¹ Tsinɛ Yesu vɔ yo ȡoȡowo nu nɛ yo nusrɔnvi woeveɛ wo lɔ, edzo le xɔn yi vɛ to Mawunya kudo nufiafia le yo duganwo mɛ. ² Ejan-Baptist le gakpamɛ, se kristo yo dɔwo, dɔ aŋɛ to yo nusrɔnviwo dzi, ³ biɔɛse be: "Eɣo yi nyi amɛtsi lava, alo mi lagbe nɔtekpɔ amɛ bua?" ⁴ Yesu ȡoŋti yi to be,"Miyi yi miatonɛ Ejan nu tsiwo mile kpɔkpɔɔ, ⁵ matakliwo le zɔnzɔnwɔ, kpotínɔwo ŋti kɔ, tokunɔwo le nuseɔ, ŋtɔtsan, amɛkukuwo gbɔva agbemɛ, yi dukɔn tsinɛ le hiãmɛ le Mawunyanyui lɔ sekɔ. ⁶ Yi wolayra amɛtsi, nyɛ ŋ'da nyi afɔklinu na o. ⁷ Tsinɛ amɛtsɛwo le djodjoɔ le hɔn lɔ, Yesu le totoɔ nɛ dukɔnlɔ so Ejan ŋti be,"Ŋde miva yikpɔ le zogbeɛ mɛ, axlati tsi aya le xoxoɔ? ⁸ Vɔȡe ŋde ŋtɔ miva yikpɔ? Amɛtsi do awu tsi xɔtsia? Kpɔ, amɛtsiwo donɔn awu xɔtsiwo lɔ nɔnɔn efiɔwo xomɛ. ⁹ Vɔȡe, ŋde miva yikpɔ?Nyɔnuȡɛtɔa? Ŋɛɛ, ŋle totouwɔ nɛ mi, yi yiwu nyɔnuȡɛtɔ. ¹⁰ Amɛtsi ŋti wo ŋlɔȡɛ be, kpɔ, ŋdɔ amɛdɔdɔ ȡoȡa ŋkɔ nuŋ, yi ladjra mɔntɔwo le ŋkɔ wo. ¹¹ Ŋle totouiɔ, le nyawototomɛ, amɛtsiwo kpata wodji le nyɔnu mɛ lɔ, amɛ ȡekpe ŋde le kpin wu Ejan- Baptist o. Vɔ amɛtsi ŋde ȡo kpinkpinmɛ ȡekpeo le djipo fiaȡuxoe lɔ mɛ kpin wui. ¹² Ejan -Baptist yo ŋkekewo dji vaȡo fifiɛ lɔ, djipo fiaȡuxoe tsi sigbe hɔnhlɔn, yi akpasinsintɔwo ɣoe sɔni kudo ŋsin. ¹³ Ðo nyɔnuȡɛtɔwo kudo eselɔ wo nunyɔȡɛ kaka vaȡo Ejan dzi. ¹⁴ Yi nɛ mi be yewoa xɔɛ nɛnɛlɔ, yi yinyi Elia lɔ, tsinɛ trɔva. ¹⁵ Nɛ amɛtsinɛ ȡo etosenu lɔ, nɛ senu. ¹⁶ Mɛȡe nasɔ dzidzimɛ tsɛ sɔku? Wo sɔku ȡeviwo tsiwo le munuɔ le asimɛ yo dogbadzi, tsiwo nanyi yile axuadoɔ ȡoȡa wo nɔnɔwo gbɔ, ¹⁷ be "Mi kukpĩnvi kudo axloati, yi mi ŋde ȡu ewoe. Mi dzinuzinzinha yi mi ŋde tsi ŋzinzinmɛ o. ¹⁸ Ejan va, ŋde ȡu akpɔnɔn yi nu kɔfeha(vin), yi wole totoɔ be,"gbɔngbɔnvɔn lemɛ. ¹⁹ Amɛgbetɔ vilɔ va, le nu ȡuɔ yi le nu nuɔ, yi wo to be," Mi kpɔ, nusu ȡutɔ yɔ, aha nutɔ yɔ, amlɔnkoɛdjɔtɔwo kudo nuvɔnwɔtɔwo xɔnlɔn! Vɔ yo nunyanyanwo ȡefia djɔdjɔɛ to nunya yitɔ mɛ. ²⁰ Yidji lɔ, Yesu tɔ nyan hinhin so dutsiwo mɛ yi wɔ amliman nuwo le, ȡo ŋti wo ŋde trɔ djimɛ o. ²¹ Babaȡe nɔn, Korazin! Babaȡe nɔn, Betɛsda! Nɛ amliman nutsɛwo djɔ le Tyro kudo Sidon sigbe be mia gbɔ enɛ lɔ, wo lake trɔ dzimɛ xoxo yi lasɔ akpɛtɛ kudo afifĩn. ²² Vɔ, le kodzoȡogbé lɔ, Tyro kudo Sidɔn yo duwo lakpɔ emɛgbɔdjɔ sɔ wu miawo. ²³ Wo tsan, Kapɛrnawum, okanȡedzi be amɛwo la kafu ye benɛ yayiȡe dziŋkusia? Kpao, wola ȡiȡiwo kaka sɔyi yɔmɛ; ȡolɔ nɛ Sodom mɛ yi amlimãnutsɛwo djɔle lɔ, elake trɔ yi yila kpɔtɔ nanyi kaka nɛ egbɛ. Vɔ ŋle totouiɔ nɔmi, be elanɔn bɔtɔɛ nɛ Sodomu yo anyigban le kodzoȡogbe yo ŋkeke lɔ sɔwu wo. Vɔ mi ŋde nɔte nuvɔnwɔwɔ. ²⁴ Mawu la dɔnto nɛ amɛ baȡatsile Sodomu, vɔ wo lɔ, wo la dɔn to nɔwo veveȡe sɔwu le ŋkeke kpɛtɛlɔ dji. ²⁵ Le gaxoxo xɔnmɛ lɔ, Yesu xɔ nya yi to be: " Ŋdo ȡe dzi Etɔnyɛ, dziŋkusi kudo anyigban yo Axoetɔ, ȡoŋti osɔ susu tsɛwo ɣla do nunyalawo kudo amɛgawo, yi wosɔ fia amɛtsiwo ŋde yi sukulu o, kudo ȡeviwo. ²⁶ Ŋɛɛ, Etɔnyɛ, etsɛ yi nyi axo dzidzi. ²⁷ Nutsɛwo kpata Etɔnyɛ sɔwo sɔ nam. Amɛȡekpe ŋde dzesi Vilɔ nɛ ŋde nyi Etɔlɔ. Yi amɛȡekpe ŋde dzesi Etɔlɔ nɛ ŋde nyi Vilɔ, yi amɛtsi Vilɔ dzibe yasɔ fia. ²⁸ Miva gbɔnyɛ,miakpa tsinɛ nu tsikɔ nɔn yi agban le mia kpinkɔ, yi nana mi gbɔdjɔɛ ²⁹ Misɔ axĩn agban ȡo mia dzi yi mikplanu le gbɔnyɛ, ȡolɔ ŋbɔbɔ yi ŋfa le dzimɛ yi mi lakpɔ gbɔndjɔɛ le mia lu vɔn mɛ. ³⁰ Ðo axin agban fa yi anake tsinyɛ lɔ fo.