xɔ mina fata xan. ⁹ Mi ŋgbé sɔ sika, alɔga, alo gadzin ȡo miã gowo mɛ o; mi ŋgbe sɔ mɔdzi kpɛtɛ, alo awu vegɔn, alo afɔkpa, alo atsi o. ¹⁰ Ðolɔ dɔwɔtɔ dze nɛ yo fintu. ¹¹ Le dugan ȡekpe alo kɔxoe tsinɛ mi layi lɔ, mi dzi amɛ tsi sɔgbe la xɔ mi, yi mi nɔn amɛxɔn gbɔ kaka nɛ mia djodjo lexɔn. ¹² Nɛ mi ȡo axoeȡe mɛ lɔ, mi dogbe. ¹³ Nɛ axoeɛlɔ xɔ mi lɔ, mia ŋtifafa nɛ nɔ dji; vɔ nɛ aɔxoea ŋde dze o lɔ, mia ŋtifafa nɛtrɔva nɛ mi. ¹⁴ Tsinɛ nyi amɛgtsiwo gbe be yewo ŋda xɔ mi o, alo ŋda ȡoto mi o lɔ, nɛ mi ladjo le axoe tsɛ mɛ alo edu tsɛ mɛ lɔ, mi hunhun mia afɔkewo. Le nyawo mɛ lɔ, ¹⁵ ŋle totoeɔ nɛ mi, le kodjoȡogbe lɔ, Sodom yo nyigban kudo Gomora tɔwo lakpɔ gbɔdjɔɛ yu du tsɛ. ¹⁶ Mikpɔ, ŋle mia dɔɔ sigbe alinwo ȡoȡa wataklɛwo domɛ, midze aye sigbe elanwo yi mikɔ sigbe axɔnɛwo enɛ. ¹⁷ Minɔ gbesɔsɔɛ le xixeamɛ ŋti, ȡo wo lakplɔ mi yi kodzoȡoxoéwo yi le texoe tsi wo bɔnɔle lɔ wo laxomi. ¹⁸ Yi wo la kplɔmi yi dumɛ mɛganwo gbɔ kudo efiɔwo gbɔ ȡo tanyɛ, nɛ ya nyi ȡaseȡiȡi nɛ wo kudo etrɔnsubɔlawo. ¹⁹ Nɛ wo sɔ mi deasi lɔ, mi ŋgbe vɔn be ale kudo nyan ŋde yo lanu o, ȡo nyan tsi yi mi lanu lɔ wo lasɔɛ nɛ mi le gaxoxoxɔn mɛ. ²⁰ Ðo ŋde nyi miawo yi la xonuxo o, vɔlɔ, mi lanu nya tsinɛ Miatɔ yo gbɔngbɔn lasɔnɛ mi be mianu. ²¹ Wo lakplɔ mi yiȡe dumɛfiɔwo gbɔ ȡo mi xɔdjinyɛ se. Kpɔȡeŋ mɛ, ameȡeo la (sa) wo ŋtɔwo nɔviwo yi vitɔwo tsan la sa wo viwo. Ðeviwo la so ȡo wo tɔwo ŋti yi wo lana watɔwo laku. ²² Amɛ sugbɔwo latsri mia nyagbɔ, ȡolɔ mi xɔ dzinyɛ se. Vɔ amɛsiamɛ tsinɛ laxɔ dzinyɛ se le nutexoe wɔwɔ mɛ kaka yiɖo kumɛ lɔ lakpɔ agbe to Mawu dji. ²³ Nɛ duɖemɛtɔwo be yewoa do funyafunya nɛ mi lɔ, mi si yi du bubu mɛ. Mi ɖoŋku nyã tsɛ: Amɛgbetɔvilɔ la trɔva anyigban dzi godo gbɔxoe mi lavɔ anyigban lɔ kudo axin nyatoto xoxla Israẽl kpata. ²⁴ Nusrɔnvi ŋde kpɔ gan ȡo tsitsa lɔdzi o, alo amɛtsi le susubɔɔ lawugan axoetɔ lɔ o. ²⁵ Mi ŋgbe bukpɔ be amɛwo la lebenɛ nusrɔnvi sɔ wu yo tsitsa o. Sigbe aletsi ŋnyi mia tsitsa lɔ, amɛwo lawɔ nu fanya- fanya kudo mi, sigbe be aletsi wo dosinu kudoŋ nɛnɛ. Ele yo texoe be nɛ woawɔ nubaȡa ku