¹ Yesu ȡo tɔdzixun mɛ, yi iyi axua godo, afitsi nyi yi ŋtɔ yo dumɛ. ² Yi, wokplɔ matakli ɖe sɔva gbɔ le aba dzi.Tsi kpɔ wo xɔse lɔ, Yesu tonɔn amɛ yi nɛ kplibɔ lɔ be,:"Evinyɛ, dzi nɛnɔn xo nɔn; wo sɔ nuvɔntɔwowo keo. ³ Se ŋlɔntɔwo ȡewo to le wo ŋtɔ ȡokui wo mɛ;:" Amɛtsɛ le busu nyɔ nuɔ". ⁴ Yesu nya wo susuwo to be':"ŋde ŋti susu baȡa xɔnwo le mia dziwo mɛ?. ⁵ Tsi ŋde le fafaɖe be, nɛ woa to be:" Wo sɔ nuvɔnwo keo" alo be" shite nɛ nazɔn ?" ⁶ Vɔ, nɛ mia nyɛ be Amɛgbetɔ vilɔ ȡo ŋsin le anyigban dzi asɔ nuvɔwo keamɛ lɔ, Enu nɛ mataklui lɔ be: " Tsite, sɔ aba tɔwo, yi nadzo yi axoe tɔo mɛ." ⁷ Tsi amɛ hahowo kpɔ etsɛ lɔ, vɔnvɔn ȡowo, ⁸ yi wo le kafukafu sɔ na Mawu tsinɛ sɔ atsɛkpakpa tsɛ na amegbetɔwo. ⁹ Tsi toxɔn ŋti leyiyiɔ lɔ, Yesu kpɔ ŋsu ȡe tsi wo yɔnɔn be Mathie, enɔn anyi ȡo dɔwɔxoe tsinɛ takɔɛdzɔtɔwo le, yi yi toni be: "Kplɔ ŋdo". Eshite yi yi kplɔɛdo. ¹⁰ Tsi Yesu le kplɔnti le axoeȡe mɛ; takuɛ djɔtɔwo kudo nuvɔwatɔ sugbɔwo tsan va nɔn kplan ŋti kudo yesu be yewoaȡu nu kudo yio nukplanviwo. ¹¹ Tsinɛ pharisiatɔwo kpɔ xɔn lɔ,wo to nɛ yo nukplanviwo be:" ŋde ŋti mia nufiatɔ le nu ȡuwɔ kudo takuɛ dzɔtɔwo kudo nuvɔwatɔwo ȡo? ¹² Tsi Yesu se nyɔ xɔn lɔ eto be:" Amɛtsiwo le lanmɛsin mɛ lɔ wo ŋde hian ȡɔkita Õ, vɔ amɛtsiwoe ledɔ woe. ¹³ Miyi nɛ mia kplanu so nyɔ yiɛ ŋti:"Ŋshishi kuku dziwɔ ŋle, ŋde nyi avɔsasaɔ, ȡo nutsiŋti lɔ nyɛ ŋde va be mayɔ amɛ dzɔdzɔwo nɛ woa trɔ dzimɛo, ke bohun nuvɔnwɔtɔwo". ¹⁴ Yi Ejan yo nukpanviwo va yesu gbɔ to be:"ŋdé ŋti miɔwo kudo pharisiatɔwo mi blanɔ nu edziedzi, vɔ wɔɛ axo nukplanviwo ŋde blanɔ nuɔ?" ¹⁵ Yesu tonɔwo be,:" Agɔsɔnyɔnu yio xlɔwo la tɛnŋ anɔn ŋshishi mɛ nɛ ŋsu ȡetɔa le wo gbɔa? Gbeȡe, vɔ ŋkekewo gbɔnɔ yi wo laȡe agɔsɔ ŋsuwɔ dzo le wo gbɔ lɔ yi gaxoxo xɔn mɛlɔ wo la wola blanu. ¹⁶ Ameȡe ŋde sɔnɔ eȡo yeye sɔ tanɔ eȡo xoxo, ȡo yeyeɛlɔ la dɔn xoxoa yi ila drin, yi drindrin lɔ la keke ȡodzi . ¹⁷ Wo ŋde kɔnɔ aha yeye tsan ȡo langbazago xoxo mɛɔ, nɛ ŋde le nɛnɛɔ lɔ, langbazago xoxoɔ lawo yi aha la kɔŋgbe, yi langbazagoɔwo lagu. vɔ wosɔnɔ aha yeye kɔnɔ ȡo langbazago yeye mɛ, yi eveɛwo nɔnɔ nyuiȡe." ¹⁸ Tsi ile enyɔ xɔwo towɔ nɔwo lɔ, kpɔȡa , yudatɔwo megan ȡe va dzeklo ȡo ŋkɔ ni. yi inube :" Tugbɛdjɛvi tsinyɛ ku, fifiɛ trolo, ganke vayi nɛ nada alɔ ȡodzi, nɛ yiagbɔ agbe". ¹⁹ Yesu shite kplɔɛdo kudo yo nukplanviwo. ²⁰ Kpɔȡa nyɔnu ȡe tsi ŋtsi ehũ le kɔkɔwɔ le xue wuieve shɔŋ, to ŋgbedemɛ nɔ yesu tɔalɔ yio awutogã ; ²¹ ȡo eto le yie ȡekime be," Nɛ ŋtinŋ tɔ alɔ yio awu toga lɔ, nakpɔ lanmɛsin. ²² Ke Yesu trɔ, kpɔɛ toni be:" Evinyɛ, axo dzi nɛ dzemɛ, axo xɔse dadɔnɔwo." Yi nyɔnuɔa yio lanmɛkɔ zeȡeka. ²³ Tsinɛ Yesu ȡo yudatɔ mɛga lɔ yio xomɛ, yi yikpɔ etsɔtɔwo tsiwo le ekpĩn kuɔ kudo amehagãȡe tsi le abobo dowɔ lɔ; ²⁴ Etonɔwo be," Mi dɔyi azɔge , ȡo nutsiŋti lɔ nyɔnuviɛ ŋdekuo vɔ elé alon dowɔ ." yi wokoe ²⁵ Tsi inya ameɛwo to vɔlɔ, yeŋtɔ gɛȡome yi ile nyɔnuviɛ yio lɔnu, yi nyɔnuviɛ fon dzete. ²⁶ Yio nyikɔ ȡi hÕ le nuto xon kpata mɛ ²⁷ Le gaxoxo tsimɛ Yesu dzo le xɔn lɔ, ŋkuvigbãgbãnɔ eve kplɔɛ do; tsiwo le axua dowɔ le be,"Ku ŋshishi nɛ mi, David yio vi!" ²⁸ Tsi Yesu veɛȡo axomɛ lɔ, ŋkuvigbãgbãnɔwo yigbɔ. Yesu biɔwose be,"Mi xɔɛ se be na tinŋ wɔɛ?" Woȡo ŋti be:"Ɛɛ, Axoetɔ." ²⁹ Nɛnɛ Yesu tɔ alɔ wo ŋkuviwo le nunuwɔ be:" Nɛ vamɛ nɛ mi le mia xɔse nu." ³⁰ Yi wo ŋkuviwo xun. Yi Yesu do gbeasiwo veveȡe nɔwo be :" Amɛȡe kpekpei ŋgbe sewo." ³¹ Vɔ tsi amɛ veɛwo dzo le gbɔ yi lɔ wona yio nyikɔ ȡihoo le dukɔa kpata mɛ. ³² Tsinɛ wodzo le yiyiɔ lɔ, wo kplɔ nununinɔ tsinɛ mɛ gbɔgbɔvɔn le. ³³ Tsinɛ yi inya gbɔgbɔvɔ lɔ vɔlɔ, nunuinɔ lɔ xonuxo. Amɛhawo nu ku yi wo be: "Etsɛ ŋde dzɔ kpɔ le Israɛluo!" ³⁴ Vɔlɔ phariatɔwo to be:" Gbɔgbɔvɔn yio axuetɔ, yi isɔ le gbɔgbɔwo nyawɔ." ³⁵ Yesu ȡisa to dugãwo kudo kɔxuiawo mɛ; kpɔtɔ le nufiawɔ le wo gbedoȡaxuewo, le nyɔyuiɛ towɔ kuȡo fiaȡuxuɛ ŋti, yi yile dɔlele xomɛvi ȡesiaȡe daɔ, kudo gbɔdzɔgbɔdzɔtɔwo. ³⁶ Tsinɛ yikpɔ amɛhawo lɔ, yio dɔme trɔ ȡo, woŋti ekpɔ be wo le nuxaxamɛ yi wo tsaka. Wo tsaka sigbe alinwo tsiwo nu kplɔla ŋde . ³⁷ Eto nɛ yo nusrɔnviwo be," Nuȡeȡe lɔ sugbɔ, vɔ lɔ dɔwɔtɔwo yɛ xoe. ³⁸ So tsɛ dzi lɔ minɔ kuku ȡeɔ nɛ Axoetɔ tsinɛ tɔɛ nyi nukuȡeȡe lɔ, nɛ ya ȡo dɔwɔtɔwo ȡoȡa nukuŋɛŋɛ lɔ mɛ."