nusrɔnvi lɔ sigbebe axoetɔlɔ. Nɛ wole axoemɛ yo tsitsa yɔɔ be Bɛlzebulu lɔ ŋde ŋti wo ŋda wɔɛ kudo amɛtsiwo le yo xomɛɔn? ²⁶ Yi ŋti mi ŋgbé vɔn amɛxɔnwo. Nu tsi ɣlado amɛwo lɔ, Mawu dzibe mia ȡewofia. Ŋde le dzidziɔ be mia ɣlaɛ alo be nɛ miasɔ nu tsɔndzi o. ²⁷ Tsinɛ mila djo vɔ lɔ, nu ȡesiaȡe tsinɛ ŋto nɛ mi le vivitimɛ lɔ, mitoe le ŋdɔnkusu mɛ, yi nu ȡesiaȡe tsinɛ yo to nɛ mi ȡo tomɛ lɔ, mi yi tui le xɔtamɛ. ²⁸ Mi ŋgbe vɔn, amɛtsiwo la wu ŋtilan vɔ ŋda tinŋ wu luvɔn o. Boŋ, mivɔ amɛtsi la tinŋ atrɔn luvɔn kudo ŋtilan le zomavɔmɛ. ²⁹ Miȡoŋ asisrɔnwo, amɛȡe ŋde kpɔnɔwo ȡo boȡe nu o yi wo la tinŋ sa wo taŋga. Gãke, nɛ ȡeka tete gin le wo mɛ dje anyigban yi yiku lɔ, mia tɔ tsile dzi ŋkusi nyanɔ ȡolɔ enya nuwo kpata. ³⁰ Yiŋtilɔ, enya nu ȡesiaȡe kuȡo mia tsan mia ŋti. Mia taȡawo ŋtɔtsan le hlinhlin ni. ³¹ Mixɔ asi wu sisrɔn gbogboȡe. Mi ŋgbe vɔn. ³² Nɛnɛ, amɛsiamɛ tsinɛ la hũmɛnyɛ le agbetɔwo ŋkumɛ lɔ; nyɛ tsan na hũmɛ le tɔnyɛ tsinɛ le djiŋkusi. ³³ Vɔ amɛtsinɛ ŋda hũnyɛmɛ o lɔ, nyɛ xan nyɛ da hũmɛ le Tɔnyɛ yo ŋmɛ le djipo o. ³⁴ Mi ŋgbe bube ŋva anyigban dzi be nɛ mahin ŋtifafa vaɔ, nyɛ ŋdé va anyigban dji bé mahin ŋtifafa va vɔ kpatsa. ³⁵ Amɛȡewo tsiwo kplɔŋdo laku, ȡo amɛtsiwo ŋde kplɔŋdo lɔ laso ȡo amɛtsiwo xɔ dzinyɛ. Ðeviwo laso ȡo ȡeviwo ŋti. Vinɔ ȡo viɛ nyɔnuvi ŋti, yi nyɔnuvi lɔ ȡo nɔlɔ ŋti. Lɔnxo ȡo lɔnxoyɔvi ŋti. Yi lɔnxoyɔvi ȡo lɔnxolɔ ŋti. ³⁶ Amɛgbetɔ yo ketɔ lanyi yi ŋtɔ yo xomɛtɔwo. ³⁷ Amɛtsinɛ lalɔn tɔlɔ alo nɔlɔ sɔwum lɔ ŋde dze nuŋ o, yi amɛtsinɛ lɔn viɛnusu alo viɛ nyɔnu sɔ wum ŋdé sɔ kudoŋ o. ³⁸ Amɛtsi ŋde sɔ atsisoga yitɔ yi kplɔŋdo lɔ; ŋde sɔ kudoŋ o. ³⁹ Amɛtsi lale agbe yitɔ ȡo asi lɔ labui, vɔ amɛtsi labu agbe yitɔ ȡo ŋtinyɛ lɔ, lakpɔɛ. ⁴⁰ Amɛtsi nɛ xɔ mi lɔ, xɔm, yi amɛtsinɛ xɔm lɔ, xɔ amɛtsinɛ dɔŋ ȡoȡa. ⁴¹ Amɛtsinɛ xɔ nyanuȡɛtɔ doŋti enyi nyanuȡɛtɔ lɔ, laxɔ nyanuȡɛtɔ yo ŋgbe; amɛtsi laxɔ amɛdjɔdjɔɛ ȡoŋti enyi amɛdjɔdjɔɛ lɔ laxɔ amɛdjɔdjɔɛ yo ŋgbe. ⁴² Amɛtsinɛ lasɔ enumaȡinu ȡe sigbe esi kɔpo ȡeka fafa, asɔ nɛ ȡevi vifin ȡeka ȡoŋti enyi ahin nusrɔnvi lɔ, ŋtoe nɛ mi, ŋda bu yo ŋgbedodo o.